Ta kryejmë borxhin ndaj dëshmorëve...

Dita e Dëshmorëve është ditë kur përkujtojmë me krenari jetën e atyre që e flijuan për atdhe, përgjatë udhëtimit tonë të shenjtë për liri dhe bashkim. Ky udhëtim është i gjatë dhe shumë historik dhe triumfues. Dëshmorët, do të përkujtohen përgjithmonë dhe ata janë krushqit e lirisë, ata janë në ngjyrën e kuqe-gjaku të flamurit tonë kombëtar me shqiponjën dykrenore.

Si asnjëherë më të bashkuar, se kësaj here, bashkatdhetarët e Kosovës Lindore, që jetojnë dhe veprojnë në Zvicër, ishin bashkuar sëbashku për të përkujtuar dëshmorët e rënë për Kosovën Lindore. Them si asnjëherë më parë, sepse ishin mbledhur nga katër anët e Zvicrës, edhe ate duke udhëtuar me orë të tëra nga Gjeneva, Lozana, Neuchateli, Solothurni, Zürichu dhe Ticino, anëtarë të shoqatave të Kosovës Lindore, si ajo Kosova Lindore, pastaj Shoqata humanitare e Luginës së Preshevës dhe bashkëvendas. Pra sëbashku rreth një qëllimi, rreth një ideali, nderime dëshmorëve, aktivistë të kahmotshëm të kauzës kombëtare, intelektualë dhe veprimtarë të ndryshëm. Reinecki për këtë vit, ishte qendra kryesore, apo sofra e bashkimit, sofra e kujtimit, sofra e betimit, që të punohet edhe më shumë, të duhemi më shumë mes veti, të mendojmë më shumë, të përkulemi para veprës heroike të dëshmorëve.

Akademi përkujtimore për luftëtarët e UÇPMB-së

Para fillimit të kësaj Akademie përkujtimore, nga nostalgjia e profesionit tim, mundoja të gjurmoja ndonjë lajm më të freskët se vitin që shkoi nga organizatorët, kur u organizua Akademia përkujtimore dhe më la përshtypje lajmi, se shpejt pritet që të bashkohen edhe shoqatat tona humanitare të Kosovës Lindore që veprojnë në Zvicër, me moton të bashkuar do bëjmë më shumë, do ecim më drejtë, do jemi më të fortë dhe do jemi ata që nuk do të dorëzohemi. Pra, kjo Akademi përkujtimore, ky përkujtim shpirtëror, emocional, do të jetë formula e bashkimit.

Akademi përkujtimore për luftëtarët e UÇPMB-së

Bashkatdhetarët, sëbashku me familjarët e dëshmorëve të rënë për Kosovën Lindore, me krenari bisedonin, komunikonin për të ardhmen e tyre, përkujtonin ndonjë rast të bisedës që kanë pasur me vëllaun, nipin, xhaxhain apo dajën dëshmorë të rënë për Kosovë Lindore.Salla ishte e përmbushur me bashkatdhetarë, të gjithë prisnin që të fillojë edhe Akademia përkujtimore. Përveç familjeve të dëshmorëve që morën pjesë, si ajo e Komandant Ridvan Qazimit me nofkën Lleshi, komandant Artan Abazit, komandant Njësitit Mitat Musliu etj, ishin edhe aktivistët e kahtmoshëm, si Prof.Fehmi Kelmendi, Prof. Skender Rexhepi - njëherit edhe sponzor gjenaral i kësaj Akademie dhe drejtor i Bibliotekës shqiptare në Zvicër, Komandant Shefket Hasani, që krisi pushkën i pari në Dobrosin të Bujanocit, inxh. Ahmet Hasani, Prof.Murat Avdiu, redaktori i Diasporës në kombëtaren "Bota sot", D. Hebibi, Ekipi realizues i TV Diaspora në bashkëpunim me RTK, producent z. Esat Husaj, kameraman Besnik Strezoca dhe gazetar D.Hebibi, kryetari i fondit Kosova Lindore z. Xhim Presheva (Xhelali), kryetari i Shoqatës Humanitare Lugina e Preshevës z. Shaip Bajrami, kryetarit i bashkësisë lokale të fshatit Strezoc, aktivist z. Xhelil Xhelili etj.

Akademi përkujtimore për luftëtarët e UÇPMB-së

Me një skenografi emocionuese dhe domethëniese, mësuesi Murat Avdiu, që njihet në këtë anë, si kontribues i veçantë në programe të ndryshme festive, që bënë me nxënësit e vet të shkollës së muzikës "Jehona" me seli në Roschah të St.Gallenit, me një pëlhurë të madhe, të shkruar Ilirida dhe harta e Europës dhe duke i dridhur nga stuhija e vullkanit politik, ku shihej se Ilirida po vlon, u përkujtua, se e gjithë Shqipëria Etnike, ka ndjerë çdo luftë që është zhvilluar në pjesët e saja që aktualisht janë të ndara nëpër shumë shtete.

Akademi përkujtimore për luftëtarët e UÇPMB-së

Nga të gjithë të pranishmit u duartrokit kjo pjesë artistike përmes pëlhurës me hartën e Europës.Pas kësaj pike artistike që nuk shiheshin nxënësit e kësaj shkolle të muzikës "Jehona", në skenë doli mësuesi Murat Avdiu, që njëherit është edhe anëtar i këshillit organizativ të Akademive përkujtimore që zhvillohen në Zvicër, pasi përshëndeti të pranishmit, e në veçanti familjarët e dëshmorëve dhe mediat gazetën kombëtare "Bota sot", TV Diaspora në kuadër të RTK-së si dhe presheva com, që po kontribuojnë në të mirë të bashkatdhetarëve, e hapi këtë Akademi përkujtimore me shumë emocione dhe me një modesti profesionale.

Akademi përkujtimore për luftëtarët e UÇPMB-së

Pas hmynit kombëtar dhe të një këngë, pse jemi të ndarë, të përkatitur nga mësuesi Murat Avdiu, nxënësit e kësaj shkolle, ishin personazhët kryesorë të kësaj Akademie përkujtimore me një kostumografi profesionale me flamur kombëtar dhe veshje ushtarake. Pas hymnit dhe këngës, me një minutë heshtje u nderuan të gjithë dëshmorët e rënë për të mirën e atdheut. Prof.Fehmi Kelmendi, me disa fjalë përshëndeti familjarët e dëshmorëve, organizatorët dhe bashkatdhetarët e shumtë që kishin ardhur për freskim dhimbjesh familjarëve të dëshmorëve, u ndalë së veçuari disa nga pikat më kryesore të luftës së UçPMB-së dhe përmendi edhe krismën e parë të lirisë nga komandant Shefket Hasani, i cili ishte i pranishëm në këtë përkujtimore.

Akademi përkujtimore për luftëtarët e UÇPMB-së

Në vzahdim tha ndër të tjera Prof.Kelmendi, se dëshmorët do të përkujtohen përgjithmonë, ata janë të pavdekshëm, ata janë krenaria e kombit, ku do krenohemi përgjithmonë me trimërinë, moralin dhe energjinë që kishin të luftojnë me regjimin e atëhershëm të egër serb. Me disa fjalë, u lexuan edhe biografitë e dëshmorëve, nga publiciti Dashnim Hebibi, ku për disa minuta me radhë, u lexua jeta e dëshmorit veç e veç dhe me shumë respekt nga të pranishmit deri në minutat e fundit u mirëprit biografia e dëshmorëve dhe me disa fjalë në fund z.Hebibi tha se: Me këtë akademi po nderojmë të gjithë dëshmorët. Kosova është gjithnjë e më afër ditës së pavarësisë për të cilën dhanë jetën ata që po përkujtojmë; dhe, sa më shumë po i afrohemi kësaj dite aq më e lavdishme dhe më madhështore bëhet sakrifica e tyre.

Akademi përkujtimore për luftëtarët e UÇPMB-së

Kjo pavarësi do të jetë sovrane sepse sovrane e bëri gjaku i atyre që u flijuan për të. Dita e Dëshmorëve është ditë kur përkujtojmë me krenari jetën e atyre që u flijuan për atdhe përgjatë udhëtimit tonë të shenjtë për liri dhe pavarësi. Ky udhëtim është i gjatë dhe shumë historik dhe triumfues. Dëshmorët, do të përkujtohen përgjithmonë dhe ata janë krushqit e lirisë, ata janë në ngjyrën e kuqe-gjaku të flamurit tonë kombëtar.Lavdi dëshmorëve, zoti e bekoftë popullin shqiptar, që ky mijëvjeçar do të jetë i yni.

Komandant Shefket Hasani, ashtu si gjithmonë trim, ashtu si gjithmonë sy patrembur, me plisin në bardhë doli para të pranishmëve, përshëndeti të gjithë që ishin prezent dhe në brez kishte të vendosur një pushkë të vjetër (improvizim) dhe tha ndër të tjera: "Me pas ndu këtë pushkë para luftës, kishit me thënë, ei tash po mundohet me u tregu tri, por tash po e ndojë prapë edhe pse nuk është e vërtetë, se e kam krisë pushkën i pari dhe nuk do pajtohem me shtypje të armikut deri në vdekje. Pavarësia e Kosovës është në ditët e fundit dhe kësaj pavarësie do ti gëzohemi të gjithë, por shpresojmë se Kosova Lindore, nuk do të mbetet jetimë, amaneti i dëshmorëve padyshim se do të shkojë në vend.Lavdi dëshmorëve, Rroftë Kosova, Shqipëria, Ilirida, çamëria, e Kosova Lindore.

Në këtë ditë të shënuar u këndua, u recitua, këngë për Gjergj Kastriot Skënderbeun, Adem Jasharin, komandant Lleshin etj, iu këndua Drenicës, Arbërisë e çamërisë, nga nxënësit e shkollës së muzikës "Jehona" Roscha-St.Gallen dhe nga vëllezërit Rexhepi, të përcjellura nga artisti i mirëfilltë i këngës së bukur burimore-folklorike shqipe z.Hekuran Rexhepi, i cili me veshjet kombëtare dhe me qifteli, bashkoi edhe njëherë përmes artit tokat shqiptare që u coptuan më 1912 në Londër.Marshi i UçK-së, tregoi edhe fundit e kësaj Akademi modeste përkujtimore, të organizuar nga këshilli organizativ sëbashku me Shoqatën Lugina e Preshevës-Zvicër, të ndihmuar dhe mbështetur nga familjarët e dëshmorëve të UçPMB-së dhe humanisti Prof.Skender Rexhepi.Në qëndrimin ndaj dëshmorëve të kombit, ndaj luftës së saj çlirimtare, dëshmohet diçka më e rëndësishme se interesat e ndryshme të përtashme politike: dëshmohet botëkuptimi liridashës, karakteri dhe dinjiteti historik i populli shqiptar.

Kur kapën armët, ata nuk bënë llogari, kurrfarë llogarie, as politike, as jopolitike. Ata nuk menduan siç menduan shumë të tjerë që nuk u nisën në rrugën e tyre. Ata nuk menduan: do të shpëtoj a do të vritem! Do të më dalë më mirë kështu a ndryshe! Do të kryej a s’do të kryej fakultet! Do të bëhem a s’do të bëhem profesor! Do të krijoj a s’do të krijoj karrierë para luftës a pas luftës! Ata e morën një vendim: të luftojnë për Kosovën dhe, në qoftë se lirinë dhe pavarësinë e saj nuk do të presin t’i gëzojnë, do të ketë kush t’i gëzojë: do t’i gëzojë populli që ua dha jetën. Të gjitha luftërat çlirimtare i kanë dëshmorët dhe historianët e tyre. Kështu tha ndër të tjera për gazetën tonë xhaxhai i dëshmorit Mitat Musliu në përfundim të kësaj Akademie. Nga organizatorët, u premtua, që edhe në të ardhmen do të përkujtohen dëshmorët e rënë, ata do të përkujtohen gjersa të jemi gjallë edhe pse me mijëra kilometra jemi larg varreve të tyre, por me zemër dhe shpirt, përkulemi para trimërisë së tyre. Lavdi dëshmorëve.

Foto: Besnik Strezoca
Legjendae fotove: Pamje nga pjesmarrësit e Akademis pëkujtimore në Zvicër