Ata që kanë dhënë jetën për atdhe, nuk kanë vdekur, ata do të jenë përgjithmonë gjallë

-- nga Dashnim HEBIBI, Valis, 09 korrik

"Dëshmorët e Kosovës Lindore, e kanë vendin e vet të sigurtë në shqiponjën krenare. Jemi me shpirt edhe në Kosovën Lindore, në Malci e çamëri. Asesi nuk i harrojmë. Jemi shumë afër me kilometra me Preshevën, Tërnocin, Konçulin, e Medvegjën, prandaj, të kisha mundësi, do të vija shumë shpesh dhe do t'i veja lule të freskëta në varret e dëshmorëve. Por, mundësitë nuk qëndrojnë për shkaqe të njohura, por ju them sinqerisht, e kujtoj në çdo kohë ate pozitë strategjike të levërdishme." - theksoi ish eprori i UçK-së Spiro Butka.

Tiranë, Zyrih 07 gusht - Situata në të cilën po kalon Kosova, ku në çdo masmedium kombëtar dhe ndërkombëtar po përmendet statusi i Kosovës, problemi i shqiptarëve të shpërndarë në disa shtete, nuk është temë ndër hije e zyrtarëve të Shqipërisë mëmë. Edhe Presheva, Bujanoci, Medvegja, Malcia e çamëria, përmenden dhe respektohen me nderimet më të larta nga shteti shqiptarë. Në këto ditë të nxehta të fund korrikut dhe fillim gushtit, ku kaloi në Tiranë temperatura 43'C, xhaxhai i dëshmorit Mitat Musliu z.Fazli Musliu, njëherit edhe arkatar i Shoqatës së pavarur humanitare "Lugina e Preshevës" me seli në Gossau të Zvicrës, vizitoi Tiranën, ku me këtë rast realizoi disa takime të rëndësishme dhe mori përkrahje të madhe nga shteti shqiptar, që invalidët e luftës, familjet e dëshmorëve dhe fëmijët jetimë nuk duhen të harrohen, por të kujtohen dhe të ndihmohen dhe përshëndetën punën e madhe dhe modeste që është duke bërë kjo shoqatë, duke ndihmuar këto kategori familjesh edhe me ndihma, por edhe me ngushëllime të herpashershme, ku kuptohet për këto familje është një freskim edhe nderim më i madh.

Shoqata "Lugina e Preshevës, për të gjithë tashmë është e njohur, e cila po vepron në Zvicër dhe që është shtrirë edhe në Belgjikë, e që mendohet të shtrihet edhe në disa shtete tjera ku ka bashkatdhetarë, si në Gjermani, Holandë, e Francë, pse jo edhe në SHBA. Gjatë vizitës dy ditëshe në Tiranë, z.Fazliu, u takua me z. Flamur Gashin, drejtor i Institutit Kombëtar të Diasporës pranë Ministrisë së Punëve Jashtme të Shqipërisë, njëherit këshilltar i Ministrit të Jashtëm Shqiptar z.Lulzim Bashës, më pastaj me z. Agim Doçi drejtor Informimi në Ministrinë e Mbrojtjes së Shqipërisë, njëherit edhe poet i mirënjohur, që ka shkruar shumë këngë që njihen në opinion e gjerë, si Marshi i UçK-së, këngën e Eurovizionit të kënduar nga Anjeza Shahini etj, ish eprorin e lartë në shtabin e TMK-së, Spiro Butka me nofkën Vigan Gradica, njëherit ish shef i shtatmadhorisë së Ushtrisë shqiptare, me poetin e mirënjohur Xhevahir Spahiun, publicistin Ylli Popovina, kompozitorin e mirënjohur Edmon Zhulalin, artistin e këngës së bukur shqipe Arif Vladin, drejtues të PD si dhe PR. Takimi përkoi me rastin e betimit të presidentit të shtetit shqiptar z.Bamir Topit, ku edhe i dërguan urime edhe kryeministrit shqiptar z.Sali Berisha, ku kryeministri i ktheu përgjigje mirënjohëse dhe ndër të tjera thotë se ky president është zgjedhja më e mirë që do të bënte shteti shqiptar.

Gjatë gjithë takimeve, z.Musliu mori përshtypjet më të mira të shtetit shqiptar, se një ditë edhe Presheva, Bujanoci dhe Medvegja, do të frymojnë më lirshëm dhe amaneti i dëshmorëve padyshim se do të shkojë në vend. Vizita me z.Flamur Gashin në Ministrin e Jashtme, ishte e paharruar, ku njëherit z.Gashi është edhe drejtor i Institutit Kombëtar të Diasporës, ku gjatë bisedës miqësore që zgjati gjysëm ore, z.Fazliu mori shumë urime për punën që është duke bërë Shoqata e pavarur humanitare "Lugina e Preshevës" dhe njëherit z.Gashi premtoi se edhe në të ardhmen bashkatdhetarët nuk do të harrohen, por do të ndihmohen në mënyra të ndryshme. Ndër të tjera z.Gashi çmoi edhe kontributin e madh që ka bërë dhe është duke bërë pjesa e mërgatës në shumë zhvillime nëpër tokat shqiptare. Presheva, Bujanoci dhe Medvegja, më shumë se kurrë duhet të jenë edhe më të bashkuar, të shikojnë dhe të përcjellin me vëmendje zhvillimet e fundit në Kosovë dhe të angazhohen edhe më shumë për bashkëpunim me Kosovën dhe shtetin shqiptar, në këtë kohë që po kalon Kosova para statusit.

Këto tre qytete janë pjesë e Dardanisë së lashtë. Ndërsa për familjet e dëshmorëve, invalidët e luftës dhe fëmijët jetimë, tha se ata që mendojnë dhe veprojnë me ndihma të ndryshme këtyre kategorive, është më se i respektuar. Dihet se dëshmorët, do të përkujtohen përgjithmonë, ata janë lule që nuk vyshken asnjëherë, ata do të rikujtohen dhe do të jenë aty ku është edhe flamuri kombëtar, aty ku edhe këndohet hymni kombëtar.

Instituti Kombëtar i Diasporës e ka si një ndër objektivat e veta më të rëndësishme identifikimin e shqiptarëve kudo në botë. Në këtë kuadër ne jemi përpjekur të gjejmë numrin e përafërt të bashkëkombasve tanë që jetojnë e punojnë në shtete të ndryshme.Tanimë në arkivin e Institutit Kombëtar të Diasporës kemi një dokumentacion relativisht të plotësuar për shtrirjen dhe organizimin e diasporës shqiptare.Strategjia Kombëtare për Emigracionin, e miratuar tashmë nga Qeveria Shqiptare, ka si përparësi edhe regjistrimin e plotë, të detajuar dhe me kritere shkencore të kontigjentit të shqiptarëve, për të krijuar një Regjistër Kombëtar të Shqiptarëve jashtë vendit. Në fund të këtij takimi miqësor, që ishte prezent edhe publicisti i mirënjohur shqiptar Ylli Pollovina, z.Musliu i uroi një libër publicistik të tijin në lidhje me luftën e fundit në Kosovë dhe falënderuan z.Fazli Musliun për këtë vizitë vëllazërore, ku edhe z.Musliu përshëndeti punën që është duke bërë edhe z.Gashi, ku njëherit ishte drejtues i mediave kryesor për palën shqiptare i vizitës së presidentit të SHBA-ve George W Bush që e realizoi në muajin qershor.

Edhe me ish-shefin i shtatmadhorisë së Ushtrisë shqiptare Spiro Butka, z.Musliu u njoftua drejpëdrejtë me gjithë situatën e tanishme në tokat shqiptare. Z.Spiro Butka me fjalë miradije, falënderoi z.Musliu për këtë vizitë, njëherit ia bëri me dije se Kosova Lindore, nuk do të harrohet përasnjëherë edhe nga shteti shqiptar. Atyre që nuk iu kujtohet Spiro Butka, ju njoftojmë se ishte vjeshta e vitit 1998 , kur si rezultat i operacionit famëkeq "Patkoi", të filluar nga ushtria serbe ndaj popullit të Kosovës, këta të fundit erdhën masivisht në Shqipëri. Në atë periudhë si të gjithë edhe Spiro Butka pat takim me shumë shqiptarë nga Kosova që kishin arritur deri në Tiranë për t'u strehuar. Aty iu forcua dëshira e lindur prej kohësh për të luftuar ndaj atyre që po digjnin të gjallë gra dhe fëmijë të pambrojtur. Vazhdon më tej z.Spiro një evokim kujtimi: "Isha në Drejtorinë e Politikës së Mbrojtjes. Pastaj, në fund të dhjetorit të vitit 1999, kur u shpërbë Qeveria e Përkohshme e Kosovës, kalova në Shtabin e Përgjithshëm të Trupave Mbrojtëse të saj, ku ndenja deri në korrik të vitit 2002.

Aty, deri në vitin 2001, drejtova Departamentin Operativ, dhe nga viti 2001 deri në korrikun e 2002-shit u komandova në detyrën e shefit të Shtabit të Përgjithshëm të Kosovës, ku zëvendësova Agim Çekun, i cili u emërua Komandant i Trupave Mbrojtëse. Në korrik të 2002-shit, me vendim të KFOR-it, unë u shkarkova dhe kështu erdha në Shqipëri, ku rri tashmë dhe krenar që kam kontribuar sado pak për atdheun tim". z.Spiro Butka konkretisht ka qenë ndër drejtuesit më kryesorë të operacionit më të madh disamujor të ndërmarrë në shkallë vendi nga Ushtria Çlirimtare e Kosovës, i quajtur "Shigjeta". Gjatë bisedës miqësore z. Butka tha se: "Kanë marrë pjesë në luftën e Kosovës, në formacionet e UçK-së, më shumë se 100 shqiptarë nga Shqipëria. Disa prej tyre kanë qenë edhe në postet drejtuese në Shtabin e Përgjithshëm, apo dhe në krye të njësive e reparteve. Nga lista e publikuar nga UÇK, rezulton se 28 shqiptarë janë dëshmorë të rënë në krye të detyrës në luftë me serbët. Dëshmorët janë nga Tropoja, Hasi, Kukësi, por edhe nga Tirana, Pogradeci, Kavaja, Berati e Vlora.

1- Arjan Brahimi nga Shkodra. Rënë më 18 korrik 1998 në Rahovec
2- Fatmir Doçi nga Tropoja. Rënë më gusht 1998 në Smolnicë (Dreçan)
3- Hazir Malaj mjek nga Tropoja. Rënë më 8 maj 1998 në Qafë Mali
4- Indrit Cara nga Kavaja. Rënë më 31 mars 1999 në mal të Gallushës, Pagarushë
5- Halil Coka nga Kukësi, banues në Bathore, Tiranë. Rënë më 3 prill 1999 në Ratishë, Dreçan
6- Artan Kovaçi nga Vlana, Krumë. Rënë në maj 1999 në Pashtrik
7- Ramë Geca nga Kruma. Rënë në maj 1999 në Pashtrik
8- Astrit Suli nga Lumasi, Berat. Rënë më 27 maj 1999 në Gorozhup
9- Xhem Bardhoshi nga Letaj, Krumë. Rënë më 15 maj 1999 në Majën e Zezë, Pashtik
10- B. Breçani nga Markaj, Tropojë. Rënë më 25 maj 1999 në Shkozë, Koshare
11- Qazim Dautaj nga Tropoja. Rënë në maj 1999 në Shkozë, Koshare
12- Arif Dautaj nga Tropoja. Rënë në qershor 1999 në Koshare
13- Besnik Brati nga Golaj, Krumë. Rënë më 26 gusht 1998 në afërsi të Godenit
14- Naim Cema nga Kruma. Rënë më 26 gusht 1998 në afërsi të Godenit
15- Astrit Prushi nga Qarri, Krumë. Rënë më 26 gusht 1998 në afërsi të Godenit
16- Dine Koleci nga Kishaj, Krumë. Rënë më 2 qershor 1998 në afërsi të Godenit
17- Agim Muja nga Kruma
18- Hamdi Mula nga Dobruna e Hasit
19- Xheladin Dautaj nga Golaj, Krumë
20- Muharrem Dauti nga Zahrishta e Hasit
21- Adem Mazreku nga Vranishti i Hasit
22- Xhevat Lleshi nga Kishaj i Hasit
23- Isa Malaj nga Peraj i Hasit
24- Enver Vila (nuk dihet nga është). Rënë në vitin 1999
25- Lefter Bica nga Berati. Rënë në qershor 2001 në Shkup
26- Skerdilaid Llagami nga Tirana. Rënë më 1 korrik 2001 në Bogovinë, Maqedoni
27- Ndriçim (mbiemri nuk dihet) nga Pogradeci. Rënë në qershor 2001 në Shkup
28- Gusel (mbiemri nuk dihet) nga Vlora. Rënë në qershor 2001 në Shkup

Problemet e pa zgjidhura e të ngelura pezull të Shqiptarve, duke filluar që nga fillimet e shekullit të kaluar e deri në ditët e sotme, janë bërë burim e objekt diskutimesh në kancelaritë perëndimore, për politikanët e tyre dhe analistët e fushave të ndryshme. Këto, jo për rrjedhojë e pasojë të Shqiptarve, por nga që në gadishullin "e zjarrtë", për vetë epitetin e vënë qëllimisht, nga ata që e kanë lënë në gjëndje të tillë, Shqiptarët janë quajtur dhe vazhdojnë të etiketohen si zjarrvënës të Ballkanit. Zanafilla e të gjitha këtyre enigmave, rrjedh nga padrejtësia e ndodhur në Londër më 1913, ku Shqipërinë dhe Shqiptarët, pa pyetur për dëshirat dhe aspiratat e tyre, i copëtuan në pesë pjesë, duke ushtruar dhunë dhe gjakderdhje masive. Historia e këtyre ngjarjeve është shumë e hidhur, por për më tepër, ajo është mjaft e njohur dhe aktuale, sepse përpjekjet e vazhdushme të Shqiptarve për liri e bashkim kombëtar, jo vetëm që nuk u ndalën, por në të kundërtë, ato mbetën të gjalla deri në ditët e sotme, nisur nga shpresa e dëshira e mirë për vetvendosje dhe realizimin përfundimtar të aspiratave mbarë kombëtare.

Ranë fli në altarin e lirisë 2017 dëshmorë të kombit. Në luftë e sipër u plagosën dhe ngelën invalidë për gjith jetën 2340 trima të atij populli liridashës. Forcat e errëta nacionaliste Serbe vranë, prenë, masakruan dhe zhdukën rreth 30.000 viktima, 3000 prej të cilëve akoma nuk u gjëndet as dhe një gjurmë. Mizoria e tyre shkoi dhe më tej, duke përdhunuar mbi 20.000 femra të moshave të reja, ku shumica e rasteve të orgjive Serbe, u kryen në sy të të afërmëve të viktimave. Në funksion të politikës makabre, forcat ushtarake Serbe, dogjën dhe shkatërruan mbi 120.000 shtëpi. Nuk u mjaftuan vetëm me këto barbarizma, por në zbatim të teorisë nacionaliste çubrolloviçiane të tokës së shkrumbuar, u dëbuan me dhunë nga trualli i tyre etnik stërgjyshnor mbi një milion banor, duke zhdukur të gjitha dokumentat e tyre të identifikimit. Bota e quajti dhe i vuri emrin luftë, por ajo ishte dhe është më tëpër se ai term i urryer për çdo njeri që ka llogjikë dhe arsye njerzore.

Lufta jonë e ka patur dhe ka një Porgram Kombëtar i cili është hartuar në Kuvendin e Lidhjesë së Prizirenit te vitit 1878 me qëllim të qartë dhe bashkohor - një komb një shtet!Lufta e Shqiptarve të trojeve etnike veri-lindore, nuk është vetëm kjo e këtyre kohërave moderne. Ajo është e herëshme sa dhe vetë qënia e tyre në këto troje etnike. Për të mos shkuar shumë larg realiteteve konkrete, historia e përbashkët e këtij kontinenti, në ballafaqim me zhvillimet e kohërave të shtetformimeve Evropiane, tregon se Shqiptarët ashtu si dhe popujt e tjerë të Ballkanit, nëpërmjet qeverisë së Lidhjes së Prizrenit, hodhën themelet e para për bashkimin e vendit të tyre, në një shtet të vetëm Shqiptar, brënda kufijve të tyre etnik arbëror. Por pazaret e kurdisura nga diplomat të shitur e të blerë brënda tregut politikë Evropian, mbytën me gjak, jo vetëm përfaqësinë e shtetit Shqiptar të dalë nga gjiri popullit të vet, por me ushtritë e tyre ata shkuan më larg dhe vranë e shkrumbuan me dhunë një komb të tërë, duke e copëtuar atë në pesë pjesë, rast ky i vetëm, unikal e i paparë si asnjëherë në historinë e zhvillimit njerzor".

Ndërsa për Kosovën Lindore u ndal me disa fjalë të shkurtërta, duke theksuar se: "Presheva, Bujanoci dhe Medvegja, kanë qenë shqiptare dhe herëdokurë, do t'i kthehen hartës natyrore kombëtare. Dëshmorët e Kosovës Lindore, gjithsesi do të rikujtohen, invalidët e luftës duhet të trajtohen më mirë, ti sigurohen kushte më të mira ekonomike, të presin para sporteleve të marrin një pagë të vogël as 100 euroshe edhe ate duke pritur e fëmijët jetimë të mos kenë as çanta dhe të shkojnë në shkolla të shkyer dhe të nënçmohen. Tek shqiptarët gjithmonë ka qenë humaniteti, prandaj përgëzoj këtë punë të madhe që është duke bërë diaspora jonë shqiptare, e në këtë rast edhe Shoqata e pavarur humanitare "Lugina e Preshevës". Në këtë kohë, duhet të mos kemi gjumin e ariut, por të rrimë sy çelë dhe të shikojmë e të punojmë, të duhemi dhe të mos përgënjeshtrojmë, të mos fusim vëllavrasje, por të jemi ashtu si na ka hije.

Familja Musliu e Strezocës është e nderuar dhe shumë familje tjera të kësaj pjese të artë të atdheut tonë. Dëshmorët e Kosovës Lindore, e kanë vendin e vet të sigurtë në shqiponjën krenare dy krenore. Jemi me shpirt edhe në Kosovën Lindore, në Malci e çamëri. Asesi nuk i harrojmë. Ata që kanë dhënë jetën për atdhe nuk kanë vdekur ata do të jenë përgjithmonë gjallë. Jemi shumë afër me kilometra me Preshevën, Tërnocin, Konçulin, e Medvegjën, prandaj, të kisha mundësi, do të vija shumë shpesh dhe do t'i veja lule të freskëta në varret e dëshmorëve. Por, mundësitë nuk qëndrojnë për shkaqe të njohura, por ju them sinqerisht, e kujtoj në çdo kohë ate pozitë strategjike të levërdishme". Edhe z.Musliu, e njoftoi z.Butka, me aktivitetet e mërgatës në Zvicër e konkretisht të shoqatës, që mbledhin ndihma me ndihmën e bashkatdhetarëve dhe përcillen në familjet e nevojtarëve.

Njëherit e njoftoi edhe me përkrahjen e madhe që po ua jep edhe shteti shqiptar me Ambasadorin e nderuar Prof. Mehmet Elezi në Zvicër, i cili përshëndet shumë takime që mbahen në të mirë të historisë kombëtare, Akademive të ndryshme përkujtimore, festave shkollore etj. Ndërsa takimi me shkrimtarin e mirënjohur Xhevahir Spahiu, kompozitorin Edmond Zhulalin ishin të karakterit artistik, në lidhje me organizimet e mërgatës në spektrin kulturo-artistik. Takim i paharruar ishte edhe me drejtorin e informimit në Ministrinë e Mbrojtjes, njëherit poetin e madh z.Agim Doçin, me të cilin diskutuan gjerë e gjatë për shumë tema. Z.Agim Doçi, siguroi z.Musliun, se asnjë shqiptar kudo që gjendet, nuk e harron Preshevën, Bujanocin dhe Medvegjën. Ndër të tjera z.Doçi theksoi, se o sot o kurrë, duhet të jeni të bashkuar, të qëndroni në vatrat tua dhe të mos shisni pronat. Aktivisti nga Strezoca e Preshevës, xhaxhai i dëshmorit Mitat Musliu z.Fazli Musliu, gjatë të gjitha këtyre takimeve miqësore mësoi qartë për së afërmi, se shteti shqiptar nuk është duarkryq krahas situatave që po përjetojmë dhe do përjetojmë dhe u kthye në Preshevë dhe Zvicër me përshtypjet më të mira për të gjitha angazhimet e qeverisë shqiptare drejtuar Kosovës Lindore.