Tribunë Shkencore: Sfidat e integrimit të studentëve në shoqëri

Në saje të domosdoshmërisë së hulumtimeve sociologjike, Asociacioni për Kulturë, Edukim dhe Arsim – AKEA, ka realizuar një anketë me studentët e universiteteve të ndryshme të Prishtinës.

Ligjëruesit:
Dr. Nazmi Maliqi - Kryetar i Unionit të Intelegjencies shqiptare në Maqedoni

Dr. Fadil Maloku - Drejtor i Institutit për Demokraci dhe Relacione Etnike i Kosovës

Mehmet Kalisi - Kryeredaktor faqes elektronike www.mesazhi.com

Në saje të domosdoshmërisë së hulumtimeve sociologjike, Asociacioni për Kulturë, Edukim dhe Arsim – AKEA, ka realizuar një anketë me studentët e universiteteve të ndryshme të Prishtinës. Bazuar në analizat e rezultateve të anketës, ekspertët brenda strukturës së këtij asociacioni, ndërmorën iniciativën e realizimit së tribunës shkencore, të titulluar: "Sfidat e integrimit të studentëve në shoqëri". Segmentet të cilat kërkonin shqyrtim imediat ishin: çështja e humbjes së identitetit në shoqëri, pozicionimi dhe efikasiteti jo i duhur i studentëve në shoqëri, neglizhenca dhe (pa)mundësia studentëve për hartimin, menaxhimin dhe realizimin e suksesshëm të projekteve të ndryshme integruese, marrjen e iniciativave studentore për akomodimin e tyre në shoqëri, pjesëmarrje në aktivitetet qytetare për ndryshimin e sistemit në përgjithësi dhe roli i medieve në edukimin si dhe pjesëmarrja e dobët e studentëve në promovimin e ideve të tyre në media.

Tribuna është realizuar në hapësirat e Bibliotekës Kombëtare Universitare të Kosovës. Ligjëruesit pjesëmarrës ishin: Dr. Nazmi Maliqi - Kryetar i Unionit të Inteligjencës shqiptare në Maqedoni, i cili arriti të shkoqisë tiparet thelbësore, mbi parimet, metodat dhe dobitë e hartimit të projekteve të ndryshme studentore si mekanizma adekuat për rishfaqjen e studentëve në opinionin publik, dhe të qenit kategori aktive dhe influence në shoqëri; Dr. Fadil Maloku - Drejtor i Institutit për Demokraci dhe Relacione Etnike i Kosovës – i cili shtjelloi problematiken dhe hapat kolektive të arritjes në këtë gjendje të institucioneve politike, si sfida e ndërtimit të shtetit të Kosovës, si problem kyç për integrimin e studentëve në strukturat përkatëse;