Mesazh paksa i gjatë për nr. 0692099410

-- nga Mero Baze, TemA - gusht 2008

DJE, NË ZYRAT e Agjencisë Telegrafike Shqiptare, institucionit të vetëm shtetëror të medias në vend, u bë promovimi i një gazete me emrin "Tema". Shumë vetë nuk i besonin humorit që kishim shkruar në formë paralajmërimi në gazetën tonë. Por ngjarja ndodhi. Dhe, si për ironi të fatit, emrit "Tema"i kishin shtuarnjë ."®"si ajo që përdorte Genc Pollo, kur përpiqej të vidhte Partinë Demokratike. Natyrisht, nuk jam i shqetësuar nga botimi i një gazete, qoftë dhe vulgare. Nuk jam i shqetësuar as nga vjedhja e përkohshme apo disajavore e një emri që e kam prodhuar unë dhe kompania që kam themeluar unë në historinë e shtypit shqiptar.

Por seriozisht jam i shqetësuar nga degradimi yt psikologjik dhe poiitik, nga banaliteti, në të cilin je zhytur dhe nga keqkatandisja në hajdut vulash e titujsh gazetash për të riparuar imazhin e një prijësi të sistemit të korrupsionit në vend. Për të sqaruar të gjithë ata që nuk besojnë ende te ky banalitet, lexoni lajmin e ATSH, ku thuhet se "gazetari i ATSH, Vasil Tabaku, tha se "kjo gazetë do të sjellë edhe për publikun shqiptar informacione të ndryshme politike, ekomomike dhe sociale nga Kosova". ATSH e organizoi këtë aktivitet në kuadër të nismës që ka ndërmarrë për prezantimin dhe promovimin e aktiviteteve dhe veprave letrare, artistike dhe mediatike."

Të gjithë e mbajnë mend Vasilin, gazetarin e mëngjesit në ATN1, themeluar me ndihma të militantëve të PD, dikush duke sjellë tavolina e dikush karrige e perde dhe që pas ardhjes tënde në pushtet u bë pronë fi-nanciare e Elvana Hanës dhe familjes tënde. Tani, Vasilin e shkretë e ke vënë të përdhosë gazetën "TemA" duke e kërcënuar se mund të ngelet i papunë për shkak të mediokritetit të tij.

Zoti 0692099410!
Së pari, dua të të them se gazeta "TemA"nuk ndjehet e rrezikuar nga ky palaçollëk i yti. Dhe rrugëve ligjore do t'iu drejtohemi, thjesht për respekt të shtetit ligjor, që ti të mos thuash se nuk dija gjë, siç nuk dije që baxhanaku të punonte në Gërdec, që e kishte punësuar yt bir dhe që të gjithë punonin pa u regjistruar fare as në tatime. Do t'i drejtohemi gjykatës, prokurorisë dhe natyrisht rrugëve të tjera ligjore, jo për imazhin tonë, por për të mbuluar sado pak të palarat e tua që tashmë turpërojnë shoqërinë shqiptare dhe ne si qytetarë të saj.

Së dyti, kopjimi i emrit të një gazete duke angazhuar në këtë betejë agjencinë shtetërore të lajmeve, vetëm pse kjo gazetë zbulon disa skandale të rënda familjare dhe politike, të cilat të bëjnë përgjegjës dhe fajtor para shqiptarëve, më shumë se këdo tjetër të turpëron ty. Të turpëron ideja vulgare, përmbajtja vulgare, njerëzit vulgarë dhe institucioni shtetëror vulgar që ke gjetur për t'u hakmarrë.

Së treti, dua të të them se ti nuk e ke problemin se nuk ke gazetën "TemA" me vete. Ti e ke problemin, se nuk ke me vete shqiptarët që votuan për ty më 2005, pasi i gënjeve ata. Nëse je kaq në hall, ta fal unë gazetën"TemA"sipas ligjit të koncesioneve që ka bërë jot bijë për "Shqipërinë, 1 euro". Ta jap ty gazetën dhe jepja Elvanës apo tët biri ta botojë, por nuk të ndihmon dot. Nuk të ndihmon, se ti po rrëzohesh, jo se gazeta "TemA" po të kritikon apo po të publikon skandalet, por se po bën skandale dhe ato po ndodhin para syve të shqiptarëve. Ti nuk e ke problemin me titujt e gazetave, por me njerëzit që nuk duan të heshtin. Dhe ata nuk mund të izolohen, as të burgosen dhe as t'iu mbyllet goja. Për këtë arsye përpjekja jote e dëshpëruar është vulgare dhe dëshmon thjesht degradimin tënd politik dhe moral.

Së fundi, dua të të them se kam parë në një spot televiziv numrin tuaj dhe thirrjen për të shkruar këtu, nëse shikoni një fenomen korruptiv apo një abuzim të pushtetit. Besoj se kjo është një mënyrë shumë fyese dhe shumë diabolike për t'u tallur jo aq me viktimat e korrupsionit sesa me besimin që kishin shqiptarët se ai sistem do të tronditej. Më 3 korrik të vitit 2005, shqiptarët besuan te ndryshimi i sistemit të korrupsionit dhe jo te ndryshimi yt me Fatos Nanon. Dhe ti e dhe këtë premtim. Tre vjet më pas sistemi jo vetëm qe nuk u trondit, por u supersofistikua, duke zëvendësuar monopotet politike me ato familjare. Tre vjet më pas, sistemi prodhoi mënyra të reja për të mbijetuar dhe garantuar operatorët e tij. Figurat e shquara të korrupsionit tani janë klientelë e pushtetit të ri. Delijorgjin, tëcilin e ke akuzuar deri dhe për zhdukje personazh, e bëre mik shtëpie. 'Taçi Oil", që e akuzoje se fuste 700 mijë tonë në vit kontrabandë, e bëre mik shtëpie dhe i dhe ARMO-n, gjithë figurat e akuzuara për korrupsion u bënë klientë të pushtetit tënd, me ndryshimin se sekserë të tyre u bënë familjarët e tu. Tani e përfytyroj gëzimin tënd, kur ndonjë qytetar naiv të shkruan për ndonjë korrupsion.