Qeveria e 1244 - shit

-- nga Bekim Rexhepi

Kosova nuk ka qeveri kushtetuese, por ka qeveri autokratike. Po të kishim qeveri kushtetuese, atëherë do të kishim kundërshtime të forta, qe nuk do të lejonin qe kushtetuta e vendit, të digjet si një leckë e hollë, me një plan prej gjashtë pikësh, qe prek tërthorazi interesat shtetërore.

Në fakt, numri i madh i zgjedhësve bojkotues, në zgjidhjet e fundit në Kosovë, realisht nuk i ka dhënë të drejtën e vet të përfaqsëimt politik, dhe ky përfaqësim politik do të vazhdoj te jetë i kontestueshëm, deri ne zgjidhjet e ardhshme, për çka opozita dhe shoqëria civile ka të drejtë ne kërkesat e saja për mbajtjen e zgjedhjeve të reja. Por, këtë legjitimitet politik, elita aktuale (- jo legjitime), e ka marrë nga UNMIK-u, i cili në rrethana gati ripushtimi ka organizuar do farë zgjedhjesh të lira në Kosovë. Të sqarojmë, se mbi 60% e votusve kanë bojkutuar këto zgjedhje të organizura nga UNMIK-u, në Kosovë, dhe realisht ajo pjesë e qytetarëve qe i ka dhënë besimin qeverisjes aktuale.

As njëra dhe as tjetra forcë politike konkoruese në Kosovë, në zgjidhjet e fundit nuk arriti të mirret besimi e shumicës së popullit, me çka bëhet i gjithi diskutueshëm legjitimiteti politik. Madje, kjo gjendje në Kosovës, mes popullit dhe qeverisë, duket se i shko për shtati shprehja “Kontrolli i popullit mbi qeverinë”, duke marrë se populli më shumë i la pushtet vetvetes se sa i dha besim pushtetarëve-qeverisë. Një kundërvënie ndaj qeverisë po hetohet, nganjëherë kjo më shumë duket dhe përngjason me opozitën e vërtet(Lëvizja për Vetëvendosje dhe shoqëria civile e ndarë edhe ne disa organizata te tjera) se sa opozita dekor e pozitës aktuale. Është e vërtet, për aq sa tingëllon absurditeti, se si kjo qeveri po e shmang popullin nga vetja dhe nga e drejta, qe ay te jetë institucion ligjor (kushtetues), edhe pse ky popull deri me tani nuk ka dhënë prova se nuk e zbaton ligjin. Në këtë mënyrë duke vepruar kjo qeveri duke i shkelë vet ligjet (kushtetuese) mund të na shpie në një luftë anarkike, qe do ta tejkaloj anarkinë e 17/18 marsit 2004. Çdo ditë e më shumë po më mbushet mendja se kjo qeveri do vet te identifikohet hapur, si një qeveri autokratike.

Në një artikull më herët kisha sqaruar opinionin për autokratizmin në Kosovë. Duke e spikatur qeverinë, e cila është identifikuesja më kryesore e saj. Të marrim pak në sqarim, një argument të fundit në procesit politik qe po kalon Kosova, gjashtë pikat e Ban Ki-monit, dhe plani i Serbisë i përfshirë në këtë marrëveshja, e qartësojnë se kjo qeveri(e Kosovës), përfundimisht është qeveri autokratike, sepse u pajtua lehtë me vendimin arbitrar te shkeljes se kushtetutës së vendit. Pra, Kosova nuk ka qeveri kushtetuese, por ka qeveri autokratike. Po të kishim qeveri kushtetuese, atëherë do të kishim kundërshtime të forta, qe nuk do të lejonin qe kushtetuta e vendit, të digjet si një leckë e hollë, me një plan prej gjashtë pikësh, qe prek tërthorazi interesat shtetërore. Por, kjo politikë, po me atë kushtetutë autokratike, po identifikohet si një, sepse nuk ka legjitimitet popullor, por se ka vetëm një legjitimitet administrativë (s.q:Administrata ndërkombëtare), që do të thotë se kur ti teket administratës, e ndezë dhe e hedhë jashtë loje këtë legjitimitet, për interesa te saja pragmatike e politike.

Kosovës, nuk i ndihmojnë simbolet dhe simbolizimet shtetërore, si një metodë e funksionimit propagandistik, çoftë për opinionin ndërkombëtar apo atë kombëtar, për ti mbushur mendjen, atyre që na shikojnë, se ne megjithatë po bëjmë shtetin. Kosovës më shumë se sa kaq propagandë simbolizuese në opinione, i nevojitet funksionimi i shtetit, i ati shtetit funksional.

Të gjithë e dimë qe Kosova, tashmë ka marrë një rrugëtim të saj politik, jo sipas vullnetit dhe dëshirës së popullit, por sipas mundësive dhe koncesioneve politike qe janë bërë nga qeveritë e ndryshme, qe prej pas lufte e deri te kjo aktualja.

Është Serbia, ajo qe do dështimin e këti shteti, dhe nuk janë zëra shqiptar, siç na vijnë nganjëherë nga ndonjë zyrtar që është në institucionet e Kosovës, dhe qe e ndihmon hapur Serbinë, duke i akuzuar disa individ të rëndësishëm të rezistencës sonë, duke i quajtur paturpshëm si zëra disonant të shtetit të Kosovës. Pra, nuk mund ta mohojmë se ne institucionet e shtetit të Kosovës, nuk ka edhe asi “shqiptari të ndershëm”, qe i bën nder Serbisë, madje edhe nga institucionet shtetërore të Kosovës, duke i etiketuar këta zërat që vërtet Kosovën e duan funksionalisht dhe jo simbolikisht si shtet.

Qeveria e “Kosovës” më shumë mund të quhet si qeveri e 1244-shit, sepse sovraniteti i kësaj rezolute nuk u prek as nga shpallja e pavarësisë së Kosovës dhe as nuk u injorua me njohjet qe ju bënë kësaj pavarësie, qe duket një pavarësi me sovranitet fiktivë. Do të donim te dinim me detale, se ç’nënkupton ky sovranitet fiktivë. Pra, ky sovranitet po detalizohet në të përditshmen tonë, në Kosovën e pavarur. Shembull për të tjerët, për ato vende qe akoma janë vende te shtypura dhe synojnë të jenë sovrane, dhe jo sovrane si Kosova.