Në New York, u zhvillua festivali "Dita e Traditës Shqiptare"

-- nga Beqir SINA, Nju Jork, SHBA

Festë në natyrën e bukur amerikane, festë e të gjithë shqiptarëve, nga Tetova, Tirana, Çamëria, Prishtina, Presheva, Plava, Gusia dhe Malësia

Westchester County Parks(NY) - Ditën e dielë (8 qershor 2008), në një nga parqet nga më të frenkuenturat rekreative, të Nju Jorkut, u zhvillua një ditë argëtmi shqiptare. Dita e Traditës Shqiptare, në New York, ka pesë vjetë, që zhvillohet në formën e një festivali rekreativ. Falë kësaj nisme, të Qendres Kulturore Nëna Tereze, e Kishës Katolike Shqiptare "Zoja e Shkodrës", në Hartsdale, komuniteti shqiptar i kësaj zone nëpërmjet kësaj dite, ka mundësin të shfrytëzojë, koncerte të improvizuara me këngë e valle nga të gjitha trevat, lojëra të ndryshme për fëmijë, të rinjë e të rritur, në një ambjent mjaft çlodhës dhe mjaft piktoresk.

Dita e Traditës Shqiptare, synon rigjallërimin e jetës së shqiptarëve në New York, e shteteve për rreth tij, të fëmijëve dhe të rinjve në një mjedis natyrorë, i ngjashëm shumë me natyrën e bukur shqiptare, si në Tetovë, Tiranë, Çamëri, Prishtinë, Luginën e Preshevës, Plavën, Gusin dhe Malësin e Madhe. Dita e Traditës Shqiptare, organizohet nga Qendra Kulturore Nëna Tereze e Kishës Katolike "Zoja e Shkodrës", në bashkëpunim me Westchester County Department of Parks. Këtë vit Dita e Traditës Shqiptare numëroi mbi 3,500 pjesmarrës. Gjatë ditës shumë personalitete të jetës publike të rrethit Westchester vizituan aktivitetin. Sakaq, edhe dy media lokale e mbuluan aktivitetin e shqiptarve, gazeta Westchester Journal News dhe kanali televiziv Channel 12.

Festa e bukur në natyrë ka filluar në mënyrë spontane me muzikë dhe vallëzim, ushqime shqiptare dhe amerikane si dhe shitës të ndryshëm suveniresh dhe artikujsh me simbolet kombëtare. Më pasë grupe dhe këngëtarë morën pjesë, Sunaj Saraqi dhe Vera Oruqaj, Grupi Rozafati i Kishës Katolike Zoja e Shkodrës. Interesante, ishte edhe pse mbas dite ra një shi i rëndë, të rinjtë e të rejat vazhdonin të vallëzojnë.

Veçorit nga tradita shqiptare, demostruan grupet pjesmarrëse, në sport, këngë, valle e kulturë, u dallua Grupi Rozafati me kostumet kombetare, me këngë e valle nga te gjitha trevat shqiptare. 17 ekipe futbolli, u paraqitën të marrin pjesë, por për shkak të shiut, turniri nuk përfundoi me finalen, Pati ushqime shqiptare dhe amerikane.

Në parkun "Tibbetts Brook Park" nën diellin e nxehtët të këtyre ditëve, dhe shiun e dendur të pasdites, u mbajtë pikërishtë, festiavli i quajtur "Dita e Traditës Shqiptare" në New York. Nikoqiri i këtij festiavli, si dhe vitet e kaluara ishte Qëndra kulturore "Nënë Tereza" pranë Kishëshës Katolike Shqiptare në Amerikë" Zoja e Shkodrës". Kjo qënder, në këtë festival argëtues, ftonë për çdo qershor, në këtë mjedis natyror, këngëtarët shqiptaro-amerikan, humoristët, vallëtarët dhe grupe të tjera argëtuese nga te gjitha krahinat e Shqiperise, e trevave shqiptare.

Në këtë festival nuk kanë munguar, për çdo vit lojrat popullore e sportive, ushqimi dhe ekspozimi i simboleve kombëtare, flamuj, distiktiva me figura kombëtare, CD me muzikë të ndryshme nga të gjitha tervat, kaseta dhe video kaseta. Mërgimtarët shqiptarë, të emigruar në Amerikë, në periudha të ndryshme nga të gjitha viset e Shqipërisë: Shqipëria, Kosova, Çamëria, Kosova Lindore, Mali i Zi dhe Maqedonia, mblidhën në këtë ambjent të mrekullueshem natyror, shumë i ngjashëm me bukuritë natyrore të bjeshkeve, luginave dhe fushave të vendlindjes sonë, pët të ringjallur traditën e bukur shqiptare, të këtyre festave tradicionale kombëtare.

Pasë kësaj dite, pjesmarrësit kryesor të këtij festivali, kanë thënë se ky ka qënë një festivalë i shkelqyeshem, i cili na gëzojë dhe argëtojë ne të gjithë mërgimtarët në të gjitha drejtimet. Dita e bukur, thonë ata, lojrat popullore e sportive, në shah, futboll, volejboll, valle e këngë ushqime të shijshme e të këndëshme të traditës shqiptare, ishin atmosfera e gësueshme e këtij festiavli argëtues. "Dita e Traditës Shqiptare" kësaj rradhe u shoqërua edhe me shiun e dendur, por grupe të rinjësh vallëtarë e këngëtarë amatorë kënduan e vallëzuan deri në mbrëmje.

Ndërkaq festivali "Dita e Traditës Shqiptare" në Amerikë, shfaqë tek të gjithë shqiptarët shumë veti dhe lë mbresa të bukura në jeten komunitare. "Dita e Traditës Shqiptare", tregon edhe se sa jemi të jemi të bashkuar rreth flamurit kombëtar, traditës së bukur kulturore artistike në mërgim. Komuniteti, jonë tregojë se ka një potencial të intelegjncës dhe njerëzë të kulturës, artit dhe shkencës, për nga pjesmarrja. Kjo ditë është një shembull nga ana e organizatorit, të cilët dinë të ftojnë në çdo kohë shqiptarët e kësaj zone, të shlodhen e të argëtohen, e të marrin me shumë energji për t'i derdhur në të mire dhe për të mirën e organizimit tonë edhe këtu përtej Oqeanit Atlantik, në Amerikën e largët. Me këtë festiavl i quajtur "Dita e Traditës Shqiptare" në New York, Qëndra kulturore "Nënë Tereza" pranë Kishëshës Katolike Shqiptare "Zoja e Shkodrës" në Hartsdale(NY) mund të themi se tanimë, kanë krijuar një festë në natyrën e bukur amerikane, festë e të gjithë shqiptarëve, nga Tetova, Tirana, Çamëria, Prishtina, Presheva, Plava, Gusia dhe Malësi.