"Epoka University" në Tiranë, vendos lidhjet me 10 universitetet më të mira Amerikane

-- nga Beqir SINA, New York

Gjana: "Studentëtë shqiptarë në SHBA-së, por edhe në vënde të tjera janë shumë të suksesëshëm - me ata krenohet Shqipëria krenohemi ne të gjithë"

NEW YORK CITY: Kancelari i universitetit dhe z/vendës rektori i Universitetit Epoka në Tiranë Dr. Ferdinand Gjana, mori pjesë këto ditë në disa takime pune, me 13 universitete nga më prestigjozët në SHBA- së. Universiteti Epoka, në Tiranë ku edhe dr, Frdinad Gjana, është z/rektor -(provost), jep mësim në gjuhën angleze, me një teknologji më të përparuar. Ka laboratore moderne dhe klasa me mjetet didaktike më të integruara, dhe krahas tyre një bibloteke të pasur me të gjitha literaturat botërore, të të gjitha fushave. Këto, mund t'i gjeni në Universitetin Epoka në Tiranë.

Në një bisedë me gazetën tonë, në New York, ai tha se unë kam mbaruar për shkencat politike në marrëdhëniet ndërkombëtare, masterin dhe doktoraturën e kam mbrojtur në temën "Siguria dhe mbrojtja e Europës- Mardhëniet e BE më NATO-n". Kam ndjekur një sërë specializimesh në shtete të ndryshme, të perëndimit. Kam punuar per disa vite si drejtues në institucoine arsimore në Paris dhe Strasbourg. Dhe, aktualisht kam një vit e gjysmë që jam në pozicionin e kancelarit të universitetit dhe z/vendës rektor i Universitetit Epoka në Tiranë.

Ky universitet, tha ai është hapur vitin e kaluar dhe kemi brezin e parë të studentëve i cili aktualisht ka arritur në një numër prej 450 studentë, të ndar në shtatë departamente. Edukimi, është plotësisht në anglisht. Stafi i këtij universiteti, përbëhët nga 70 përqindë akademik të huaj. Pjesa tjetër janë mësimdhënës shqiptarë të cilët kanë mbaruar doktoratën ose specializmin, kryesisht në Europë dhe Amerikë.

Lidhur me qëllimin e kësaj vizite në SHBA-së, Dr. Ferdinad Gjana, thotë se ajo zhvillohet në kuadrin e krijimit të disa lidhjeve mes Universitetit të Tiranës " Epoka" dhe disa universiteteve më në zë të SHBA-së. Universitetet më prestigjoze, (Columbia Univesity in New York City New York City/NY, University of Texas at Austin Austin/Texas, University of Iowa Iowa city/Iowa, University of Illinois at Chicago Chicago/IL,Iowa State University Ames/IowaWestern Illinois University Macomb/ Illinois,Southern Methodist University Dallas/TX, Wayne State University Detroit/ Michigan, Illinois Institute of Techology Chicago/IL, University of Texas at Dallas Dallas/TXSoutheastern Oklahoma State University Durant/ Oklahoma, Adelphi University Garden City/ NY,University of Northern Iowa Cedar Falls/Iowa,University of Florida Gainesville/Florida,Upper Iowa University Fayette/Iowa) Nga këta Universiteti i Iow a-s, Universiteti i Floridas, Universiteti i Illinois-t në Chicago, të cilat janë në dhjetëshën e parë në SHBA(Top Ten), si dhe universitete të tjera, të cilët në një pjesë të departamente dhë të qendrave që posedojnë janë vatra të kërkimeve shkencore, që ushqejnë të gjithë universitetet në botë me dije dhe shkencë.

Në këtë kontekst, i është kushtuar shumë rëndësi lidhjeve me universitetet më kualitative dhe shumë cilësore këtu. Kështu thotë zoti Gjana, unë, kamë patur deri tani takime të mira me 13 universitete amerikane. Njëri prej tyre eshtë Universiteti i Columbias në New York, me të cilin zhvilluam edhe një takim lidhur qendrën e studimev te Evropës Qendrore dhe Lindore. Mënyrat e bashkëpunimit në këtë fushë , gjithashtu edhe në fushat e tjera. Gjithashtu, pata një takim në universitetin e Teksasit në Austin, atje zhvilluam bisedat e para, për të bërë një bashkëpunim në fushën e inxhinerisë së ndërtimit, pasi ky universitet renditet i katërti në Amerikë në industrinë e ndërtimit.

Më pasë patëm një takim në Universitetin Shtetëror të Ajovës(Iowe), atje puna jonë u zgjerua në takime dhe biseda me të gjitha fakultetet. Atje patëm një bised shumë frutdhënëse, për shkëmbimet e akademikëve, mes dy universiteteve atij Epoka dhe Iova State University, ata në Tiranë dhe ne në Iova. Kjo bëhet në lëmin e kërkimeve shkencore dhe shkëmbimit të eksperiencave.

Gjatë gjitha takimeve temat që janë diskutuar kanë qënë të larmishme. Prej nga bashkëpunimi më i vogël siç është organizimi i koferencave e deri tek publikimi i revistave shkencore në bashkëpunim. Kemi arritur edhe marrveshje në ofrimin e diplomave në bashkëpunim të Masterit dhe të PHD.

B.S: Ku mendoni se keni arritur rezultatet më të mira në këtë vizitë më konkretishtë?

Dr. Ferdinand Gjana: Rezultati i parë, është se disa nga këto universitete me të cilat ne patëm takime, u treguan me të vërtet shumë të interesuara për të pasur bashkëpunim me një universitet në Shqipëri, dhe konkretisht me Universitetin Epoka, që hyri në bisedime të drepërdrejta gjatë këtyre takimeve. Këto janë arsye strategjike, biznesi dhe në termin strategjik që këto universitete kanë në programet e tyre. Ku interesat i përputhen me punën dhe kërkesat që parashtrojmë, ne nga Tirana.

E dyta; është se me disa universitete , siç është ai i Teksasit në Austin, duke filluar që nga viti i ardhshëm semestrin e parë, tetor 2009, të hapen dyert për të pasur një bashkëpunim në stafin akademik. Këtu ne do të dërgojmë stafin tonë, çdo semestër një ose dy pedagogë që të kryejnë kërkime shkencore nëpër laboratorët e departamentëve përkatëse.Gjithashtu, do të japim disa mësime në departamentet e inxhinjerisë dhe të ekonomikut. Dhe anasjelltas ne do të presin në Tiranë pedagogë të fakulteteve të ndryshme të këtij universiteti, më qëllim që këto të asistojnë në mësimdhënie si dhe në punët kerkimore te Epoka.

Një pikë tjetër, e arritur gjatë se vizitë s sime në Amerikë, ishte ajo që - duke parë më nga afër sistemit e funksionimit të universiteteve amerikane, kjo do të bëjë të mundur pë rcaktimin e një strategjie afatgjatë të Universitetit Epoka në Tiranë, për të arritur standartet më të larta të arsimit universitar dhe pasuniversitar. Dhe kjo u realizua nëpërmjet takimeve dhe kërkesave dypalë she. Një pjesë e mirë e këtyre propozimeve ishin mjaft interesante, edhe nga të dyjat palët u mirëpritën dhe lanë të hapur vendin për bashkëpunim të mëtejshëm në të gjitha fushat.

B.S: çfarë interesi duket se ka vizita juaj për studentët e universitetit tuaj po edhe te studentëve shqiptar këtu në SHBA?

Dr. Ferdinand Gjana: Vizita ime ka qënë e destinuar plotësisht për studentët, për ata që studiojnë si dhe ata që do të kënë shansin të studiojnë te Epoka. Sepse me anë të transferimit të stafit akademike nga SHBA-ja si dhe të metodologjisë do të hapen edhe rrugët të sillen edhe studentë nga Epoka, këtu në Amerikë për periudha afatshkurtra ose periudha një-dy vjeçare. Kjo është një mundësi e madhe që do t'u jepet studentëve tanë, për të pasur një të ardhme sa më të ndritur. Dhe vlenë që ata studentë që do të kenë fatin të vinë këtu do të përfitojnë edhe më shumë nga niveli amerikan i diplomimit në inxhinjeri, shkencat politike dhe ekonomi e teknologji.

B.S: Në këtë aspekt çfarë menodni se keni arritur deri tani?

Dr. Ferdinand Gjana: Unë do të thoja se në këtë aspekt, nga mesi i këtij nëntori do të nënshkruajmë disa marrëveshje me universitetet amerikane. Së pari me universitetin Austin - Teksas, e dyta në Michigan dhe e treta në me Universitetin e Northern Iow a. Këto universitete u shprehën për të bërë programe shkëmbimi mes studentëve të universitetit Epoka në Tiranë dhe këtyre universiteteve.Në kemi arritur të merremi vesh që në periudhë dy mujore, të bëhet përcaktimi i kushteve të marrveshjeve dhe në muajin e nentorit të arrihet finalizimi i tyre.

B.S: Cila është vlefëshmëria e një diplome të marrë në universitetin Epoka, më atë që merret në univesitetet e tjera në Shqipëri?

Dr. Ferdinand Gjana: Vlera e diplomës së marë qoftë në Shqipëri apo në çdo universitet jashtë shtetit, varet dhe është e lidhur drepërsëdrejti me produktin që universiteti nxjerr.Kjo do të thotë cilësia dhe punësimi i studentëve që diplomohen nga institucioni. Për sa i përket anës zyrtare, d.m.th akreditimi, ose me fjalë të tjera njohja nga universitetet dhe institucionet ndërkombëtare të akreditimit, ky është një proces që merr një kohë prej 3-4 vitesh. Të cilën ne si universitet e kemi filluar dhe ky proces mendohet që do të përfundojë paralelisht me diplomimin e gjeneratës së parë. Kuptohet ky është akreditimi që do të bëhet nga agjensi akrediditimi të BE ose SHBA-së.

Nga takimet që patëm në SHBA, me pothuajse të gjitha universitetet, më tepër se kush ata kërkuan të dinin se çfarë është misioni i universitetit, çfarë stafi akademik kemi, si bëhet përzgjedhja e studentëve , cila është literatura që pëdoret në universitetin Epoka. Duke parë se universiteti ynë është i liçensuar nga MASH-i, kjo është e mjaftueshme për të vazhduar aktivitetin një institucion serioz në këtë lëmi.Ndërsa për sa i përket vlerës së diplomës dhe akreditimi, këto janë gjëra që do të kërkojnë edhe pak kohë. Por, ne shpresojmë që brenda një kohe relativisht të shkurtër ndoshta 5-6 vjet, diploma jonë do të ketë të njejtën vlefëshmëri si në Shqipëri, BE dhe SHBA.

B.S: A i "frikësoheni" konkurëncës së sitetemit privat të universiteteve, dhe pse ?

Dr. Ferdinand Gjana: Ndërmjet universiteteve aktuale diçka akoma është e paqartë, në këtë aspekt. Askush nuk mund t'a kuptojë në se ka konukurence apo jo? Por, ajo që unë mund të them është se universiteti Epoka në Tiranë duke filluar që në vitin e parë, pranimin e studentëve e ka bërë me anë të një provimi i cili për vitin akademik 2008-2009, u zhvillua me 19 prill. Kjo pra tregon se megjithë se një universitet privat, ne do të jemi të përqëndruar te cilësia dhe jo te sasia. Në testimin e 19 prillit morën pjesë rreth 1000 studentë, dhe nga këta vetëm 300 studentë ose 1/3 e tyre, u pranuan për këtë vitë akademikë.

Kjo, është një tregues i qartë se ne jemi duke zgjedhur studentët, të cilëve po ofrojmë një staf akademik të kualifikuar për të sjellur një risi te re në arsimin e lartë në Shqipë ri, Ballkan edhe më gjerë . Në këtë formë universiteti ynë do ti japë mundësi këtyre studentëve që të përgatiten si nga ana akademike, ashtu edhe profesionale duke i përgatitur ata për tregun kombetar dhe ndërkombëtar.

B.S: Mirëpo ku qëndron ndryshmi ndërmjet universiteteve amerikane dhe atyre në Shqipëri, në format e konkurencës ?

Dr. Ferdinand Gjana: Kjo, është një pyetje që mund të përgjigjet me dy fjali ose nuk mund të mjaftojnë edhe disa vëllime nesë behët fjalë për një pergjigje të thelluar. Përgjigja e shkurtër, është që akoma janë shumë larg për të bërë një krahasim mes tyre. Kurse, aspekti tjetër është në se e shikojmë cështjen më në hollësi dukë parë përvojën shekullore të univesirsiteteve në SHBA dhe ate vetëm disa dekadashe në Shqipëri, ka shume ndryshime. Megjithatë, universitetet në Shqipëri potë tregohen të qarta në misionin dhe vizionin e tyre, mund ta kalojnë rrugën disa shekullorëshe të universiteteve të vjetra vetëm në dy-tre dekada sepse nuk duhet të harrojmë se jemi në epokën e teknologjisë dhe internetit e cila ka përshpejtuar gjithcka.

Ne si universiteti Epoka për sa i përket anës administrative, të kurikulave dhe stafit akademik shpresojmë se do të arrijmë një standart me të vërtet të konsiderueshem në një kohë relativisht të shkurtër. Megjithatë, është më se e qartë se çdo institucion, për të arritur pjekurinë tij kërkon një farë kohë.

B.S: Sa të njohur jeni në opinonin shqiptar ?

Dr. Ferdinand Gjana: Deri tani jemi përpjekur të vëmë lidhje të mira me shumë institucione analoge në Shqipëri. Në mars të këtij viti organizuam një konferencë ndërkombëtare në fushën e ekonomikut dhe manaxhimit. Në këtë aktivitet akademik patëm rreth 200 akdemik nga 10 shtete të ndryshme. Krahas saj kemi pasur iniciativat e para për të bashkpunuar me çdo universitet dhe do të jemi të hapur gjithmonë për një gjë të tillë . Këto universitete kanë një shtrirje si në Shqipëri ashtu Europe dhe SHBA. Për të mos përmendur univeristetet në Kosovë, Maqedoni, Mal të Zi, Greqi, Itali dhe Turqi.

B.S: çfarë mendimi keni për ligjin e ri që u miratua në Kosovë për universitet private ?

Dr. Ferdinand Gjana: Është një ligj i domosdoshëm që duhet të vihet në jetë, edhe në Shqipëri. Ai institucion që nuk plotëson standartet duhet t'i vihet kyçi. Sepse, përndryshe në vend që universiteti privat të jetë një vend "prodhimi" inxhinjerësh, specialistësh të shkencave të ndryshme, doktor, gazetar dhe sipas fakulteteve edhe në fushat e tjera, ai kthehet vetëm në "një shitës diplomash". Ne si universitet synojmë të nxjerrim studentë, sa më të aftë të cilët do të jenë nesër me të vërtet të zotë që të konkurrojnë me tregun ndërkombëtar në fushat e tyre përkatëse. Ne dëshirojmë që një studentë, i cili del nga auditoret e Universitetit Epoka, kur të shkojë të trokasë në dyert e institucioneve ndërkombëtare, Kombet e Bashkuara, OSBE, BE, BB etj, t'i hapet dera deri në fund.

B.S: Gjatë vizitave që patët në SHBA-së, në 13 universitete a pate rastin të takohesh me studentët shqiptarë ose ndonjë pedagogë shqiptarë ?