Ditë artistësh shqiptarë në Nju Jork

-- nga Beqir SINA, New York

Disa nga vlerat artistike, mes atyre të: "Bordos, Parisit, Vjenës, dhe Shqipërisë, u promovuan në "Studio Berisha" në New York, nga dy artistët e mirënjohur Vasil Qesari dhe Fatmir Velaj.

BROADWAY - NEW YORK CITY: Me ftesë të Shoqatës së Gruas Shqiptare në Amerikë "Motrat Qiriazi", Presidentes Dr. Anna Kohen, prej disa ditësh ndodhen në ShBA-së, dy artistët e njohur, fotografi, gazetari e publicisti Vasil Qesari si dhe piktori i talentuar Fatmir Velaj.

Vasil Qesari, është autori i mbi 1000 reportazheve në kanalin TV Francë +3, ku zoti Qesari punon si gazetar prej disa viteve. Ai thuhet se ka koleksionuar deri tani në kameran dhe aparatin fotografik të tij - xhirimet e intervistat me njerëz te shquar të artit si; Zhan Mare, Sharl Aznavur, Zhan-Pol Belmondo, Zhan-Lui Trintinjan, Fabris Lukini, Salvatore Adamo. Por, edhe me burra shteti e politikanë të shumtë si: presidenti Zhak Shirak, ish-kryeministrat Alen Zhype, Lionel Zhozpe, kandidatët për president Soglen Ruajal, Nikola Sarkozi etj.

Ndërsa, kolegu i tij nga i njëjti qytet, Vlora, piktori Fatmir Velaj, është autori që ka marrë pjesë në shumë ekspozita personale dhe kolektive, në Austri, Gjermani, Itali, Belgjikë, Greqi, Egjipt, Rumani, Maqedoni, Shqipëri etj. Piktori i talentuar vlonjat Fat Velaj, është edhe kryetar i Organizatës Ndërkombëtare të Artit," Forum Weltoffen Internacional Artist Network." Fatmir Velaj, është piktori që Austria e ka shpallur "Nderi i Republikës", ndërsa Sanremo e nderoi me Medaljen e Artë, para disa viteve. Dy artistët nga qytetii i Vlorës, por që tani jetojnë e punojnë në Austri e Francë, erdhën dje në qytetin e 12 milion banorëve, New York, në metropolin e botës, qytetin multi - kulturor, qytetin e artistëve të medhenjë, qytetin e famëshm të Broduejtit (Broadway) vendit prej nga janë promovuar edhe yjet e Hollivudit, për të hapur ekspozitën e tyre, në pikturë dhe në fotografi, pasi pikturat dhe fotot e tyr, kishin kaluar më parë në disa kryeqendrat e kulturës botërore, si Vjenën, Bordon, Parisin e Romën.

Ekspozita, e Qesarit dhe e Velajt, u hap të djelën pasdite, në "Studio Berisha", në zemër të qytetit, Manhattan - New York, në mjediset e studios së fotografit me nivele të larta artistike të mjeshtrit të madh të fotografisë në Amerikë, Fadil Berisha. Velaj e Qesari, janë duke promovuar me anë të kësaj ekspozite, për herë të parë artin e tyre në SHBA-së, Kjo ekspozitë hapet me rastin e kurorzimit të lidhjeve të mira, që kanë krijuar këta dy artistë, Qesari dhe Velaj, me anëtarët të Shoqatës së Gruas Shqiptare në Amerikë "Motrat Qiriazi", Presidenten Dr. Anna Kohen, dr Selaudin Velaj, dhe me kolegët e tyre në SHBA-së, bashkqytetarët e tyre, në SHBA-së, miq dhe shok të shumtë, adhurues të artit në diasporë. Ekspozita ku janë vendosur mbi 50 relikte të zgjedhura, të të dy autorve, do të zgjasë disa ditë e hapur këtu në New York, dhe në fund të javës ekspozita së bashku me dy autorët, udhëton për në Boston.

"Ditë artistësh shqiptarë, në Nju Jork"
Në ceremonin e hapjes së ekspozitës me titull "Me të ardhmen" të autorve Velaj e Qesari, çelur në "Studio Berisha ", në Manhattan - New York, merrnin pjesë, shumë adhurues të artit e kulturës, artistë e shkrimtarë, afaristë e veprimtarë të komunitetit, studentë shqiptarë, që studijonë në Amerikë. Mes tyre edhe dy nga përfaqësuesit të shtetit shqiptar në Nju Jork, ambasadori Ljublin Dilja, dhe konsulli i përgjithëshm i RSH, në New York, Dr. Albert Jerasi.

Sekretari i Akademisë së Shkencave Shqiptaro-Amerikane Dr. Namik Shehu, Dr. Selahedin Velaj, shkrimtari i mirënjohur Naum Prifti, Spiro Gjikondi, Muhamet Mjeku, kryetari i Shoqatës "Çamëria" Sali Bollati, Mark Roven. shkrimtarja Albana Lifchin, poetja Iliriana Sulkuqi, Filip Gazuli, Blerta Alikaj, Eleonora Gjoka, shkrimtari Pandeli Simsia si dhe artistja Elza Zagreda autore dhe aktore e talentuar, aktori i njohur Luan Bexheti, dhe kolegët e tij Alfred Tollija e tjer. Nga komuniteti shqiptar te Rhod Island dhe Machesussttes, poetja e mirënjohur zonja Rita Salihaj dhe bashkëshorti i saj inxhinier Adem Salihaj.

Mes pjesmarrësve ishte edhe ish- Pianistia e Operas dhe Baletit të Tiranës Nermin (Daja) Zhabjaku dhe Lindita Lole, një soprano shqiptare që arriti të futej në radhët e artistëve amerikanë. Profesor Haxhi Berisha PHD, zoti Esad Rizai, Rustem Guri, Agathia dhe Ylli Luka, Zihni Veshi, Dritan Haxhia, Muharem Bytyçi, Bukurie Agalliu, biznesmeni Bruno Selimaj, e Miss Kosova 2008, Zana Krasniqi, e cila, sapo është shpallur një ndër 10 vajzat më të bukura në Botë, në Miss Universe - Vitenam 2008. Autori i disa shkrimeve publicistike, skenografi i Kinostudios "Shqipëria e Re" piktori Astrit Tota, dhe ish-kameromani i TVSH, Ilir Kasneci.

Ndërkohë, që kishte ardhur enkas, edhe përfaqësuesja e këshillit të bashkisë të qytetit Cleveland, shqiptaro amerikanija Anila Coniku Nicklos, anëtare kjo e bordit të marrëdhënieve komunitare, ish-editorja e gazetes komunitare "Shqipja", në atë qytet, e cila është bërë e njohur nëpërmjet gazetës Bota Sot, për iniciativën e saj për vendosjen e Statujës së Nënë Terezes, në sheshin Rockefeller Park Greenhouse, afër me statujen e Martin Luther King, në qytetin e Cleveland të Ohaois.

Dr. Ana Kohen, me "statusin" e nikoqires së këtij evenimenti, pasi ju urjoj mirëseardhjen dy mysafirve, tha se "!Është kënaqësi për mua, dhe auditorin të kemi sot kemi në mesin tonë: z Fatmir Velaj dhe z Vasil Qesari, dy artistët e njohur, shqiptar, të cilët, i kanë dhënë kaq shumë botës së artit në Evropë" tha ajo.

Mirpo, ka theksuar zonja Kohen, se megjithse të dy janë nga Vlora, këtu vijnë nga drejtime të ndryshme, njëri nga Austria dhe tjetri nga Franca, për t'u bashkuar dhe për të folur me të njëjtën gjuhë, për artin e tyre para bashkëkombasve, në Nju Jork, unë nuk do të zgjatem në biografinë e të dy artistëve të nderuar dhe të respektuar, por marr guximin ta deklarojë të hapur këtë ekspozitë, duke kujtuar fjalët e vizionarit John Breger, se "Fotografitë egzistojnë për të na kujtuar atë që kemi harruar".

Velaj dhe Qesari për ekspozitën:
Fotografi Vasil Qesari, e mori fjalën duke thënë se është një kënaqësi e veçantë të ndodhej mes artistëve dhe adhuruesve të artit në Nju Jork. Kjo, tha ai për mua është një ngjarje e shënuar, një emocion i veçantë një "shok", që po e përjetojë së bashku me ju të dashur miq të mi dhe kolegun Velaj. Qesari, më tej tha se ky është një evenimet i jashtëzakonëshëm, pikërisht këtu në zemër të Nju Jorkut, "Në një vend sipas tij që gjithëkush do ta kishte zili." Të ekspozosh, në një vend të till, tha Qesari, çdo artistë dëshiron të ketë këtë fat, pasi do të përmovonte artin shqiptar dhe artin e tij personal."

Piktori, Fatmir Velaj ka falemnderuar të pranishmit, me pjesmarrjen e tyre në këtë ditë të bukur, siç e quajti ai ose "Ditë artistësh shqiptarë në Nju Jork". Në mënyrë të veçantë, tha Velaj, do të falemnderojë të gjithë ju që na dhatë mundësinë të hapim këtë ekspozitë, në zëmer të Nju Jorkut, në "shtëpinë e artsitëve të mëdhenjë amerikanë e botërorë".

Piktori i talentuar Fat Velaj, tha se ekspozita ka si subjekt të ardhmen, dhe është një cikël i zgjedhur fotosh dhe pikturash si nga ai dhe nga miku i tij Vasil Qesari, i cili për Velajn është një "institucion kulture në vetvete", tha duke vlersuar kolegun e tij vlonjat, piktori Fat Velaj.

Ai vijoj duke thënë se që të dy ishin munduar të sjellin këtu në Nju Jork, në këtë cikël pikturash dhe fotosh, disa nga ato vlerat më të mirat të tyre. "Jemi munduar, tha piktori Velaj, të bëjmë një kompozim të bukur të vlerave artistike, mes atyre të : "Bordos, Parisit, Vjenës, dhe Nju Jorkut e Shqipërisë, nga ne edhe filluam si artistë".