Nju Jork: "Gruaja Shqiptare në Fotografi"

-- nga Beqir SINA, New York

Producenti, regjizori dhe fotografi i talentuar Andamion Murataj, hapi në Nju Jork ekspozitën fotografike. Ekspozita është me një univers të veçantë, një këndvështrim unik, një dritare gjysmë të fshehur në botën interesante të femrës shqiptare sot

NEW YORK CITY: Më në datën 19 Shtator në Nju Jork, Producers Club Theater & Fredi Tollja, prezantojnë ekspozitën fotografike "Albanian Women Exposed", një aktivitet me epiqendër ekspozitën fotografike me të njëjtën emër. Ideatori dhe kuratori Andamion Murataj, ka përzgjedhur punë fotografike tepër interesante nga rreth 20 fotografe shqiptare, që nga shkrepjet e thjeshta dhe të pamenduara të aparatit, e deri tek fotografitë më të kompozuara e serioze.

"Albanian Woman Exposed", është një ekspozitë fotografie e ideuar prej kuratorit të saj, producentit, regjizorit dhe fotografit të talentuar Andamion Murataj. Ekspozita u hap javën e kaluar në pjesën e qytetit të Nju Jork-ut, e cila i dedikohet më së shumti komunitetit të artistëve. Ajo u hap në një segment të rrugës, ku ndodhen legjendat e teatrove të famëshme njujorkeze, si dhe teatri "Producers Club" në Manhattan, me pronarët Alfred dhe Ernest Tollja e teatrit Producers Club. Dy bashkombas këta sponsor nga rrethi i Dibrës, që tani jetojnë e punojnë në Nju Jork.

Koncepti i kësaj ekspozite, është që ajo të "shpreh me anë të fotografisë" një pamje fotografike për femrën prej femrës : si e sheh femra shqiptare kudo që ndodhet, botën në të cilën jeton e vepron. Si e sheh veten dhe shoqerinë në mardhënie. Si sheh relacionin femër - nënë - e dashur versus mashkull - Burrë – baba – I dashur

Edhe, kuratori i ekspozitës "Albanian Woman Exposed", producenti, regjizori dhe fotografi i talentuar Andamion Murataj, duke pasur mundësin e johjes gjithnjë e më të madhe nëpërmjet intenetit kishte vënë re se shumë femra shqiptare përçonin mesazhe të forta nëpërmjet fotografisë, qofshin këto profesioniste apo fillestare në rrugën e artit të fotografisë.

Murataj, na tha se: "Kështu që pas një shoshitje të rreth 2000 fotografive on line, me vështirësi përzgjodha një grup përfaqësues me rreth 60 fotografi, me synimin të ish sa më përfshirës si nga shtrirja gjeografike, përkatësia, edukimi dhe eksperienca. Fotografitë, që përzgjodha nuk ishin më të bukurat apo më të arrirat e secilit autor në kuptimin formal, por u përzgjodhën në bazë të konceptit dhe mesazhit që mbartnin… pavarësisht perfeksionit të formës.

Ai thotë se kjo, në fillim u konceptua jo thjesht si ekspozitë, por si një mbrëmje kulturore, bashkëbisedimi mes artistëve dhe adhuruesve të artit shqiptar. Këtij dialgu i shërbeu dhe prurja live(drejpërsëdrejti) e femrës nga posteri me një kostum tradicional, si për t'a sjellë të gjallë reagimet pro dhe kundra që pati posteri që qëllimisht ish zgjedhur si provokacin midis së resë dhe tradicionales", pohon Murataj.

Sipas tij, në qendër të mbrëmjes ishte ekspozita e fotografisë dhe dialogu, por në të vërtet ishte një gërshtim artesh - ku nuk mungoi kënga e lehtë nga Aberie dhe Ernest Muhaxheri si edhe muzika klasike në piano e krijuar dhe interpretuar mjeshterisht nga i talentuari Fatrin Krajka. Gjithashtu, tha kuratori i kësaj ekspozite, humori provokues i sjellë nga aktorët e njohur Luan Bexhetin dhe Xhon Shkreli shtuan një dimension tjetër të dialogut midis artistëve dhe pjesmarësve.

"Producers Club" në Manhattan, me Alfred dhe Ernest Tollja pronarët e Producers Club.

Ekspozita dhe eventi kulturor, që e shoqerojë atë natë tipike njujorkeze, u mbajt në Producers Club, që është vetëm 300 metra larg "zemrës" së metropolit të botës, Nju Jork, bulevardin" Times Square" dhe që është një nga komplekset më të njohura të teatrit independet(të pavarur) ose siç quhet këtu OFF BROADWAY theater, do të ishte krejtësishtë i pamundur në se ky aktivitet, nuk do dallohej për mikëpritjen shum bujare dhe dashmirëse që i bëri Fredi dhe Ernest Tollja, në ambientet e teatrit "Producers Club".

Që prej një viti e gjysmë teatri Producers Club, është nën administrimin e vëllezërve nga Lura - Peshkopi, Fredi and Nesti Tollja. Në synimet e tyre janë shndërrimi i Producers Club në Manhttan, në një qendër të rëndësishme të aktiviteteve kulturore e artistike të komunitetit shqiptar, të Nju Jorkut.

Ketijë qëllim duket se i shërbeu edhe organizimi i shfaqjes së filmit me metrazh të shkurtër "Mira" me regji të regjizorit Dhimiter Ismailajt dhe monodrames se aktores së mirënjohur me origjinë shqiptare Elsa Zagreada "DIVORCE-ALBANIAN STYLE" – "Ndarja bashkëshortore e Stilit Shqiptar" që hapet me 25 Shtator. Shfaqja e meparëshme e Zagredes: "Corn Bread & Feta Cheese - Growing Up Fat & Albanian" dihet se ishn një ndër shfaqet e saja më të sukseshme në "Producers Club" sezonin e kaluar.

Ekspozitën "Albanian Woman Exposed", e vizituan disa nga personalitetet e fotografisë se re shqiptare.

Ndër më të spikaturat dhe më të sukseshmet e viteve të fundit, e që çuditërisht po dominohen nga femrat. Të tilla ishin Mimoza Veliu - fituese e çmimit të parë për fotografi "Gjon Mili" në Kosovë, Blerta Kambo fituese e çmimit "Sotiri" në Shqipëri, Linda Vukaj, Anila Jaho etj., duke mos lën menjanë debutuese të shkëlqyera të fotografeve të reja Dita Syla, Orgesa Arifi e Valona Çakuli…

Vetë numri i madh i pjesmarësve në këtë ekspozitë, e tejkaloi çdo parashikim edhe të vetë kuratorit Murataj – aq më tepër po të kihet parasysh që paralel në të njëjtën mbrëmje në Nju Jork, dhe në të njëjtin bulevard, ishin dhe dy evente të tjera madhështore të komunitetit shqiptar. Kjo ishte dëshmia më e qartë e interesit dhe pritjes tejet të grohtë që i bëri publiku, ekspozitës "Albanian Woman Exposed".

Veç kësaj ishte hera e parë që një ekspozitë arti, kthehet edhe në një mbremje të vërtet kulturore me gërshetime të arteve të ndryshme – muzikës klasike e të lehtë. Komedisë etj – duket qartë që komuniteti shqiptar i Nju Jorkut, ka hyrë në fazën e pjekurisë dhe është ngritur në një nivel intelektual të admirueshëm …vetëm këtë muaj në Producers Club, janë mbajtur tre aktivitete të ndryshme shqiptare: "Premiera e filmit shqiptar "Mira" të Dhimitër Ismailajt, kjo ekspozitë dhe premiera e shfaqes së re të aktores e producentes Elsa Zagreda.

Ekspozita është një “grass roots” projekt personal, dhe nuk kishte sponsor të mirëfilltë në kuptimin e parë të fjalës. Autori i saj thotë se e kisha ëndërr prej kohe organizimin e një eventi të tillë dhe e vetë-finacojë si hap i parë. Më pas e ka paraqitur idenë e tij tek miqtë e shokët, të tjerë artistë dhe ka gjetur një mirëkuptim dhe mbështetje të paparë – në baza vullnetarizmi, duke e kthyer të gjith projektin në një “work of love”.