Dy Presidentët, i Shqipërisë dhe Kosovës, u takun me shqiptarët e Amerikës

-- nga Beqir SINA, New York

"Ky fund shekulli - ishte fund shekulli i shqiptarëve". Ky fund shekulli për ne shqiptarët paraqet ngjarjen më të rëndësishme të historisë - pavarësinë e Kosovës. Muzeu Yad Vashem dhe Fondacioni Ndërkombëtar Roul Wallenberg në Nju Jork, jep çmim për presidentin e Shqipërisë Topi.

NEW YORK CITY: Të dy delegacionet e larta shqiptare, të cilët ndodhen në Nju Jork, ku morën pjesë në sesionin e 63 - të, të Asamblesë së Përgjithshme të Kombeve të Bashkuara, presidenti Bamir Topi dhe ministri i jashtëm Lulzim Basha, presidenti Fatmir Sejdiu dhe ministri i jashtëm Skender Hyseni, i kan vazhduar takimet në New York, me takimet vëllazërore me veprimtarë të komunitetit shqiptaro-amerikan në Nju Jork.

Si Presidenti Topi, ashtu edhe presidenti Sejdiu, në këto takime, pasi vlersuan rolin dhe kontributin e SHBA-së, dhe shqiptarëve të Amerikës, për lirinë e pavarësinë e Kosovës , demokratizimin e zhvillimin e Shqipërisë, theksuan rëndësinë që ka ky komunitet, veçanërisht në këtë periudhë historike, kur Shqipëria kërkon të intensifikojë përpjekjet për integrim në strukturat evro-atlantike, e në Nato, dhe Kosova për njohjen më të madhe të saj në arenën ndërkombëtare, si shteti më i ri i botës.

Të ejten Presidenti Topi, dhe Presidenti Sejdiu ishin të ftuar special, në një takim me komunitetin. Takimi ishte organizuar nga Federata PanShqiptare e Amerikës VATRA. Kryetari i vatrës zoti Agim Karagjozi, tha se sonte për komunitetin shqiptar të Amerikës, është një ngjarje e madhe historike, pasi për herë të parë në historinë tonë dhe të shqiptarëve, ne kemi mysafirë dy presidentët, presidentin e Shqipërisë, zotin Bamir Topi, dhe presidentin e Kosovës, zotin Fatmir Sejdiu.

Ne, tha ai iu urojmë mirëseardhjen dy presidentve dhe personaliteteve të cilat shoqërojnë ata në këtë vizitë, ashtu si dhe mikut tonë të madh të ambasadorit William Wolker. Takimin e drejtojë professor Mit'hat Gashi, ndërsa fjalën kryesore e mbajti në emër të Vatrës sekretari i përgjithëshëm i Vatrës shkrimtari i njohur Naum Prifti.

Zoti Topi dhe Sejdiu iu faleminderuan mërgatës shqiptare, për rolin dhe kontributin e tyre për çështjen shqiptare, dhe shprehen shqiptarve të Amerikës, mirënjohjene thellë. Ata vlersuan lart edhe miqesinë dhe përkrahjen që Shtetet e Bashkuara dhe populli amerikan u kanë dhënë Shqipërisë dhe shqiptarëve, në momente historike dhe periudha të veçanta për kombin shqiptar. Ndërkaq, duhet cekur se në darkën e Vatrës, morën pjesë edhe shumë përfaqësues të suksesëshëm në sfera tëndryshme Amerikë. Sidomos, kishte nga ata që dallohen në fushën e bizneseve shqiptaro-amerikane. Afaristë, të cilët erdhën për t’u takuar me Presidentin Topi dhe Presidentin Sejdiu, në këtë mbrëmje të organizuar nga shoqata “Vatra”, për të vënë në dukje interesimin e tyre, për t’u angazhuar me investime direkte ne Shqipëri e Kosovë. Të dy presidentët u premtuan veprimtareve, dhe biznesmenve të fuqishëm shqiptaro-amerikanë dhe diasporës shqiptare, kudo që ndodhet se do të krijojë kushte favorizuese për të tërhequr kapitalin e tyre në Shqipëri e Kosovë, dhe për t’iu krijuar atyre të gjitha mundesitë për të kontribuuar zhvillimit më të madh për Shqipërinsë e Kosovës.

Veprimtarë të komunitetit vlersuan me superlativa ndërtimin e autostradës Durrës - Kukës, duke e quajtur atë si veprën më të madhë të shkekullit, që lidhë Kosovën me Shqipërinë. "Aortën e Kombit", tonë, u shprëhën shqiptarët e Amerikës. Presidenti Topi tha se Shtetet e Bashkuara të Amerikës, i kanë qendruar pranë shqiptarëve në momentet e saj më kritike dhe se Shqiperia qendron sot përkrah Shteteve të Bashkuara në luftën kundër terrorizmit. Ai theksoi se SHBA i kanë dhënë një vlerë historike, e reale çështjes shqiptare. Dhe janë të gatëshme të përballohen në çdo moment me çdo sfid që do tu dali përpara. Dhe pa dsikutim, gjithë kjo arritje, ka edhe ndihmën e këtij shteti të madh. Shtet i cili ju jetoni e punoni, pasi keni ardhur shumë heret. Shtetet e Bashkuara të Amerikës, të cilat kanë gjetur tek ne aleatin e tyre. E ndërsa ne, kemi gjetur aleatin më të fuqishëm në botë, aleatin e vjetër dhe në kohën e re.

Presidenti Topi shtoi se "Nuk mund të lë pa vënë në dukje, rolin që luajtët ju dhe kontributin e madh që dhatë ju Vatranët. Kontributi dhe roli i gjithë sejcilit prej jush, në kohët më të vështira, dhe atëhere kur Shqipëria vuante nën rregjimin komunist, dhe diktaturën më të rëndë, në të gjithë Europën Juglindore, ishte i jashtëzakonëshme dhe i pakrahasushme me çdo vend të botës. Presidenti Topi tha se "Kontributi i Vatrës, ka qënë i fuqishëm në çështjen kombëtare dhe i pa zvëndësueshem. Ai ishte inspirues edhe në periudhën kur Kosova, ishte pikërisht në përpjekjet për liri e pavarësi. Pra, u frymëzua nga atdhedashuria patriotizmi i juaj. Ju kryet me kontributin tuaj - rolin "institucional" qofsh në rafshin intelektual, ekonomik - finaciar dhe politik, ka theksuar Presidenti i Shqipërisë zoti Bamir Topi në fjalën përshëndetse tek takimi me Vatrën.

Ndërsa në fjalën e tij përshëndetëse Presidenti i Kosovës, Fatmir Sejdiu, po në këtë takim, tek Vatra, tha se mund të them lirisht, ashtu siç e ceku edhe presidenti Topi në Asmablenë e Përgjithëshme, sesionin e saj të 63-të, se "Ky fund shekulli - ishte fund shekulli i shqiptarëve". Ky fund shekulli për ne shqiptarët paraqet ngjarjen më të rëndësishme të historisë së tyre me pavarësinë e Kosovës." Pavarësia e Kosovës, tha ai është si rezultat, i luftës, dhe sakrificës që bënë për të arritur atë shumë breza. I të gjithë atyre që bënë sakrificën më sublime duke flijuar edhe jetën për liri e pavarësi. Mirpo, edhe të atyre që u shkrinë një jetë të tër për Shqipërinë dhe për Kosovën.

Sakaq, Sejdiu nuk la pa përmendur edhe Vatrën e kolosve të kombit tonë. Vatra, tha Sejdiu, e ka mitilogjinë e saj, dhe triologjinë saj, në shumë kuptime, e ka Vatrën në kuptimin e shtëpisë, e ka Vatrën në kuptimin e atdheut, e ka Vatrën në simbolikën e vizionit të saj, dhe për të dhënë një mesazh nga ky vend për të gjithë shqiptarët. Pëcjellur brez pas brezi se kurr "nuk kemi pasur frikë se kemi pasë shumë njerëz në Amerikë". Muzeu Yad Vashem dhe Fondacioni Ndërkombëtar Roul Wallenberg në Nju Jork, jep çmim për presidentin e Shqipërisë Topi Diplomati, izraelit, Benjamin Krasna, Konsulli i Përgjithëshëm i Izraelit në Nju Jork, tha se lidhjet e forta në mes "Shqipërisë e Izraelit, i kanë rrënjët këtu e 60 vjet më parë. Por, është për t'u vlersuar se ato tani pas rënëjes së komunizmit, në Shqipëri, duket se kanë pasë ngritje të mëdha. Ato janë më se të nevojëshme si për popullin shqiptarë, ashtu edhe për popullin izraelitë" tha ai.

Zoti. Zvi Kichel, Presidenti i Fondacionit Ndërkombëtar Roul Wallenberg "International Raoul Wallenberg Foundation", kujtojë atë se atë që bënë shqiptarët me kondin e tyre moral që quhet Besa, duke marrë nën mbrojtje me gjithë rrezikun që kishte në atë kohë gjatë Luftës së Dytë Botërore, është i veçantë në të gjithë Europën. U deshë rënja e komunizmit, tha ai të dalin faktet, të cilat tregonin në fillim se ishin rreth 20 familje shqiptare që shpëtuan herejtë.

Mirpo, theksoi Kichel, më vonë 63 familje shqiptare janë në listën e muzeut Yad Vashem si ata që shëptuan çdo hebre gjatë luftës së Dytë Botërore. Dhe jam i sigurt që ky numër i familjeve shqiptar, të cilët shpëtuan hebrejt, do të vijë duke u rritur, ndoshta do të jetë 200 dhe pse jo edhe 2000, nga dokumentat dhe rrëfimit që ne po studiojmë dhe i kemi marrë në Shqipëri dhe Kosovë.