Dy shqiptarë marrin titullin "Hero i qytetit" dhe çmimin "Punëtori i Vitit" në bashkinë e Nju Jorkut

-- nga Beqir SINA, New York

Endri Brahimaj dhe Izet Neljkovic; "Shpëtimtarët e Jetës", dy emigratët që kanë rritur edhe më shumë reputacionin e mirë të shqiptarëve në New York.

NEW YORK CITY: Dy puntorët shqiptar të një pallati në Manhattan - New York, që të dy emigrantë, njëri nga Elbasani dhe tjetri nga shqiptarët e Malit të Zi, Endri Brahimaj dhe Izet Neljkovic, pasi morën muajin e kaluar titullin e nderit "Hero i Qytetit", u nderuan këto ditë edhe me çmimin më të lartë, që ndan bashkia e Nju Jorkut, në fund të vitit; çmimin " Building Service Workers of the Year" - " Punonëtori i Vitit". Kjo, për arsye se ata me 13 korrik 2008, kanë bërë një gjest tepër njerëzor, në momentin që po digjej një ndërtesë 200 vjeçare në pjesën perendimore të qyetetit, ata hidhen mes flakëve të shpëtojnë jetën banorve dhe të një gruaje, rreth të 40 -tave, e gjendur e vetme në mes zjarrit.

Ceremonia e dorzimit të çmimit "Punëtori i Vitit", u zhvillua në Manhattan, dhe u drejtua nga legjenda e gazetarisë njujorkeze, Gabe Pressman dhe Jimmy Breslin. Ceremonia u sponsorizua nga sindikata e puntorëve Local 32BJ dhe u mbështet nga disa kompani njujorkase: Service Employees International Union (SEIU), Tishman Speyer, The Durst Organization, Vornado Realty Trust, Ogden Cap Properties, Cooper Square Realty and Stellar Management. Ndërsa, u nderuan me këtë rastë edhe 15 punëtorët e vitit në Nju Jork : Endri Brahimaj dhe Izet Neljkovic, James Gibbons, Carlos Pellecier, Pat Burns, Manuel Santana, Juan Cruz, John Simion, Alonzo Toney, Sean Tonti, Safeta Djesevic, Ursula Szewc, Frank Bellido, Curtis Hill, Moises Guimet, Bernard Speranza. Endri Brahimaj, 19 vjeç, nga Elbasani, emigroi në Amerikë, së bashku me familjen e tij para 12 vjetëve. Ata u vendosën në një lagje të Nju Jorkut, e banuar më së shumti nga emigratët shqiptar. Ata janë banorët e lagjes Ridgewood - Quins(Queens). Djali shqiptar, që tashmë është bërë shembull i qytetarisë së Nju Jorkut, vazhdon interesimin që pas pune të vazhdojë studimet në fushën e manaxhimit të biznesit.

Izet Neljkovic, 44 vjeç, erdhi për një jetë më të mirë, në Amerikë, duke lënë pas një nga viset shqiptare në Mal të Zi, Plavën e Gucie-n. Erdhi këtu dhe u vendos në lagjen Astoria në Quins(Queens) së bashku me gruan, djalin i cili është tani 17 vjeç dhe vajzën 7-të vjeçe. Që të dy emigratët shqiptar, më 13 korrik, 2008, megjithse punonin në një ndërtesë tjetër, e cila ndodhej për karshi pallatit që mori flakë, u "përlanë" me flakët, vetëm për të shpëtuar jetën e banorve të pallatit, tjetër. Ku më në rrezik u tha se kishte qënë jeta e një gruaje, që duhej ndihmuar pasi kishte mbetur e rrethuar e tëra nga flakët.

Ngjarja: 13 korrik 2008, flaka e madhe në pallatin 200 vjeçarë në Manhattan. Me të parë zjarrin në pallatin për karshi, të dy emigratët shqiptarë, vrapuan dhe hynë në pallatin që po shkrumbohej nga flakët. U bien të gjitha zileve, dhe fillojn duke u bërë thirrje njërëzve të dalin jashtë sa më shpejt, se zjarri po kaplonte ndërtesën. Një banore e kësaj ndërtese, ajo që shpëtoi nga flakët, është edhe Judith Rice, e cila në momentin që ndodhi gnjarja ishte duke pirë kafen, dhe dëgjuar radion kur dëgjojë zhurmën e madhe, dhe nuk e kuptonte se jeta e saj ishte vënë seriozisht në rrezik.

Gjatë operacionit për shpëtimin e njërzëve dhe shuarjes së zjarrit, u mësua se 8 zjarrëfikës dhe punonjës të emergjëncës, u lënduan dhe u shtruan në spitalin më të afërt St. Luke's-Roosevelt Hospital. Zjarri filloi nga çatia dhe e përfshiu krejt ndërtesën, thanë hetuesit e kësaj çështje duke e dëmtuar më shumë se 75 përqind të ndërtesës.

Gruaja,(Judith Rice) një 40 vjeçare me profession producente, e cila e ka jetën e saj tash - fal ndërhyrjes së guximëshme të dy shqiptarve Izet Nelkovic, dhe Endri Brahimaj, ka thënë se u gjenda në një moment tepër të rrezikëshim për jetën time, pasi nuk dija asgjë se isha krejtësisht e pambrojtur dhe e rrethuar nga flaka e tymi që po më afroheshin tek dera. Pas ndërhyrjes së dy shqiptarëve dhe nxjerrjes së gjithë banorve në rrugë, në vend ngjarje ia mbrritën forcat e policisë, shërbimi i emërgjencës dhe skuadrat e zjarrëfikësve të qyetit, duke shpëtua së pari qytetarët. Ata shumë shpjet, arritën dhe e vunë nën kontroll situatën duke shmagur kështu një katastrofë më të madhe, në orët e hershme të mëngjesit, kur i gjithë pallati pothuajse ishte në gjumë. Ngjarja e përshkua gjerësisht pothuajse nga të gjitha gazetat, radiot dhe televizionet lokale të qytetit, të cilat gjatë gjithë ditës transmetuan raporte të drejpërdrejta nga vendngjarja. Kjo ngjarje nga shtypi i Nju Jorkut, është përshkruar si rasti i parë në historinë e Nju Jorkut, kur një qytetar i saj arrin e futet pa qënë detyr e tij - mes flakëve për të shpëtuar jetën e të tjerëve duke rrezikur edhe jetën e tij. Dhe këtë e bënë dy emigrantët shqiptar, ata janë Endri Brahimaj dhe Izet Neljkovic, të cilët kryen një akt të lart qytetarie - kur njeriu vë veten në rrezik dhe shpëton jetën e një njeriu tjetër.