NË ÄNGELHOLM TË SUEDISË "28 NËNTORI" U KREMTUA DINJITETSHËM

-- nga Osman Ahmetgjekaj, Suedi - Ängelholm

Mërgata shqiptare ka qenë dhe do të mbetet çdo herë zë i të së vërtetës për Kombin Shqiptar nëpër çdo vend të botës, e cila asnjëherë nuk u nda dhe nuk do të ndahet për të dhën kontributin për Kosovën dhe popullin Shqiptar, përfundon në fjalën përshëndetëse, z. Hysen Ibrahimi.

Në foto nga e majta: Bashkim Shala, Sali Krasniqi,
Mergime Popova, Ahmet Ahmeti, Shpëtim Jetullahu.

Në praninë e mëse 500 pjesëmarësve dhe në një atmosferë festive, me rastin e Ditës së Flamurit - "28 Nëntorit" Ditës së madhe të pavarësisë së Shqipërisë, Shoqata Kulturore Shqiptare (SHKSH) "Nëna Terezë" në Ängelholm kishte organizuar një manifestim kulturo-artistik i përgaditur nga koreografi i njohur dhe i talentuar Ahmet Ahmeti së bashku me shkollën shqipe me arsimtarët e gjuhës shqipe Xhevat Isufin dhe Florinda Fejza. Programin festiv e shpalli të hapur, "Miss Kosova 2007" Yllka Berisha, me një veshje shumë të bukur një fustan me shqiponjen kuq dhe zi, kurse në bluzë kishte flamurin e Kosovës. Miss Kosova në fjalën e saj, pasi shpalli të hapur këtë manifestim, përshëndeti të gjithë të pranishmit duke u'a uruar festën e ditës së Flamurit si njëra ndër datat më të rëndësishme të Kombit Shqiptar ajo shtoi: 28 Nentorit eshte nje fest e shenjt dhe ngjarja me e madhe ne historin shqiptare, ku me 28 Nentor 1912 ne Vlorë pas pesë shekujsh roberie nën osmanet, Kuvendi Kombëtar, nën kryesinë e atdhetarit te madh Ismajl Qemajli mori vendim historik- shpalli Shqipërinë shtet me vete, të lirë dhe të pavarur.

Miss Kosova 2007 - Yllka Berisha.

Moderatoret e programit Krenare Berisha dhe Liridona Rrahmani i'a dhanë fjalën Kryetarit të SHKSH "Nëna Terezë", kryetar i Këshillit të Prindëve pr Arsim, njëherit edhe anëtar i Kryesisë së Lidhjes Demokratike të Dardanisë - Dega në Suedi, z. Rrahman Rrahmani, i cili pasi urojë festën e "28 Nëntorit" Ditës së Flamurit në emrin e tij personal, në emër të prindëve shqiptarë në Ängelholm dhe të kryesisë së (SHKSH) me përbërje Ahmet Ahmeti, sekretar, Hajdin Selaci, Muhamet Berisha dhe Behar Popova anëtarë të Kryesisë, ndër të tjera tha: Ky manifestim ka vlera kulturore dhe kombëtare sepse fëmijëve tanë në mërgim prore u'a mësojmë e përkujtojmë historinë tonë kombëtare. Dëshmi e kësaj janë talenti i tyre duke mbajtur gjallë kulturën dhe traditën shqiptare, që shëndrisin me veshjet kombëtare të fëmijëve të cilat vallet dhe këngët e bukura, recitimet për dëshmorët tanë me në krye Adem Jasharin si dhe për ish-Presidentin e parë të Republikës së Kosovës Dr. Ibrahim Rugova. Z. Rrahmani në vazhdim tha se gjaku i derdhur për Atdhe një ditë do të bëhet dritë, një dritë që do të shndritë cep me cep Atdheut. Një dritë që brezave u'a hap horizontet e jetës dhe të ardhmërisë.

Fjalën e rastit për këtë manifestim të ditës së "28 Nëntorit" Ditës së Flamurit, e mbajti z. Miradije Sopa, e cila pasi i përshëndeti të pranishmit duke u'a uruar festën e ditës së Flamurit, ajo ndër të tjera shtoi: Sot jemi mbledhur këtu që së bashku të ndajmë gëzimin e festes aq shumë të çmuar për ditën e Flamurit, i cili na ka udhëhequr për 96vite me radhë. Për Flamurin e Skenderbegut që në Vlorë u ngrit nga dora e Ismajl Qemailit, qe u përcjell nga dora Isa Boletinit, e Adem Jasharit si dhe nga shumë heronjë të luftes së lavditshme UÇK-së të cilët nën Flamurin Kombëtar u flijuan për lirinë që ne po e gëzojmi sot për Flamurin që ngritum për vajin e fëmisë të posalindur. Për Flamurin që ngritum në kulmin e shtëpisë së re, për dasmat e traditat tona. Këtë vitë kjo festë është edhe më madhështore me lindjen e shtetit të ri shqipëtar, me shpalljen e pavarsis së Republikës së Kosovës, një ëndërr e kahëmotshme e gjithë popullit të Kosovës që derdhi aq shum gjak që brezat tanë të gëzojnë një të ardhme më të mirë dhe më të lumtur. Zonja dhe zotrinjë, ardhja e juaj n'a e bënë festen edhe më madhështore dhe unë ju uroj çaste të hareshme në këtë mbrëmje. Gëzuar!

Në vazhdim u ftua që t'a mar fjalën përshëndetëse Kryetari i Lidhjes Demokratike të Dardanisë - Dega në Suedi dhe veprimtar i dalluar i çështjes kombëtare për Suedi, z. Hysen Ibrahimi, i cili u prit me duartrokitje frenetike. Ai, pasi përshëndeti dhe uroj të pranishmëve festën e madhe të ditës së Flamurit "28 Nëntorin" në emrin e tij personal, në emër të LDD-së - Dega në Suedi dhe në emër të kryetarit të LDD-së Akademik Daci, tha se sot kur jemi duke e festuar këtë kremte të madhe të Kombit Shqiptare, duhet ditur se kthimi i Skenderbeut dhe ngritja e Flamurit në Krujë më 28 nëntor 1443, ngritja e Flamurit në Vlorë më 28 nëntor 1912 nga Ismail Qemaili me atdhetarët patriot Hasan Prishtinën, Luigj Gurakuqin, Isa Boletinin, Hoxha Tahsini etj, dhe 17 shkurti 2008 Pavarësia e Kosovës, janë data që bashkojnë popullin shqiptarë, janë data që ne duhet çdo herë t'i përkujtojmë përmes manifestimeve kulturore dhe duke u bashkuar tok dhe duke i përkujtuar njerëzit që sakrifikuan, sikurse që ishte ideatori dhe arqitekti e Pavarësisë së Kosovës, Presidentin i parë i saj Dr. Ibrahim Rugova, dëshmorët që derdhen gjakun me në krye komandantin Adem Jasharin, Agim Ramadanin, Sali Qekun, Zahir Pajazitin dhe shumë dëshmorë të tjerë. Mërgata shqiptare ka qenë dhe do të mbetet çdo herë zë i të së vërtetës për Kombin Shqiptar nëpër çdo vend të botës, e cila asnjëherë nuk u nda dhe nuk do të ndahet për të dhën kontributin për Kosovën dhe popullin Shqiptar, përfundon në fjalën përshëndetëse, z. Hysen Ibrahimi.