PRITJE DINJITOZE DHE PREMTIME NË ASOCIACIONIN E TREGUT TË MINAS GERAIS-it

Presidenti Charles Lotfi ka premtuar një angazhim maksimal të investimeve në Kosovë, nga ndërmarrjet gjigante të Minas Gerais-it. Ai u tha drejtuesve të BRAKOS-it, që në këtë institucion mund të llogarisin se kanë një shtëpi të tyre, ku mund të nisin projekte të mëdha ekonomike-industriale dhe tregtare në Kosovë.

Dy presidentët: Koliqi e Lotfi

Belo Horizonte, 26 prill 2008 - Në fundjavën, para udhëtimit për në Europë, drejtues të Institucionit për Bashkëpunim mes Brazilit e Kosovës – BRAKOS, kanë vizituar selinë e Asociacionit të Tregut të Minas Gerais-it. Presidentin e Institutit Brakos – Engjëll Koliqi-n, të shoqëruar nga dy zëvendësoresidentë: Dr Vera Lúcia Alves Neves (drejtoreshë e projekteve edukativo-arsimore, kulturore dhe humanitare) dhe Julius César Pereira da Costa (drejtor i marrëdhënieve afariste-ekonomike), i ka pritur Presidenti i Asociacionit të Tregut të Minasit – Charles Lotfi, me dy zëvrendëspresidentët: Roberto Luciano Fagundes dhe José Henrique da Silva Júnior.

Gjatë bisedimeve

Që në fillim të bisedës, Presidenti Lofti u ka thënë të pranishmëve se gjithnjë ka përcjellur zhvillimet në Kosovë dhe me shumë kënaqësi uron pavarësinë e këtij vendi të shumëvuajtur. Ai ka premtuar se në këtë asociacion, Republika e Kosovës e ka shtëpinë e vet, që mund të llogaris si në një Odë Ekonomike, që do të kujdeset maksimalisht për sjelljen e projekteve të vlefshme dhe të investimeve nga këndej. Gjatë bisedës, Presidenti ka përmendur disa gjigantë ekonomikë të shtetit Minas Gerais, që do të mund të investonin në Kosovë.

Delegacioni i Institutit Brakos

Zonja Vera Lúcia ka folur për aktualitetin në Kosovë, duke shpjeguar se nuk është gjendja ajo që paraqitet në massmediat e këtushme. Ajo ka thënë se nuk janë serbët e Kosovës ata që organizojnë protesta e tollovi, por janë agjentët, tashmë të zbuluar të shërbimeve policore të Serbisë, nën regjinë e premierit në dorëheqje – Koštunica. Z. Julius ka folur për lëvizjet e para të Institutit Brakos, në fillimin e projekteve në Kosovë, që tashpërtash janë të natyrës shëndetësore e sociale, por duke bërë me dije se janë bërë edhe hapat e parë në gjurmimin e mundësive konkrete për projekte tregtare dhe të investimeve, në ekonominë dhe në industrinë e Kosovës. Presidenti Koliqi ka siguruar mikpritësit se Qeveria e Republikës së Kosovës garanton të gjitha investimet në shtetin e ri, prandaj – ka thënë – të mos ngurrojnë, sidomos industrialistët që të investojnë kapitalin e tyre në Kosovë, ku gjithnjë do të respektohen interesat reciproke.

Shpjegohet simbolika e Flamurit të Republikës së Kosovës

Është vendosur që gjithçka në këtë drejtim të planifikohet dhe të realizohet përmes rrugëve institucionale, me ndërmjetësimin e Institutit Brakos. Së shpejti do të formohen ekipet e ekspertëve, që do të hartojnë strategjinë e projekteve dhe të investimeve në Kosovë dhe do të ndërmarrin hapat e parë, me kontakte me Qeverinë e Republikës së Kosovës dhe të shkojnë për një vizitë studjuese atje.

Rikthim i bujshëm i profesorit kosovar Engjëll Koliqi në Kolegjin Batist, në Belo Horizonte:

BRENDA DITËS – DY LIGJËRATA DHE NJË BINJKËZIM

Gjatë ligjëratës së mbasdites

Belo Horizonte, 25 prill 2008 - Profesori kosovar – Engjëll Koliqi, i cili tashmë ndër ne është i njohur dhe shumë i kërkuar edhe si shkrimtar i mirë, pasditën dhe mbrëmjen e së mërkurës i ka kaluar në Kolegjin Batist, ku është pritur nga drejtori i përgjithshëm – Pastori Walmir Vieira, ka vizituar të gjitha mjediset shkollore e universitare, ka mbajtur dy ligjërata dhe ka siguruar binjakëzimin e këtij institucioni të madh dhe të mirënjohur edukativo-arsimor, me Shkollën "Dom Mikel Tarabulluzi", në Stubëll të Vitisë.

Me drejtorin e përgjithshëm – Walmir Vieira

Në ora 13 Ai dhe Prof Dr Vera Lúcia Alves Neves (zëvendëspresidente dhe drejtoreshë e projekteve edukativo-arsimore, kulturore dhe humanitare, në Institutin BRAKOS), janë pritur në drejtorinë e përgjithshme të Kolegjit, ku kanë biseduar afër një orë me drejtorin. Përveç tjerash, gjatë bisedimeve, profesori kosovar i ka kërkuar të parit të kolegjit shqyrtimin e mundësisë për të bashkëpunuar me ndoj shkollë në Kosovë. Ai ka pranuar, me kënaqësi, propozimin e mysafirit dhe ka kërkuar propozim konkret, se me cilën shkollë mund të bashkëpunojnë. Pra, simbas propozimit të Engjëllit, është vendosur që kolegji Batist të binjakëzohet me Shkollën "Dom Mikel Tarabulluzi", në Stubëll të Vitisë, ku do të shqyrtohen mundësistë edhe për ngritjen e një kolegji, filialë e këtij.

Muzikanti fascionues Adolfo Fernandes

Në ora 14, në të njëjtën sallë ku ka ligjëruar rreth një muaj më parë, z. Koliqi ka mbajtur një ligjëratë mbi Kosovën dhe rrethanat atje, për nxënësit dhe profesorët e shkollës fillore dhe të mesme të këtij kolegji. Ishte e vogël salla, për t'i pranuar të gjithë të interesuarit për këtë ligjëratë, ku bashkë me nxënësit ishin edhe profesorët – kryesisht ata të historisë dhe të gjeografisë. Nuk mund të mos përmendet Prof. Leonardo Bento, i cili po përgatit projektin e madh në lëmin e gjeografisë, për Kosovë. Përshkrimin historik të shtetit më të ri ballkanik, që nga Dardania Antike, e ka bërë Profesoresha Vera Lúcia, kurse Prof Koliqi është përqëndruar në gjendjen aktuale në Kosovë dhe në rajon, si dhe në përspektivën zhvillimore të Republikës së Kosovës. Edhe kjo ligjëratë është ndjekur me interesim të madh, si nga nxënësit, poashtu edhe nga profesorët. Kjo është dëshmuar edhe me pyetjet e shumta, në të cilat është përgjigjur Profesor Engjëlli. Shumë nga nxënësit kanë thënë se tashmë ndjehen të dashruar në Kosovën. Pastori Batist Rubens Eduardo Cordeiro, i cili është edhe autori i programit edukativ të zhvillimi ttë karakterit njerëzor, mbasi ka falënderuar profesorët për ligjëratën shumë të vlefshme, i ka ftuar të gjithë për një lutje speciale për Kosovën dhe popullin e Saj, që Zoti t'u ndihmojë në një zhvillim dhe përparim sa më të shpejtë. Muzikanti i famshëm dhe shumë karakrteristik – Adolfo Fernandes, për nder të profresorit kosovar, respektivisht delegacionit të Institutit Brakos, ka luajtur melodi karakteristike instrumentale, me harpë. Ai në fund i ka dhuruar profesorit kosovar një CD – albumin e tij të fundit "Magjepsja".

Pamje në bibliotekë

Koordinatorja e komunikimit dhe marketingut të Kolegjit Batist Mineir – Cynthia de Almeida, ka shoqëruar delegacionin, në të gjitha veprimtaritë e kësaj dite. Ajo i ka shoqëruar edhe në vizitë, në të gjitha mjediset dhe hapsirat, shumë të rregulluara të këtij Kolegji. Mysafirët, me interesim të madh janë ndalur në Qendrën e Edukimit të të rinjëve dhe të rriturve, ku kanë biseduar me koordinatoren e kësaj qendreje – Prof. Joelina da Costa. Veç tjerash kjo qendër është edhe në shërbim të alfabetizimit të personave "të vonuar" ka thënë ajo, gjatë bisedës. Mysafirët kanë mbetur të magjepsur, sidomos gjatë vizitës së bibliotekës, e cila kishte mijëra e mijëra tituj librash, fushash të ndryshme dhe një hapsirë shumë moderne dhe funksionale, përfshirë edhe sallën e madhe të informatikës, pajisur me kompjuterë dhe internet. Koordinatorja e bibliotekës – Regina Segurado i ka premtuar profesorit kosovar, që në kuadër të veprimtarive brenda bashkëpunimit reciprok, të dhurojë për bibliotekën e Shkollës "Dom Mikel Tarabulluzi" në Stubëll shumë libra, në gjuhën potrugeze dhe angleze, për çka ai e ka falënderuar përzemërsisht. Ajo ka shprehur gatishmërinë, që në kuadër të programit të shkëmbimit të nxënësve dhe studentëve, në shtëpinë e saj ta mbaj një student kosovar.

Lutje për Kosovën

Në veprimtarinë e mbrëmjes, respektivisht në ligjëratën shumë domethënësve, para studentëve dhe profesorëve të fakultetit të së drejtës ndërkombëtare dhe të marrëdhënieve e tregtisë ndërkombëtare, delegacionit të Institutit Brakos i është bashkëngjitur edhe zëvendëspresidenti tjetër e drejtor i projekteve ndërkombëtare – Paulo Thiago Vieira da Silva Fernandes. Edhe në këtë ligjëratë, që është ndjekur me një interesim të jashtëzakonshëm, Profesoresha Vera Lúcia ka folur për aspektin historiko-shoqëror dhe politik të Kosovës, Profesor Engjëlli, për aktualitetin e vendit dhe të rajonit ballkanik, synimet dhe përspektivat e zhvillimit ekonomik dhe resurset humane e minerale, kurse Paulo Thiago ka folur për mundësitë e investimeve të jashtme në Kosovë dhe shërbimet në rolin e ndërmjetësuesit, që mund t'i gjejnë në Institutin Brakos. Edhe rëndësinë dhe vlerën e madhe të kësaj ligjërate e kanë dëshmuar pyetjet e shumta të studentëve dhe të profesorëve të pranishëm, në të cilat ligjëruesit janë përgjigjur me skatësi dhe me argumente bindëse.

90-Vjetori i Kolegjit Batist në Minas Gerais