Kryetari i Bashkisë Bloomberg dhe përfaqësues të komunitetit shqiptaro-amerikan do të vizitojnë Kosovën

Washington DC, 11 nëntor 2003: Këshilli Kombëtar Shqiptaro Amerikan (KKSHA) lëshoi këtë dëklaratë për shtyp në lidhje me vizitën që Kryetari i Bashkisë së New York-ut planifikon për në Kosovë më datën 26 Nëntor.

Kryetari i bashkisë së qytetit të Nju Jork-ut Michael R. Bloomberg së bashku me disa përfaqësues të komunitetit shqiptaro-amerikan do të bëjnë një vizitë në Kosovë me rastin e Ditës së Pavarësisë shqiptare.

Kryetari i bashkisë Bloomberg, i cili do të mbërrij në Prishtinë, Kosovë më 24 nëntor i shoqëruar nga udhëheqës së komunitetit shqiptaro-amerikan, duke përfshirë figura të shquara të artit e fesë, e bëri të ditur se do të shkojë në Kosovë para mijëra shqiptaro-amerikanëve të cilët morën pjesë në Festivalin e XIII Shqiptar të organizuar nga Kisha Katolike Shqiptare "Zoja e Shkodrës" më 9 nëntor.

Disa prej aktiviteteve që z. Bloomberg do të angazhohet gjatë vizitës së tij në Prishtinë do të përshijnë takime me trupat e KFOR-it në kampin ushtarak "Bondsteel", një ceremoni të shkëmbimit të flamujve më udhëheqës lokalë, një ngjarje kulturore në nder të ditës së flamurit shqiptar, ku kryetari i bashkisë pritet të mbajë një fjalim për të shprehur ndjenjat e tij për popullin shqiptar, dhe së fundmi por sigurisht që jo në fund të prioriteteve të tij, ai do të marr pjesë në një ceremoni para monumentit të Nënë Tërëzës në nder të punës së saj të shquar.

Ish-kryetari i Këshilli Kombëtar Shqiptaro Amerikan (KKSHA) Richard S. Lukaj dhe anëtari i bordit drejtues Ben Celaj, që kohët e fundit u takuan me anëtarë të stafit të zyrës së kryetarit të bashkisë së Nju Jork-ut për të diskutuar detajet në lidhje me vizitën e ardhëshme në Kosovë, u shprehën se vizita e z. Bloomberg në Prishtinë tregon dhe flet për potencialin domethënës të komunitetit shqiptar në qytetin e Nju Jork-ut dhe për rolin e rëndësishëm që mund të luajë ai në zhvillimin e Kosovës.

Zotërinjtë Lukaj dhe Celaj thanë se, "ne jemi mbështetës krenarë të kryetarit të bashkisë dhe jemi jashtëzakonisht të kënaqur që ai ka zgjedhur të shprehë vlerësimin dhe respektin e tij për mbështetjen domethënëse të komunitetit shqiptaro-amerikan nëpërmjet një vizite të tillë."

Kjo nuk është hera e parë që Bloomberg takohet me KKSHA-në dhe komunitetin shqiptaro-amerikan. Më 26 shkurt, 2001 pak para se ai të shpallte kandidaturën për kryetar bashkie, ky individ i suksesshëm u takua me përfaqësues të KKSHA-së dhë komunitetit shqiptaro-amerikan për të diskutuar se çfarë roli komuniteti ynë do të luante në fushatën e tij për kryetar bashkie.

Para se të bëhej kryetar bashkie i qytetit të Nju York-ut, z. Bloomberg ishte president i kompanisë gjigante të medias financiare "Bloomberg, LLC". Ai e themeloi këtë kompani më 1981, duke e shndëruar një kërkësë origjinale prej 20 terminalesh kompjuterike në një super-kompani të multimedias, analitike me mijëra terminale informacioni në çdo vend të botës, përfshirë dhe Vatikanin.