Nënë Tereza, ja si do të shenjtërohet

Motrat përgatisin ceremoninë pa para. Papa ka caktuar si ditë 19 tetorin 2003 që përkon me përvjetorin e tij.

Për shenjtërimin e misionares së paqes tashmë është marrë vendimi, madje duke i lënë mënjanë dofarë rregullash. Ndërsa në radhën e nderit në ceremoninë se saj do të zënë vend dy mijë të varfër dhe të sëmurë përveç autoriteteve të zakonshme fetare e civile. Dhe ja përse Giovanni Paolo II ka lejuar që Anjeza Gonxhe Bojaxhiu (emri i vërtetë i Nënë Terezës) të lartohet në altar vetëm gjashtë vjet pas vdekjes, si një përjashtim nga rrezullat.

Murgeshat e vogla mbuluar me të bardha duket se do të vënë në vështirësi ceremoninë e rastit. Sipas të përjavshmes italiane “Panorama” për ceremoninë solemne të shenjtërimit të Nënë Terezës së Kalkutës, e programuar për t’u mbajtur në sheshin “San Pietro”, 19 tetorin e ardhshëm, misionaret e paqes kanë kërkuar sërish një “thyerje të rregullave” në radhën e nderit, në këmbë të altarit të Papës, do të zënë vend të paktën dy mijë të varfër ose persona që lëngojnë nga sëmundje të ndryshme përveç autoriteteve civile e fetare. Ndër të tjera, motrat murgesha nuk duan të ketë karrige në shesh: vetëm vende për të qëndruar në këmbë, me përjashtim të karrigeve të vendosura për të moshuarit dhe të sëmurët. Nënë Tereza, në fakt, nuk ka dashur asnjëherë të ketë banka ose vende të rehatshme për t’u ulur në vendet e shenjta të misionarëve humanë.

Problemet e buxhetit
“Shenjtërimi i Nënë Terezës nuk duhet të jetë një festë turmash, por një enveniment madhështor zemrash, - vazhdojnë të përsërisin motrat-murgesha që në shtëpinë e tyre në majë të kodrës së Çelios, në Romë, e kanë vënë në punë që tani makinën organizative. Problem mbetet varfëria; Buxheti është shumë i vogël, mjaft më pak se 300 mijë euro që do të duheshin për këtë rast.

Botavizion
Në 123 vende të botës ku janë prezente, motrat e Nënë Terezës janë duke mbledhur personalisht kërkesat e pjesëmarrjes në ceremoni. Mandej do të fillojnë të shpërndajnë biletat. E vetmja lidhje me teknologjinë është një site interneti (www.motherteresacause.info) përmes të cilit mund të marrësh modelin e pjesëmarrjes. Shumë prej motrave nuk do të shkojnë në Romë për ceremoninë sepse nuk mund t’i lënë të sëmurët dhe të varfanjakët në vende të ndryshme të planetit. Prandaj ato kanë kërkuar që të garantohet një transmetim në të gjithë botën i evenimentit. Por disa qeveri nuk kanë pranuar; motrat thonë se edhe qeveria indiane nuk jep të drejtën e transmetimit direkt në televizion të ceremonisë së shenjtërimit.
Megjithë varfërinë e pjesës dërrmuese të organizimit të ceremonisë, efekti i murgeshës së vogël me origjinë shqiptare, e cila ka marrë çmimin “Nobel” për paqen në vitin 1979, duket se paralajmëron një pjesmërrje të jashtëzakonshme spontane të besnikëve të shenjtërimit. Aq më tepër që Papa ka dashur që ceremonia të koinçidojë me 25 -vjetorin e zgjedhjes së tij në pontifukat, më 16 tetor 1978. Vlerësimi i Giovanni Paolo II për të voglën Anjezë Gonxhe Bojaxhiun është i tillë që ai e ka lejuar shenjtërimin e saj vetëm gjashtë vjet pas vdekjes, më 5 shtator 1997.