Në Londër bie tabu-ja e Shqipërisë Etnike

(Promovohet në Londër vepra shkencore e studiuesit dhe gazetarit Paulin Kola "Në kërkim të Shqipërisë Etnike")

"Shqipëria e Madhe" nuk është gjë tjetër veçse një përkthim i gabuar i Shqipërisë së vërtetë apo Shqipërisë Etnike apo pjesë e ligjëratave deklarimeve, publikimeve të shumta të propagandës anti-shqiptare. Por duket se një pohim i tillë thuhet shumë rrallë dhe në rastin më të mirë nga ndonjë gazetar apo analist pasi në fjalorin e shtetarëve shqiptarë nuk ekziston termi Shqipëri etnike. Ky term shpesh shpesh vazhdon të jetë frikësues jo vetëm për diplomatë por edhe për politikanë shqiptarë që si për koicidencë duket se është trashëguuar që prej historisë. Shqipëria Etnike është trumpetuar dhe vazhhdon të trumpetohet vetëm nga anti-shqiptarët fqinjë kur kërkojnë të ndërprisnin çdo tentativë apo përpjekje shqiptare qoftë edhe për të arritur në një ide të qartë mbi këtë cështje kaq të rëndësishme për shqiptarët.

Për rrjedhojë për Shqipërinë Etnike është mjaftuar një përmendje apo një hamendësim pasi faktikisht nuk ka patur ndonjë platformë të qartë mbi një strategji kombëtare për Shqiërinë Etnike. Nëse gjatë luftës së Kosovës kur në ndonjë kronikë, në ndonjë lajm apo reportazh mbi luftën, flitej për shqiptarët e Kosovës shumë qytetarë perëndimorë mbetën konfuzë dhe ishin shumë të paktë ata që kishin dëgjuar gjëmën shqiptare që vazhdon të kumbojë edhe sot "shtatë milion në pesë shtete".

Fatkeqësisht nga ana e politikanëve shqiptarë apo drejtuesve të ndryshëm të shtetit në periudha të ndryshme kohore jo vetëm që dukej një lloj stepje për t'i mëshuar kësaj të vërtete dhe për të bërë diçka më tepër në këtë drejtim por në historinë shqiptare ka patur edhe qëndrime dhe deklarime krejtësisht anti-kombëtare. Shtatë milionë në pesë shtete mbeti një kumbim i shurdhët që u përmend edhe nga Millosheviçi nga banka e të akuzuarve në Gjykatën e Hagës, ku shpreh se Shqipëria e Madhe ka qenë plan vetëm i Hitlerit.

Por ai deklarim nuk ishte as i pari as i fundit pasi dihen propagandat anti-shqiiptare që vazhdojnë të publikohen që në thelb të tyre theksohet "rreziku i Shqipërisë së Madhe". Fatkeqësisht deklarime të tilla nga Beogradi, Shkupi apo Athina kanë patur përgjigje të vakëta dhe shhpeshherë edhe heshtje nga ana e shtetarëve shqiptarë.

PSE-ja e kësaj shmangje duket se ka qenë një ndër arsyet që çuan diplomatin dhe gazetarin e BBC-së në shqip për rubrikën ndërkombëtare z. Paulin Kola që t'i futet një studimi serioz për të gjithë historinë e Shqipërisë për të parë shkaqet dhe arsyet e shmangies së kësaj të vërtete.

"Në të gjithë historinë shqiptare nuk ka patur një platformë të qartë për Shqipërinë Etnike" shprehet studiuesi Paulin Kola. Egziston vetëm një platformë e Akademisë së Shkencave shqiptare e vitit 1998 që ai e cilëson mjaft të dobët dhe kurrësesi shkencore me rreth 29 faqe. Është vërtet i trishtueshëm fakti se kjo ka qenë përpjekja e vetme shqiptare e nxjerrë nga një akademi shkencash ndërkohë që dihet fort mirë dëshira dhe vullneti i shqiptarëve për të ndërtuar jetën e tyre në një shtet shqiptar apo kur njihet propaganda shqiptare që është bërë dhe vazhdon të bëhet nga Beogradi apo Athina në të gjithë perëndimin. Nga qëndrimet e të zgjedhurve pra shtetarëve nuk duket ndonjë vullnet i madh shqiptar për bashkim thotë studiuesi Kola.

Nuk janë të pakta rastet historike kur udhëheqësit kanë luajtur rolin e vasalit sesa të udhëheqësit dhe kjo ppërbën fatkeqësi dhe ndofta rrjedhojë e të gjithë asaj drame që përjetojnë sot shqiptarët që vazhdon të jenë të ndarë në pesë shtete.

Është një punë disavjecare e Paulin Kolajt, një studim i mirëfilltë shkencor që ia ka arritur duke shfrytëzuar edhe pozicionin e tij si diplomat dhe si gazetar në një prej mediave më prestigjoze në botë siç është BBC-ja të vërtetojë shkencërisht se Shqipëria Etnike nuk është rrezik për askënd dhe se është e drejtë e shqiptarëve të kenë shtetin e tyre.

Çështja e Shqipërisë Etnike që nga periudhat më të hershme dhe deri tek lufta e fundit në Kosovë dhe Maqedoni është trajtuar me shumë rigorizitet dhe i mbështetur me fakte dhe dokumente shumë të rëndësishme dhe ndofta edhe të panjohura për shqiptarët. Në librin e tij të publikuar pak ditë më parë në Londër nuk janë lënë mënjanë edhe liderit shqiptarë dhe qëndrimet e tyre që nga kohët e hershme dhe deri tek Ahmet Zogu, Fan Noli, Enver Hoxha, Sali Berisha, Fatos Nano apo Pandeli Majko.

"Kërkim për Shqipërinë Etnike" botuar në gjuhën angleze është një libër me një vlerë të çmueshme për historinë dhe diplomacinë shqiptare pasi së fundmi thyejnë tabutë mbi Shqipërisë Etnike.

Ai iu shtua radhëve të vogla të librit shqiptar në Londër dhe sidomos librave histroikë që më përbëjnë një domosdoshmëri për Shqipërinë dhe shqiptarët për njohjen e kësaj çështje, aq më tepër në zhvillimet e reja në Kosovë dhe më gjerë.

Përfundimet e studiuesit Paulin Kola në veprën e tij voluminoze mbi 400 faqe janë të vlefshme jo vetëm për politikanët shqiptarë por edhe për diplomatët që vazhdojnë që të shmangen prej kësaj teme si dhe për Akademitë Shqiptare të Shkencave të Shqipërisë apo të Kosovës.

Kërkim mbi Shqipërinë Etnike nuk përbën thjesht një përgjigje shkencore përkundër të gjithë asaj propagande antishqiptare që ka një peshë jashtëzakonisht të madhe. Ai është një orientim për studiues diplomatë politikanë apo shtetarë kur kihet parasysh fakti se nuk ka ndonjë organizim të qëndrueshëm të faktorit politik shqiptar në Shqipëri apo Kosovë rreth kësaj çështje mjaft të mprehtë që shpesh cilësohet si egzistenciale për shhqiptarët.