FLETËZA TË SHKËPUTURA PREJ NACIONALIZMËS SHQIPTARE

(NUE OROSHI "DËSHMI KOHËRASH", SHTËPIA BOTUESE "LUMBARDHI" PRIZREN 2003)

Shtjellimi i shumë temave, i ngjarjeve historike dhe shumë portrete të personaliteteve tona kombëtare, shpeshherë në librin "Deshmi Kohërash", paraqiten për herë të parë.
Këto shkrime vijnë në duar të lexuesit, pasi autori i librit në një kohë bukur të gjatë ka defiluar me shkrimet e tij nëpër shtypin ditor, javor e jo rrallë edhe në revista shkencore. Shkrimet e mbledhura dhe të botuara në shtypin e kohës, Nue Oroshi i boton të përmbledhura në këtë libër.

E të gjitha së bashku paraqesin zërin dhe shpirtinë e publicistit, i cili në këto shkrime na paraqitet me një karakter shumë të fortë, shkrimet e tij në të shumtën e rasteve kanë karakter të vecantë, e sidomos aty ku autori i këtij libri ka dhën një material të fortë historik, me një fjalë autori i këti libri ka arritur që ta fitojë besimin e duhur tek e d'jathta nacionaliste në diasporë, tek atdhetarët e Shqiperis Etnike, të cilët në këtë rast autorin e ketij libri e kanë furnizuar me material të bollshëm dhe faktografik, për ngjarjet e ndodhura në kohë dhe hapësira të ndryshme, ndërsa ky i funditë ka diturë që mjaftë bukur, të thithë nektarin e këtyre ngjarjeve historike, për t'i paraqitur këto ngjarje, që në të ardhmen të mbesin të shënuara si dëshmi të gjalla. Në këtë libër, Nue Oroshi përpos shumë ngjarjeve dhe personaliteteve, ai nuk harronë një rol të rëndësishem t'u lë edhe heronjeve kombëtar më të rinjë të cilët të bashkuar rreth UCK-së, u flijuan për lirinë e Kosovës.

Në vecanti na paraqitet me shkrime rreth Betejës së Kosharës apo sic e cilëson autori, Luftës për bashkimin kombëtar, ku përmend shumë figura kyqe të kësaji beteje të madhe historike të kohës sonë më të re. Libri "Deshmi Kohërash" tregon edhe njëherë se ne shqiptarët kemi edhe shumë gjëra për t'i thënë dhe shkruar në historinë tonë kombëtare, kemi shumë personalitete që duhet t'i vendosim në vendin e merituar ashtu sic kanë vepruar, ashtu sic janë përpjekur që me cdo sakrificë t'i dalin në ndihmë Shqipërisë, pa pretendime të ndryshme djallëzore, karrieriste, por të cilët të betuar në emër të zotit e kombit vazhduan rrugën kastriotase dhe si të tillë vepruan nëpër kohra të ndryshme, që herët a vonë do të shënohen në historinë tonë, për aq sa e merituan. Dhe si të tilla këto shkrime janë fletëza të bukura të shkëputura nga nacionalizma shqiptare në kohëra dhe hapësira të ndryshme.

Në kohën kur historiografia shqiptare do të përballet me një rishikim të ngjarjeve dhe rivlerësimë të shumë figurave tona kombëtare, që për një kohë të gjatë ishin të mbuluara me pluhurin e harresës ideologjike, libri "Dëshmi Kohërash" do të shërbejë si një burim i vyer për të plotësuar atë që historiografisë sonë i ka munguar. Për më tepër "Dëshmi Kohërash" i Nue Oroshit, është një vijimsi e mbarë, të cilën ai shpresoj ta vijojë dhe ta pasurojë edhe me tituji tjerë, si nga fusha e historisë, e publicistikës, por edhe e artit poetik, ku ai e ka sprovuar suksesshëm penën e tij.