KOHA E VEPRIMIT DIPLOMATIK

“Shpëtimi i Kosovës dhe ringjallëja e Shpirtit Kosovar munt të vijë vetëm nga brenda dhe nëpër vepra të verteta dhe të perbashkëta kulturrale të të gjithë kosovarëve, kudo qofshin në botë” (Dr. Dr. Krist Maloki)

Ashtu siç dihet qeveria e tanishme e Kosovës është e kufizuar në disa fusha. Njëra ndër to është edhe diplomacia aktive në arenën internacionale (me botën e jashtme). Meqë kompetencat e kësaj fushe janë ende në duart e Kryeadministratorit, duhet gjetur një modus apo metodë alternativ, që të paktën Kryeministri i Kosovës, tani kur gjendemi në një fazë shumë të rëndësishme për t`u vendosur për ardhmërinë e Kosovës, përkatësisht definimit të statusit, ta luaj edhe rolin e Ministrit për Punë të Jashtme.

Mundësia/alternativa

Kryeministri ka mundësi që në kuadër të një programi të iniciuar nga Kryeministria dhe diaspora shqiptare, duhet të njoftohet drejtpërsëdrejti nga qeveritë perëndimore për gjendjen e përgjithshme të mërgatës nga Kosova, të organizojë takime me qeveritë e shteteve të Evropës dhe vendeve ku shqiptarët për nga numri janë të shumtë.

Ne vlerësojmë se, duke mos lënë anash për asnjë minutë ritmin intensiv të punës për realizimin e standardeve, Kryeministria e Kosovës duhet të marrë kontakt me diasporën, që të organizojnë kontakte me personalitetet kryesore të vendeve ku jetojnë dhe Kryeministrin e Kosovës. Temë bisedimesh duhet të caktohet me sa vijon:

- Interesimi i Kryeministrit të Kosovës për gjendjen e diasporës nga Kosova në vendet e Evropës.

- Mundësia e një bashkëpunimi në fushat policore e të drejtësisë mes strukturave të Kosovës dhe atyre perëndimore.

- Marrja e informacioneve nga organet kompetente të shteteve ku jeton dhe vepron diaspora- edhe rreth problematikës që kanë me aktivitetet e kundërligjshme shqiptare/kosovare.

- Mundësitë për nxitjen e diasporës që të jetë pjesë integruese dhe jo element problemi në vendet ku jetojnë, dhe njëkohësisht të kërkohet që elementet kriminele dhe atyre që bëjnë vepra kundërligjore të mos përdoren edhe si element që të kriminalizohet e drejta e kosovarëve në ato shtete dhe kjo gjë të mos reflektohet në të drejtën për shtet të pavarur.

- Mundësit e bashkëpunimit në fushat me interes të ndërsjellët e sidomos në fushën ekonomike.

- Mundësia që t`iu bëhet e njohur që qeveria e Kosovës është e kufizuar për shkak të status quo ekzistuese që të merret në formë aktive rreth çështjes së diasporës shqiptare dhe problemet që lidhen me këtë fushë. Mbase përfaqësuesit diplomatik të SMZ-së nuk janë marrë kurrë me problemet e diasporës së Kosovës dhe vështirësitë e tyre, përkundrazi, ata janë përpjekur që shqiptarët e Kosovës ti kriminalizojnë, madje t`i shohin sa më shumë në titujt e gazetave si njerëz të rangut të tretë, si njerëz që krijojnë kriminalitet të përhershëm, madje këtë gjë po e arrijnë duke përdor emra shqiptar si gazetar, dhe diplomacia e Kosovës në këtë çështje të luaj rolin e saj.

- Mundësia për t`iu falënderuar drejtpërsëdrejti shteteve për kontributin e tyre në rindërtimin e Kosovës.

- Do të ishte gjithashtu e udhës që të hapen në disa vende të ndryshme zyre «kulturore» në disa vende perëndimore kurse të njëjtën kohë ato zyre të shërbejnë edhe për diplomaci me të drejtë për paisje me dokumentacionin elementar dhe atë të udhëtimit.

Në fund të takimeve të mundshme të realizuara, Kryeministri, varësisht nga agjenda e organizimit, në drekimet (darkat) politike të shpalosin qëndrimet dhe kërkesat për përkrahje të pavarësisë së Kosovës, respektivisht për ta ?matur? impulsin e qeverive rreth mendimit për pavarësinë e Kosovës. Natyrisht edhe mediat duhet të jenë element që të mund të shfrytëzohen për të dhënë impulse të forta pozitive.

Në kuadër të programit të lartshënuar ekziston mundësia që Kryeministri të bëj një turne në shtetet e Evropës dhe të tregoj interesimin e tij sa për diasporën, po aq edhe për të dhënë një lajm të mirë shteteve, se ne do të kujdesemi për njerëzit e Kosovës, jo vetën brenda saj. Të japin sinjale pozitive evropiane të pozicionit kosovar se, ne i duam standardet për vete dhe jo pse i kërkon bashkësia ndërkombëtare.

Kërkesat për ndërmjetësim për takim me qeveritë aktuale të shteteve të Evropës mund të iniciohen nga strukturat e diasporës, me ndihmën e Kryeadministratorit të Kosovës por edhe me angazhimin drejtpërsëdrejti të zyrës së Kryeministrisë duke marrë kontakte me qeveritë e shteteve të Evropës dhe jashtë saj.