Deklarata e Këshillit Kombëtar Shqiptaro Amerikan (KKSHA) ledhaton Fatos Nanon

BRONX NEW YORK(NY): Ndërsa, Komisioni Qendror i Zgjedhjeve në Shqipëri, është duke shqyrtuar ankesat, Partia Demokratike, që kryeson koalicionin e forcave të djathta, po mendon për formimin e qeverisë së ardhshme. Data e fillimit nga puna të qeverisë së re, do të varet nga vendimet e KQZ-së dhe Kolegjit Zgjedhor për ankesat, thirrja që Moisiu do të bëjë për mbledhjen e parë të Kuvendit. Kështuqë normalisht Partia Demokratike dhe koalicioni i djathtë që ajo udhëhoqi në këto zgjedhje po merr urime nga e gjithë bota. Shqiptarët, brenda dhe jashtë trojeve etnike, fitoren e shkelqyer të padiskutushme të Partisë Demokratike dhe aleatvë të saj në zgjedhjet e 3 korrikut, e kanë pritur me gëzim e hare, thotë Federata Panshqiptare e Amerikës VATRA.

Vatranët, kanë thënë se "Ajo shënon një këthesë historike, që i hap Atdheut tonë të dashur përfundimisht shtegun e shumë-pritur për ndërtimin e shtetit ligjor dhe të shoqërisë demokratike, e përparimtare". Këtë e ka pranuar edhe vetë kreu i misionit të vëzhguesve ndërkombëtarë pranë OSBE-së, Jurgen Grunnet. Ai deklaroi se tashmë rezultati i zgjedhjeve të 3 korrikut, është shumë i qartë për institucionet ndërkombëtare. Nga Kosova dhe diaspora udhëheqës politikë, të varur dhe të pavarur, të majtë, të djathtë dhe të qendrës, ja kanë uruar me telegrame, deklerata dhe letra - fitoren liderit demokrat ish Presidnetit të Shqipërisë dhe Kryeministrit të ardhshëm Dr. Sali Berisha.

Edhe Komisioneri i Bashkimit Evropian për zgjerimin, Olli Rehn, ka thënë se tashmë Shqipëria, e kapërceu një nga barrierat kritike për përmbylljen e negociatave për Asociim-Stabilizimit në BE. Rehn e shprehu këtë në Berlin mbas një takimi që pati me ministrin e Jashtëm, Joshka Fisher. "Zgjedhjet duket se kanë qenë të drejta dhe të lira, duke u bazuar në raportet e vëzhguesve të organizatave të tilla, si OSBE dhe ODHIR, ka thënë ai. Mbështetur në një hapësirë ligjore dhe njëkohësisht në një nga kompetencat e tij kushtetuese, Presidenti i Republikës, Alfred Moisiu, ka lënë të kuptohet se shumë shpejt do të thërrasë mbledhjen e parë të Kuvendit. Çka do të thotë fare shqip se zgjedhjet përfunduan dhe i fitoi Partia Demokratike, që kryeson koalicionin e forcave të djathta.

Dmth. se një nga humbësit më të mëdhenj të këtyre zgjedhjeve, është vetëm Fatos Nano dhe ata që nuk duan t'a kuptojnë, ose nuk duan t'a pranojnë (njohin) këtë humbje. Fatkeqësisht, e çuditërisht, si "kërpudha pas shiut" se Fatos Nano e Partia Socialiste (ish Partia e Punës) i ka humbur zgjedhjet e 3-korrikut dhe se Partia Demokratike, që kryeson koalicionin e forcave të djathta i ka fituar zgjedhjet e 3 korrikut, me sa duket nuk u ka kuptuar dhe nuk e njeh këtë fakt, është edhe Këshilli Kombëtar Shqiptaro Amerikan (KKSHA).

Kjo organizatë, shqiptaro-amerikane që pretendon se është është një organizatë jo-përfituese dhe jo qeveritare, lëshoi krejt paprimtmas një deklaratë për zgjedhjet në Shqipëri, që të lë pa mend. KKSHA-ja, në vend të urimit për fitoren e demokracisë, zgjodhi dekleratën që ashtu siç pretendon Fatos Nano dhe Partia Socialiste, kur thotë se "Ne u bëjmë thirrje të gjitha partive politike në Shqipëri, të respektojnë ligjin dhe kushtetutën e vendit në zgjidhjen e të gjitha ankesave të dala nga këto zgjedhje", çka do të thotë se nuk e njeh rezultatin e deritanishëm dhe fitoren e Partisë Demokratike.

Këshilli Kombëtar Shqiptaro Amerikan (KKSHA), ka kopjuar në mënyrë identike dekleratën e Nanos dhe Partisë Socialiste, kur thotë se: "Përshëndet arritjet demokratike, që u shënuan gjatë procesit të zgjedhjeve parlamentare të 3 korrikut dhe vlerëson si arritje vetëm daljen masive e qytetarëve shqiptarë në votime, si një shenjë e mirë se populli shqitptar është i vendosur për një zhvillim demokratik të vendit, ku votat e qytetarëve janë faktor vendimtar i përcaktimit të subjekteve që qeverisin vendin." Ndërkaq, të çuditë fakti, që ajo dhe Fatos Nano nuk përmendin dhe nuk pranojnë se tashmë Shqipëria, e kapërceu një nga barrierat kritike për mbylljen e negociatave për Asociim-Stabilizimit në BE dhe se zgjedhjet duket se kanë qenë të drejta dhe të lira, duke u bazuar në raportet e vëzhguesve.

Dyshimet dhe alibitë, që janë hedhur deri tani në bashkësinë shqiptare në SHBA, rreth qëndrimeve dhe veprimve të kësaj oragnizate, mbushur me akuza se kjo organizatë është pro Nanos dhe Qeverisë socialiste, i betonon dhe deklerta e tyre, e cila, s'ka sesi të mos lërë shije të keqe dhe për mendimin tonë nuk i ndihmon dhe nuk e përligj aspak misionin hsitorik, që kanë organizatat dhe shoqatat shqiptaro - amerikane. Ajo bëhet agregat i socialistëve - ish komunistëve në SHBA. Dhe sado t'a justifikojë ose mos pranojë këtë fakt Këshilli Kombëtar Shqiptaro Amerikan (KKSHA), janë vetë shqiptarët e Amerikës, ata që do t'a pranojnë.