Askush nuk ka të drejtë që të kërcënojë apo kushtëzojë PD-në

(PD-ja është një parti me fizionomi dhe performanca perëndimore, ku lejohet mendimi dhe alternativa ndryshe, gjithkush nga antarët e saj mund të kritikojë apo të kërkojë dorëheqje deri tek kryetari, por asnjeriu, kushdo qoftë, nuk i lejohet që të abuzojë me këto liri duke kërcënuar apo kushtëzuar lidershipin. Nisma të tilla "trimoshe" janë provuar dhe na kanë rezultuar vetëm "Bubullima tek shkambi i Kavajës"...)

Tashmë është i njohur nga të gjithë fakti se Partia Demokratike dhe aleatët e saj në zgjedhjet e 3 Korrikut 2005 kanë fituar në mënyrë plebishitare. Realisht më 3 Korrik fituan të gjithë shqiptarët, të cilët që prej 8 vjetësh nuk e kanë merituar një fat të tillë. Në këtë fitore kanë meritën e vet të gjithë, por në mënyrë të veçantë meritojnë për t'u falënderuar tërë antarët e Komitetit të Orientimit të Politikave, të cilët me vizionet e tyre arritën t'u mnbushin mendjen shqiptarëve, që t'i japin votën kandidatëve të PD-së edhe duke kundërvotuar Fatos Nanon. Intelektualët elitarë Lulëzim Basha, Majlinda Bregu, Neritan Sejamini, Besnik Alijaj etj. etj., falë zgjuarsisë, thjeshtësisë dhe vizionaritetit të tyre arritën që të bindin votuesit e djathtë që të votojnë për PD-në dhe ata të majtët të antivotojnë PS-në e Nanos, gjë të cilën PD nuk arriti ta bëjë për 8 vite rresht. Nuk na mbetet gjë tjetër veçse t'i falenderojmë me zemër me shprehjen shkodrane: "U bafshin 100 vjeça". Patjetër që në këtë hapje të Partisë Demokratike, pati ndikimin e saj edhe gazeta "Shkodra", e cila për dy vite radhazi kërkoi me ngulm një gjë të tillë në këtë parti.

Ndonëse gazeta jonë kishte një tirazh të vogël, ndikimi i saj ishte më i fuqishëm se i atyre gazetave me 20 mijë kojpe. Jo radhë kemi marrë edhe nonsense nga ndonjë pjestarë i lidershit blu,por ne vijuam pa u frikësuar rrugën tonë, për t'i dhënë PD-së, liderit dhe lidershipit të saj një fizionomi sa më perëndimore. I kujtojmë lexuesve se askush nuk e kritikoi Blerin më ashpër gjatë fushatës së tij elektorale se sa shtypi i tij dhe miqtë e tij. Ishin këto kritika që i dhanë fitoren Blerit, sepse elektorati anglez mendoi dhe gjykoi se partia e Blerit e kishte opozitën konstruktive brenda saj. Dhe sot ne si redaksi ndjehemi të gëzuar për fitoren, pasi sadopak ndikuam që penduli i orës së elektoratit shqiptar të rrihte djathtas.

Kanë kaluar dy muaj nga dita që PD fitoi në menyrë spektakolare. Dhe sot ne ndjehemi të lënduar pasi ndonjë pjestar i lidershipit të PD-së ka nisë të kërcënojë dhe kushtëzojë stafin drejtues të kësaj partie dhe liderin. Kanë nisë ethet për karriget ministrore. Më të forta se ethet e Amokut. Po kush ka guximin t'i tregojë "muskujt" PD-së.Ajo me 3 Korrik 2005 ja preu këta muskuj edhe Fatos Nanos dhe e bëri të sikterriset vrimave e skutave si miun. Në fakt ata nuk janë shumë. Janë pak. Por kanë të gjithë një emrues të përbashkët, e mbajtën këtë parti 8 vjet në opozitë dhe po të mos ishin antarët e rinj të KOP-it edhe 800 vjet të tjera do ta mbanin.Shumica e tyre duan të bëhen ministra, paçka se në përsonin e tyre është pasaportizuar mediokrriteti prej vitesh. Nuk kanë shkollë, janë me institute dy vjeçare apo me fakultete të marra me korrespondencë, me hatëre e me lek.Dhe po t'i pyesësh të përplasin në tavolinë dy e tri diploma mjerane.

Taman si Lenka Cuko e Pali Miska, edhe ata kishin nga tre katër shkolla të larta korrespondence dhe asnjëherë nuk thanë se ishin të pa shkollë. Mendoj se koha e Palit dhe e Lenkës tashmë është tejkaluar dhe i perket repertorit të estradva e Portokallisë. Këtyre "protoganistëve" të PD-së u themi se ato diploma i kanë marrë për sevap, pasi pedagogët kanë vënë dorën në zemër dhe ua kanë firmosë provimet, por nuk ua kanë firmosë që të bëhën ministra, zëvëndësministra apo drejtore drejtorishë, por nga policë të bëhën togerë, nga kartelistë apo sekretarë të behen llogaritare e punonjës permbarimi... Po t'i vësh re me kujdes asnjeri prej tyre nuk di gjuhë të huaj tjetër perveç italishtes të cilën e zotërojnë edhe kalamajtë shqiptarë. Dhe me këtë gjuhë ata pretendojnë që të përfaqësojnë Shqiperinë në Uashington apo Strasburg. Sa turp edhe ta mendosh një gjë të tillë,pa le ta pretendosh dhe të kercënosh e të kushtëzosh. PD dhe lideri i saj Doktor Berisha nuk duhet të lejojnë dhe të pranojnë sfida të tilla mediokrrish... nëse duam të bëjmë shtet.