Muaji mars "Muaji i Librit Shqip" në Amerikë: Në Nju Jork u zhvillua promovimi i librit “Për Mëmëdhenë” të autorit Niko Kirka

Kirka: "Një Tubim i shqiptarëve të vërtet. I atyre shqiptarëve që nuk i shtrëmbëroj dot shtypja e diktaturës komuniste shqiptare"

“BRONX HOUSE” – NEW YORK: Në shumësinë e aktiviteteve të kryera gjatë këtyre 10-viteve të fundit, në bashkësinë shqiptare në SHBA-ës, pa tjetër që tërheq vëmendjen e merituar, krijimtaria e shkrimtarve, poetëve e artistëve , shqiptaro - amerikan, por edhe të ndonjë autori nga Shqipëria e Kosova. Në këtë krijimtari janë përfshirë edhe emra të njohur të letrave shqip, si nga Shqipëria, ashtu edhe nga Kosova, Presheva, Bujanovci, Medvegja, Maqedonia, Mali i Zi dhe diaspora. Për të arritur deri këtu, në atë që ndoshta edhe i patë munguar deri tash shqiptarëve të Amerikës, është dashur të kryhet një punë e madhe. Shqiptaro - amerikanët, po "pasurohen", e po bëhen "pasanik të mëdhenjë" edhe me një biblotek, me shumësinë e librave, autorëve të të gjitha gjinive.

Kështu që vet natyrëshëm mendoj se nuk është keq të vihen në dukje edhe vlerat, por jo vetëm për tri-katër autorë, por të bëhet një vlerësim sa kritik dhe sa profesional për sejcilin prej autorëve, kur flitet për jetën dhe veprimtarinë e çdo njerit prej tyre. Për të arritur dhe rritur nivelin arrtisitik, estetik dhe me standarte bashkohore. Me një shikim e me një punë të bërë me më shumë kujdes, të dilet me një nivel cilësor më të mirë. Gjithsesi, edhe kështu....!?! libri shqip në diasporë, duket se po dëshmon vlera të vërteta kombëtare. Autorët kanë fituar respektin dhe mirënjohjen ndaj gjithë bashkëatdhetarve, e lexuesve të tyre, të cilët, kanë treguar interes të madh të lexojnë libra shqip. Diaspora shqiptare në Amerikë, me këtë rast ka pësuar jo vetëm një rritje të madhe si numër, në 10-vitet e fundit, por edhe një rritje të madhe edhe në përbërjen e saj në këtë gjini.

Muaji mars "Muaji i Librit Shqip" në Amerikë

Kështuqë, pas disa përmovimeve të suksesëshme, të djelën pasdite, i erdhi rradha edhe një autori tjetër shqiptaro - amerikan, figurë e njohur kjo në komunitet. Në qëndrën më të madhe kulturore të zgjedhur prej shqiptarëve në Amerikë :" Bronx House" me pjesmarrjen e rreth 200- bashkëatdhetarve(familjarë, miq, shok, bashkëvuajtës,artistë, shkrimtar e poet) u bë përmovimi i librit “Për Mëmëdhenë”. Një vëllim prej më shumë se 400 - faqesh të publicistikës së intelektualit patriot, ish- të burgosurit politik në burgjet enveriane, zotit Niko Kirka. Përmovimin e librit "Për Mëmëdhenë" e monitorojë intelektualja Norina Fico. U mbajtën disa kumtesa dhe morën fjalën miq dhe shok të tij. Referuan, Skënder Shkupi, Pëllumb Kulla, Sali Bollati, Bardhyll Raso, Januz Kulla, Rexhep Reçi, Merita Shkupi e tjer. Ylli i muzikës shqiptare në SHBA-ës,"Superstari" Frederik Ndoci , u përkujdes për t'iu dhuruar pjesmarrësve një atmosfer sa më të gëzueshme nën tinguj e ëmbël të muzikës popullore shqiptare nga të gjitha viset. Familja shtroi një koktel, e ndërsa një vogëlushe e bija e Valbona Çomos, këndoi disa këngë të bukura shqiptare, që u shoqëruan në kor e me vallëzime nga pjesmarrësit.

Referuesi kryesorë, ish ambasadori i Shqipërsië në Ankara, z Skënder Shkupi, tha se :"Është tepër pak për të zbërthyer gamën e gjerë të problemeve e shqetësimeve të mëdha, të cilat autori jo vetëm i përjeton por i ndien thellë në shpirt. Shkrimet e tij kanë puls, kanë ritëm, kanë ndjenjë e ngjyrim të fortë emocional, të cilat pa kuptuar i transmetohen lexuesit. Qartësia, konciziteti dhe ndershmëria e autorit janë mbresëlënëse. Ato e bëjnë pa dyshim këtë libër një përmendore atdhedashurie e patriotizmi. Është një libër që i shërben Kombit dhe që duhet lexuar nga të gjithë shqiptarët që kanë qoftë edhe interesimin minimal për mbrothësinë e Mëmëdheut të tyre, që e duan Shqipërinë dhe që janë gati të japin diçka sado të vogël për përparimin e lulëzimin e saj.

Shkupi: Le t’i urojmë, me këtë rast, autorit të nderuar të vëllimit “Për Mëmëdhenë” jetë të gjatë, shëndet të plotë dhe suksese në punën e tij të palodhur në shërbim të Atdheut.

Në kumtesën e tij shkrimtari patriotë Mërgim Korça, e cila, u lexua nga Valbona Çomo, thuhej: "Shum’i dashur Niko si edhe pjesëtarët e familjes tënde të nderuar.Të dashur miq të Nikos, pjesëmarrës, Të nderuar bashkatdhetarë, zonja e zotërinj. Korça, shruan se :"Nuk kam se si ta shpreh ndryshe, veçse plotësim i vullnesës së Zotit të plotfuqishëm, që sot po u drejtohem juve, pjesëmarrësve të këtij tubimi, me rastin e paraqitjes vëllimit me shkrime, analiza si edhe krijime letrare të mikut të dashur Nikos.

E fillova kësisoji se vetëm Zoti ësht’Ai që parabolën e jetës Nikos, që 20 vjeçar të torturuar për vdekje, jo vetëm nuk e këputi që në atë riní të herëshme sikundër shumë të tjerëve, por edhe mundësoi ardhjen e ditës së sotme ku Nikua po gëzon nderimin për vëllimin me shkrime dhe analiza të tijat. E doemos përgjatë kësaj hullíje nuk kam se si të mos ndjehem edhe unë tejet i gëzuar për këtë ditë të shënuar për Nikon por, nga ana tjetër, edhe skajshmërisht i mbushur me emocione që më jepet rasti ndonëse larg fizikisht, të ndjehem në mesin tuaj tek lexohen këto radhë të mija.

Të gjitha shkrimet dhe analizat e Niko Kirkës përshkohen nga pozicionimi skajshmërisht atdhetar dhe moralist i autorit. Domosdo lind pyetja aspak retorike: cila shtysa që e ka bërë Nikon të pozicionohet kësisoji? Përgjigja shum’e natyrëshme të çon tek rrënjët e tija familjare ku atdhetári i njohur dhe tejet i nderuar Kristo Kirka ka qenë babai i Nikos. Si rrjedhojë Nikua, që me gjiun e nënës, u mëkua me normat e pastra të moralit shoqëror, me atdhedashurínë e pakompromis si edhe me besimin në Zotin. Mbi kta tre themele u rrit dhe u zhvillua Niko Kirka që sot na paraqitet me këtë vëllim tejet dinjitoz ku vetë titulli ia paraqit lexuesit kredon e autorit: "Për Mëmëdhénë"!, shkruan shkrimtari patriot Mërgim Korça.

Kirka: "Një Tubim i shqiptarëve të vërtet. I atyre shqiptarëve që nuk i shtrëmëbroj dotë shtypja e diktaturës komuniste shqiptare".

Vlersimi që i bëri librit të Kirkës, "Për Mëmëdhénë", z. Rexhep Reçi , është një vepër që klasifikohet e karakterit poliitik dhe kombëtar. Vepër ku shprehet niveli i kulturës dhe erudicionit të autorit në shumë plane: historik, politik, filozofik, social dhe publicistik. Duke parë se komunizimi nuk u rrëzua përfundimisht, tha Reçi, dhe si ai ndryshoi vetëm ngjyrën dhe taktikën e tij, autori ngrihet me forcën e fjalës që të dënohej jo vetëm krimi por edhe kriminelët, sepse në se pati një Nuremberg për 5- milion hebrenjë, at'here përse nuk duhet të ketë një Nuremberg tjetër për miliona të tjera viktimat në botë, viktima të komunizmit, pjesë e të secilës janë dhe viktimat shqiptare," tha ai.

Në fund i'u dha fjala edhe autorit të librit "Për Mëmëdhenë" ish të burgosurit politik zotit Niko Kirika, i cili pos faleminderimeve, tha se :"Ashtu dhe siç po e lexoni libri ka një përmbëledhje shkrimesh mbas periudhës së viti 1991. D.m.th kur unë i kisha kaluar të 64- vjetët. Dhe të marrësh "hov" të shkruash në pleqëri, tha ai është shumë e vështirë, sidomos kur të kanë torturuar gjithë jetën - dhe në dorë ke mbajtur vetëm kazmën e lopatën.

Kirka, i cili kohet e fundit ka kaluar edhe një ndëryrje kirurgjikale, u shpreh se: "Të gjithë shkrimet, janë shkruar me ndjenjë dhe me "afshin" e zemërës. Të frymëzuar, nga ndjenja e atdhetarizmit. Por kamë pasur edhe një qëllim atë që shumë njërëzve u pëlqen që në këtë katrahuren e madhe që ka pllakosur vendin tonë, midis disa zërave të tjer, të dilte edhe zëri imë. Për të thënë me zë të lart, disa të vërteta dhe për të mos pas frikë për t'i thënë.

Sepse, fatkeqësisht në Shqipëri vërehet një dukuri shumë e dhimbëshme. Ndonëse ka një farë lirie dhe ska më diktaturë , porse njërëzit ende nuk kanë kurajon e duhur të thonë të vërtetat sepse sot i preken interesat. Dhe për hir të tyre megjithëse i shohin shumë gjëra, ata nuk i thonë. Për këtë jamë nisur se kam bindjen që ne shqiptarët kemi nevojë të ndryshojm rrënjësisht parimet filozofike të botëkuptimit dhe mëndësisë sonë.

Kirka, iu lutë në fund medias që këtë tubim t'a titullojë :"Një Tubim i shqiptarëve të vërtet. I atyre shqiptarëve që nuk i shtrëmëbroj dotë shtypja e diktaturës komuniste shqiptare". Për mendimin e tij kështu e cilësuan pjesmarrësit e këtij përmovimi të librit"Për Mëmëdhen", në tubimin e tyre, në Bronx House - Nju Jork.