Piktori nga Kumanova – Bashkim Qerimi hap ekspozitë personale në Nju Jork

"Është vështirë të mbijetosh dhe të jesh artist në këtë kohë, apo të merresh me krijimtari artistike me vlerë, pasiqë duhet t'i kemi parasysh rrethanat në të cilat jetojmë"
- Grafist & Piktor - Bashkim Qerimi

Midtown New York: Këtë javë metropoli i botës Nju Jorku, u njohë ekspozitën personale të piktorit shqiptar, nga Maqedonia- Kumanova, Bashkim Qerimi. Ekspozita me 21 piktura u hapë në 24 prill në Neë York, në Qendren Kulturore të Maqedonisë në SHBA (Gallery MC - 549 West 52nd St, 8Th Floor - New York NY 10019). Prania e personaliteteve të njohura të aritit e kulturës në komunitet, dhe artëdashësve amerikan, e bëri shumë interesante këtë mbrëmje kulturore. Ekspozita, është e pasuaruar me punimet e tija që shfaqin motive kombëtare dhe humane, të vleresuara nga artist të mirënjohur kombëtar, e ndërkombëtar. Ekspozita, do te jetë e hapur për dy javë.

Kjo është ekspozita e tij e peste personale që prezanton para nesh, dhe që na ofron një shikim vizuel për së afërmi, me një opus të krijimeve prej 21 veprave pikturale – vaj në pëlhurë, të formatit të madh dhe atij të mesëm. Në këtë ekspozitë veçorja ka dy cikle; e para “Vallja në agun e thyer“ dhe “Gjurmët“ si dhe punime nga cikli i fundit “Cosmic Kiss”. Bashkim Qerimi me pervojën e tij kompozicionale të grafikës kalon në mjeshtrinë e pikturës duke gërshetuar planin e parë me prapavi dhe duke e harmonizuar atë. Bashkim Qerimi ka një shprehje individuale të botës së imagjinuar në lëvizje konkrete siç është në tablot ; “ Porta“ , "Sinfonia“ , “Gjeneza“ , “Balerina“ etj. Ky artist nuk knaqet me kaq por kërkon forma të reja , e që premton një subjekt krijues ku mund të presim befasi në artet pamore. Bashkim Qerimi sot vazhdon studimet pasuniversitare në Fakultetin e Arteve në Prishtinë i dëshirojmë suksese në perspektivë, dhe më këtë e shpallim ekspozitën të hapur.

Bashkimi, i tha gazetës METROPOL, nga Tirana, se: "Është vështirë të mbijetosh dhe të jesh artist në këtë kohë, apo të merresh me krijimtari artistike me vlerë, pasiqë duhet t'i kemi parasysh rrethanat në të cilat jetojmë. Por e rëndësishme është ajo se unë jetoj në orbitën e artit të mirëfilltë, ku vlerat japin ndjenjën e triumfalizimit dhe të mbijetesës. Nuk dëshiroj të flas për anën tjetër të realitetit tonë, pasiqë duhet shumë [ështje dhe antagonizma për ti trajtuar dhe shtjelluar. Andaj pa keqkuptime, [do njeri jeton botën e tij, dhe në këtë aspekt edhe unë jam pjesë e këtij realiteti, mirëpo që veproj në botën e krijimtarisë artistike. Në këtë drejtim, ka edhe nga ata njerëz që dijnë të vlerësojnë të bukurën dhe ate që është artistike.

Çka mendoni për zhvillimin dhe “mbijetesën” e artit figurativ këtu tek ne ?

Dhjetëvjeçarin e fundit vërehen lëvizje në aspekt pozitiv, duke patur parasysh hapjen e disa rrugëve për promovimin e artit shqiptar në Maqedoni. Në këtë drejtim kam parasysh daljen në skenë të artistëve të rinj, të cilët dita ditës po dëshmojnë dhe po pasurojnë hapsirën e artit shqiptarë. Kështu kemi artist të rinj që kanë diplomuar në tre universitetet shqiptare në Ballkan dhe në disa universitete të tjera të jashtme. Një ndër problemet kryesore është mungesa e krijimit të formave të bashkëpunimit mes nesh, sepse ne kemi vepruar në mënyrë të paorganizuar nga një qendër apo institucion.

Por ajo që vlen të theksohet se kohëve të fundit ka filluar një mbështetje e pakontestueshme nga ana e institucioneve kulturore që janë nën ombrellën e shtetit. Në këtë drejtim kisha veçuar drejtuesit shqiptarë në Ministrinë e Kulturës, të cilët kanë shprehur gatishmëri për të mbështetur dhe motivuar krijimtarinë tonë, e cila vazhdimisht ka qenë e anashkaluar. Besoj se me përfaqësimin e arstitëve shqiptarë në institucionet e artit të mbikqyrura nga shteti, shumë shpejt do të pasoj në revolucion i jashtëzakonshëm i zhvillimit të vlerave tona artistike. Sepse vetëm kjo mbështetje mund të siguroj një promovim të artit të mirëfilltë, kam parasysh artin figurativ.

Po, Çfarë punoni momentalisht në krijimtarinë tuaj artistike ?

Unë si çdoherë vazhdoj të jem i mbyllur në atelien time, duke krijuar dhe materializuar idetë e mija në tablo. Tani për tani jam në përmbyllje të ciklit të pikturave “Gjurmët” vaj në pëlhurë. Në këtë cikël kam realizuar mbi 30 piktura të formateve të ndryshme. Pikturat e mija janë kryesisht të formave të mëdha dhe të mesme. Në brendinë e tyre shtjellohen etapat e zhvillimit të njerëzimit, sakrificës së kësaj bote dhe kryesisht realiteti ynë. Ata shpalosin një shprehje individuale të botës së imagjinuar në lëvizje konkrete siç janë tablot; "Porta", "Sinfonia", “Gjeneza", “Balerina" etj. Prap se prap, unë nuk kënaqem me kaq, por vazhdimisht kërkojë forma të reja që premtojnë një subjekt krijues ku mund të them se do të paraqesin befasi në artet pamore.

Bashkim Qerimi është nga Kumanova. Studimet i ka mbaruar në Fakultetin e Artit figurativ - dega grafike në Universitetin e Prishtinës, në klasën e prof. Fatmir Krypes më 1993 jeton dhe vepron në Kumanovë.
Prej vitit 1995 është aktiv nëpër ekspozita kolektive në Maqedoni dhe më gjerë, si dhe kam pasur disa ekspozita personale poashtu jam pjesmarës në shumë koloni internacionale që mbahen në Maqedoni.

Diçka mbi krijimtarinë e tij
Pas diplomimit mirem profesionalisht me art, më sakt me grafikë dhe pikturë.

Ekspozitat Personale:
1995 - ekspozita e grafikave dhe vizatimëve - shtëpija e kulturës Kumanovë.
2001 - ekspozita me piktura Qendra informatve kulturore - Shkup.
2002 - ekspozita me piktura "piktura - vaj në pëlhure" - galeria qafa - Prishtinë.

Kolonitë:
1999 kolonia internacionale në Mavrovë
2000 kolonija internacionale Kërçovë
2000 puntoria grafike në tekniken e monotipisë - Shkup
2002 karavani artistik: "Arti mundet"
2002 kolonija internacionale artistike - Ohër
2002 kolonija artistike - Dibër

EKSPOZITAT KOLEKTIVE:
1995 - 2002 ekspozita e artistëve figurativ të Kumanovës
2000 - Shkup / qendra informative kulturore
2001 - Shkup / ekspozita e grafistëve të Maqedonisë
2002 - Shkup / ekspozita e artistëve shqiptar të Kumanovës.

Mbresa... nga ata që e kanë vlersuar piktorin Bashkim Qerimi

Në fillim të krijimtarise nuk është përherë e rëndesishme të realizosh, disa herë është ndoshta më efektive të kërkosh, më sakt, të dish të kërkosh, sepse kush orientohet mirë në rrugën e kërkimi, ka mandej realizime të vazhdueshme që lindin një subjekt krijues, një individualitet prej të cilit mund të presim befasi tronditëse. Sic thoshte Pablo Picasso: Unë kërkoj unë gjej. Në punimet e krijuesit të ri Bashkim Qerimi mund të gjeni menjëherë jo vetëm kërkim, por diçka më shumë: shpirtin kerkues. Dhe kjo s'është pak. Duke gjurmuar gjënezën është e pamundur të mos dyndesh në perfytirimet. Dhe a mund të ketë nje artist pa imagjinate?! Por imagjinata s'mund të lind kursesi pa kerkimin individual. Flatrat e imagjinatës Bashkim Qerimi ende ne menyren e vet.

Me një guxim rebelues që e bën të largohet nga imitimet, rutinat dhe shtampat e konsumuara. Më mirë një vetvete që shtegton nëpër gjurme të sapocelura se një ecje nëpër gjurmet e gjithe të tjereve. Shtegu që çelet vetë të çon tek individualitet. Ecja nëpër rrugët tepër të rrahura në art të çon vetëm të përsëritja. Ketë artisti nuk mund ta pranoj. Prandaj edhe Bashkim Qerimi kërkon dhe guxon, shfrytzon përvojat e të tjerëve, por s`bëhet rob i tyrese e ndjen dhe e din cili është fati dhe vendi i robit, qoftë në jete, qoftë në art. E kjo nuk është pak kur flasim për fillimin e një krijuesi.