Imz. Rrok Mirdita, Arqipeshkev Metropolitan i Tiranës dhe Durrësit dha në Nju Jork, Sakramentin e krezmimit (Perforcimit) të 48 kandidatëve

Mirdita, simbol i unifikimit të katolikëve të treshtetshit New York-New Jersey-Connecticut

HARTSDALE - NEW YORK: Kisha Katolike shqiptare në Amerikë "Zoja e Shkodrës" e cila ndodhet në një mjedis të bukur natyror, provincën e Harsdale - Ynokers(NY), këtë vitë ka pasur një aktivitet të dendur fetar e shoqëror. Kjo kishë më 22 janar ka bërë një darkë për ngritje fondesh për kishën e Shën Makut në Shtoj të Ulqinit, e cila është në ndërtimin e sipër dhe shpresohet të shugurohet më 5 gusht, të këtij viti. Kisha mblodhi për këtë qëllim $160.000. - Më 23 janar 2006, një grup nga kisha ka marrë pjesë në Marshimin për Jetën (March for Life) në Washington D.C., me pjesemarrje të qindra mijërave besmitarve nga e gjithë Amerika. - Më 26 shkurt, po të këtij viti u perkujtua 40-vjetori i themelimit të revistës fetaro-kulturore "Jeta Katolike", e themeluar nga i ndjeri Mons. Zef Oroshi, i cili është edhe themeluesi i kishës së parë katolike shqiptare në SHBA. Dhe, para dy javësh, d.m.th më 7 maj, 50 fëmijë kanë marrë Kungimin e Parë.

Dom Pjeter Popaj prezanton kandidatet per krezmin

Ardhja e Imz. Rrok Mirdita ngjarje e veçantë për kishën e besimtarët
Ditën e djelë në mesdrekë, në Kishën katolike shqiptare në Amerikë "Zoja e Shkodrës" në Harstdale - New York, u zhvillua një aktivitet i rëndësishëm fetar. Aktivitet, në cilin mori pjesë edhe i përndershmi Imz. Rrok Mirdita, Arqipeshkev Metropolitan i Tiranë - Durrës. I përndershmi Imz. Rrok Mirdita dha Sakramentin e krezmimit (perforcimit) 48 kandidatëve. Në ceremoninë e rastit bashjkëmeshuan, me Imz. Mirditën, famullitari Dom Pjetër Popaj, zv/Famullitari Nikolin Pergjini dhe sekretari personal i Imz. Mirditës Dom Marjan Paloka. Ishin present rreth 450 vetë, besimtarë e besimtare. Çdokush i pagëzuar katolik ka me borxh të krezmohet, ashtu edhe këta të rinj, që u përgatiten për 9 muaj në katekizëm, u krezmuan të djelën.

Kandidatet qendrojne ne kembe gjate prezantimit

Sakramentin e krezmimit (perforcimit) 48 kandidatëve
Gjate meshës të orës 1:30 pas dite, ceremonia e krezmimit filloi me prezantimin e kandiatëve nga Dom Pjetër Popaj. Mandej, Imz. Mirdita, në predikimin përkatës, u foli të rinjëve për domethënien e Sakramentit të Krezmimint duke e krahasuar atë me ardhjen e Shpirtit Shënjt mbi apostuj. Për ata që nuk janë të njohur me Kishën Katolike, ajo përcakton shtatë sakramente: Pagëzimi (përmes të cilit bëhemi të krishterë), Rrëfimi (përmes të cilit pajtohemi me Zotin duke i rrëfyer mekatet e bëra dhe duke u penduar për to), Kungimi (përmes të cilit marrim shujten shpirtërore, duke u ushqyer, në formë buke, me Mishin dhe Gjakun e Krishtit), Krezmimi (përmes të cilit përforcohemi në fe), Vojimi (që jepet kur jemi duke vdekur), Urdhëri Shënjt (shugurimi meshter), Kurora e Martesës (përmes së cilës sancionohet bashkimi në kurorë). Mbas predikimit, Imz. Mirdita, duke i lyer kandidatët në ball me vajin e krezhmit dhe duke përsëritë formulën e krezmimit, "Prano vulën e dhuratës së Shpirtit Shenjt", i shpalli ata të krezmuar. Më në fund, Imz. Mirdita pozoi me çdonjerin, e të porsa krezmuar për fotografi përkuktimore, si dhe për fotografi në grup.

Kryeipeshkvi Metropolitan i Tirane-Durres, Imz. Rrok Mirdita duke dere krezmimin e nje te riut

I përndershmi Imz. Rrok Mirdita, Arqipeshkev Metropolitan i Tiranë - Durrës
Imzot Mirdita, i tha zoti Mark Shkreli gazetës sonë, ka ardhë enkas për krezmimin e fëmijve. Ky sakrament, si rregull, jepet vetëm nga ipeshkvinjt, megjithse, nga njëherë, edhe priftërinjt mund t'a bëjnë. Ai tha se, Imz. Mirditën e ka ftuar famullitari Dom Pjeter Popaj, në shenjë respekti për shërbimin e tij 20-vjeçarë në këtë famulli, që nga viti 1973 deri më 1993, kur Papa Gjon Pali II e ka emëruar arqipeshkev të arqipeshkvisë Durrës - Tiranë. Ai, me kënaqësi, e pranojë këtë ftesë, dhe çdo vjet vjen enkas për këtë.

Burime nga kisha thanë se: 'Të premten Mirdita, udhëton për në Itali ku, të dielën më 28 maj do të celebrojë një meshë në kishën Zoja e Shkodrës, në zonën Genazzano, ku gjendet afreskoja e njohur, e cila, sipas legjendës, me 1467, në mënyrë të mrekullueshme, është shkëputë nga muri i kishës së Zojës, në rrënzë kalasë së Rozafatit në Shkodër dhe, e bartur nga engjejt, ka fluturuar përtej Adriatikut dhe ka zënë vend në Genazzano, ku ishte në ndërtim një kishe e re. Dy shkodranë iu vunë mbas dhe kaluan detin - këmbë. Shumë papë, duke përfshir edhe papën shqiptar Klementin XI, e kanë vizituar ketë shenjtore në Genazzano. Kisha Katolike shqiptare në Amerikë "Zoja e Shkodrës", ka organizuar disa shtegtari në provincën e Genazzanos, dy të fundit më 2000 dhe 2003.

Ne mes Imz. Mirdita (ne mes), Dom Pjeter Popaj (ne te majten e Mirdites), Dom Nikolin Pergjini (ne te djathten e Mirdites) me te rinjte e sapo krezmuar

Rrok Mirdita, ka një histori të gjatë me Nju Jorkun
Ai ka ardhur në New York, nga arqipeshkvia e Tivarit me 1973 dhe ka shërbyer si ndihmës i Mons. Oroshit, i cili ishte administrator i Kishës "Zoja e Këshillit të Mirë" në Bronx, deri më 1986, kur Oroshi, pensionphet dhe Mirdita bëhet administrator. Menjëherë ai mori hapa për unifikimin e katolikëve të treshtetshit New York-New Jersey-Connecticut. Më 1987 u nënshkrua deklarata për unifikimin, kurse me 26 shtator 1989 u nënshkrua kontrata për blerjen e trollit ku sot gjendet kisha e bukur e Zojes së Shkodrës në Hartsdale. Dy ditë më vonë se të ndodhte kjo, arqipeshkvi i New Yorkut, kardinali O'Connor, e shpalli famulli dhe emëroi Dom Rrok MIrditën famullitar të parë. Me propozimin e Mark Shkrelit, njeri shumë i afërt me kishë, dhe përkrahjen e këshillit, kisha u emerua Zoja e Shkodrës. Punët filluan me zell, por Mirdita, nuk arriti t'i futë themelet kishës së re sepse Papa Gjon Pali II, në dhejtor 1992, e emëroi arqipeshkev të Durrës-Tiranës, gjë që e detyroi shpërnguljen e tij nga New Yorku.