Akademia Shqiptare-Amerikane e Shkencave dhe Arteve zhvilloi në Nju Jork, “Mbrëmje Jubile”, me gazetarë, shkrimtarë, artistë dhe studiues

Kodra: Media shqiptare në Amerikë, është sot në një bum, që zor se ia gjen statistikën e saktë. Thuajse, kudo, ku janë të pranishëm shqiptarët do të gjesh një media të shkruar, dëgjimore apo vizive

WALL STREET - NEW YORK: Akademia Shqiptare Amerikane - Shkencave dhe Arteve, në atmosferën e vitit jubilar të njerëzve të shquar të letrave shqipe, organizojë të shtunën në mbrëmje, në lokalin "Fino", pronë e bizesmenit të suksesshëm shqiptaro - amerikan Palok Vulaj, një takim që ata e qujatën; “Mbrëmje Jubile”, me gazetarë, shkrimtarë, artistë dhe studiues. Megjithëse, në fokus të mbrëmjes ishin gazetarët e medias shqiptare në Amerikë, organizatori i kësaj mbrëmje nuk la pa përmendur, e bërë pasqyrimin e jetës dhe veprimtarive të komunitetit shqiptar në ShBA--ës. Si dhe u dha përparësi disa ngjarjeve e datave të rëndësishme me karakter kombëtar, e ndërkombëtar të këtij viti siç është edhe pavarësia e Kosovës.

Në këtë veprimtari, e cila ishte e konceptuar si një takim i bukur miqsh, ishin të ftuar personalitete shqiptare me aktivitet e veprimtari të njohur në SHBA-ës. Himnet kombëtare të SHBA-ës dhe R.Shqipërisë, ekzekutuar dhe kënduar nga këngëtarja e njohur dhe mjaft popullore Merita Halili, shoqëruar nga mjeshtri i fisarmonikës, muzikani Raif Hyseni, shënuan fillimin e “Mbrëmjes Jubile”.

Morën pjesë akademikë, profesorë, studiues, njerëz të njohur të Artit dhe të Kulturës, shkrimtarë, poetë dhe artistë. Ishin të pranishëm kryetari i Akademisë së Shkencave Shqiptaro Amerikane, Prof. Dr. Skënder Kodra(PhD), sekretari Dr. Namik Shehu, nëkryetari Prof. dr. Agron Fico, shkrimtari dhe publicisti i njohur Naum Prifti, n/kryetari i Shoqatës së Shkrimtarëve Shqiptaro Amerikanë , poeti Mëhill Velaj, pedagogu Qemal Zylo, këngëtarja popullore Merita Halili e muzikani Raif Hyseni, skenografi e piktori Astrit Tota, kryetari i këshillit botues "Libri", z. Gani Perolli, studuesi Agim Boba, poetja dhe publicistja Iliriana Sulkuqi; skenografi, regjisori, aktori, Xhevat Limani, poetja Kozeta Zylo, poetja dhe shkrimtarja Albana Mëlyshi, kryetari i shoqatës atdhetare"Dibrane" z. Xheladin Pjeça, z. Valbona Çomo, piktori e skulptori Nexhat Ymeraj, artisti i mirënjohur Luan Bexheti, z Aida Bode, z. Zef Uka, biznesmeni i suksesshëm Palok Vulaj, pronari i restoratit "Fino", poeti Edmond Ismailati, gazetari Besnik Pecanji, z. Shaban A. Gashi, poetja dhe publicistja Merita Bajraktari McCormack ,etj..

Fjala e hapjes në "Mbrëmje Jubile", kushtuar njerëzve të letrave shqipe, u mbajt nga kryetari i Akademisë së Shkencave Shqiptaro Amerikane, Prof. dr. Skënder Kodra

Dr. Kodra u tha të pranishmëve në këtë fjalë, se :"Eshtë një kënaqësi e veçantë të kesh në qendër të vemendjes së kësaj mbrëmbjeje, njerëzit e medias dhe të ndash me ta gëzimin dhe përpjekjet e panumërta, në shërbim të komunitetit shqiptar në Shtetet e Bashkuara të Amerikës dhe më gjerë.Përkushtimi i tyre pasionant dhe profesionalizmi në kryerjen e këtij misioni fisnik, u ka dhënë atyre të drejtën të jenë në elitën e inteligjencës shqiptare në mërgim dhe, pa dyshim, ndër njerëzit më të respektuar. Ata janë të pranishëm nëpërmjet faqeve të gazetave, revistave, ekraneve televizive dhe radiove.

Gazetarët tanë të sotëm kanë ecur në gjurmët më të mira të traditës së gazetarisë shqiptare në Amerikë, e cila, ka afro një shekull, që është paraqitur denjësisht në këtë Perëndim të largët, ku mund të themi se është edhe Lindja e Lirisë. Le të kujtojmë vetëm disa nga gazetat e revistat që në ditët tona festojnë dekadat e tyre: "Dielli", "Përparimi", "Trumpeta e Krujës", "Shqiptari i Lirisë", "Jeta katolike", …etj..

Përmendim me mall dhe përulje disa nga ata që i krijuan dhe i mbajtën gjallë me frymën dhe pendën e tyre të artë, me shpirtin e tyre mëmëdhetar. Pra nderime për Fishtën, Konicën, Nolin, Arshi Pipën, Kristo Floqi, Spiro Dino, etj., të cilët magjinë e penës së tyre, e trashëguan në të tjera pena të ndezura si Peter Prifti, Nexhmije Zaimi, Bilal Xhaferri, Nezhat Peshkëpia, Elpiniqi Frashëri, duke vazhduar mëtej me Harry Bajraktari,Vehbi Bajrami, Muhamet Mjeku, Mark Shkreli, Fatbardh Doçi, Hysen Mulosmani, Idriz Lamaj, Elez Biberaj, Isuf Harizaj, Sulejman Gashi, Luz Thaqi, Luljeta Andoni, etj.

Ndërsa, vijoi ai, në ditët e sotme, ne ndjejmë gjithmonë pranë, fjalën shqipe që vjen nga pena e gazetarëve dhe publicistëve shqiptarë, të cilët, jo vetëm kanë bërë emër në Atdhe, por Atdheun e bëjnë edhe këtu. Kështu: Profesori i nderuar, Zoti Sami Repishti, Naum Prifti, Pëllumb Kulla, Skifter Këlliçi, Prof.Agron Fico, Dalip Greca, Dervish Jahjaga, Andon Çefa, Beqir Sina, Ruben Avxhiu, Elmira Mujo, Adem Belliu, Mimoza Dajçi, Vasil Gjika, Betim Muço, Julia Gjika, Ramiz Gjini, Dhori Thanasi, Andon Dede, Ilir Kasneci, Kolec Traboini, Rozi Theohari, Sami Milloshi, Sami Gjoka, Albana Mëlyshi, Vjollca Mala, Mira Pershita, Mensur Spahiu, Merita Bajraktari, Rajmonda Mojsiu, Abdurrahman Thaçi, Artan Fili, Llazar Vero, Bardhyl Mezini, Iliriana Sulkuqi, Kozeta Zylo, Donika Timko, Aida Bode, e të tjerë , jo vetëm hapën shtegun e një gazetarie të brishtë e dinjitoze, por e kthyen atë në një tribunë të së vërtetës për çështjen tonë kombëtare, shembull i cili duhet vazhduar, duke u zgjeruar e thelluar në shërbim të shqiptarëve kudo qofshin ata.

Secili nga ju, të nderuar njerës të penës, është një ambasador i kulturës shqiptare këtu në Amerikë. Secili nga ju , meriton nderime e respekte nga të gjithë lexuesit e dëgjuesit. Secili, nga ju, meriton të hyjë në Librin e Artë të shkruesve të mërguar. Asnjë interes vetiak nuk ju shtyn të bëni atë që bëni ju, të rrini pa gjumë e me ankth, për të përcjellë, qoftë edhe një lajm të thjeshtë për ç'ka ndodh në Diasporë. Por, të gjithë e dimë, se artin, shpirtin, nuk ka para që e paguan. Ai mund të shpërblehet vetëm me një monedhë: - Kujtesë, Nderim.

Media shqiptare në Amerikë është sot në një bum, që zor se ia gjen statistikën e saktë. Thuajse, kudo, ku janë të pranishëm shqiptarët do të gjesh një media të shkruar, dëgjimore apo vizive dhe, në shumë raste, njerëzit që i kanë hapur ato, nuk kanë patur të bëjnë fare me gazetarinë. Vullnetarisht e kanë marrë këtë mision për të pasqyruar jetën dhe veprimtarinë e komunitetit dhe për të mbajtur gjallë dhe pasuruar kulturën tonë kombëtare.
Përveç gazetave e revistave "Illyria", "Bota Sot", "Dielli", "Shpresa", "Pena", "Jeta Katolike", "Fotjonart", të cilat janë në gjuhën shqipe, kemi edhe mjaft radio e televizione në New York, Boston, Detroit, Michigan, Filadelfia e diku tjetër që flasin shqip…

Në këtë kuadër nuk mund të lemë pa përmendur faqet e shumta të shoqatave apo individëve të ndryshëm, të cilët, po ashtu, kontribuojnë dhe kanë lexuesit e shikuesit e tyre që i ndjekin.Natyrisht, ky është një hop domethënës dhe një dëshirë e mirë, për të cilën duhet të jemi krenarë. Por kjo ndërmarrje duhet evidentuar me kujdes dhe duhet menaxhuar me sukses.

Pa ndërhyrë apo ndërprerë iniciativën e secilit individ ose grup, mendojmë se ka ardhur koha për një krijim të një forumi mediatik, me pjesëmarrje të njerëzve të medias, nga të gjitha qytetet, ku sot ajo vepron. Jo vetëm të diskutohen e zgjidhen çeshtje të profesionit, por të bashkërendohen veprimet e bashkëpunimi,deri në probleme finaciare( reklamë e ndihmë në shkëmbime informacioni e mbijetese)..... Të nderuar miq të pranishëm në këtë "Mbrëmje Jubile", ku - E PARA DO TE JETE FJALA! Në emër të Akademisë Shqiptare - Amerikane të Shkencave dhe Arteve, ju uroj shëndet e mbarësi, projekte dhe realizime ambicioze, në emër të emrit tuaj dhe të Kombit!, përfundojë fjalën e tij Prof. dr. Skënder Kodra.

Iliriana Sulkuqi, moderatore e kësaj mbrëmje, tha, se kjo, është një mbrëmje miqsh, një mbrëmje që na mbledh dhe na bën t'a respektojmë edhe më shumë njeri tjetrin, punën dhe aktivitetin e çdonjerit prej nesh. Profesoresha e Globe Institute, poetja Kozeta Zylo, pasi vlersoi këtë takim, tha se kjo u dedikohet të gjithë atyre gazetarëve shqiptarë në Amerikë, që ditën të bëjnë lajmin, edhe at'here kur ishte i vështirë për t'u krijuar. Ata u gjenden në krye të çdo aktiviteti me karakter kombëtar, pa marrë parasysh koston dhe vështërsitë të cilat, u përballua gjatë kësaj kohe. Nënë Tereza ikona e kombit tonë, ka thënë për gazetarët: “…është më lehtë të "lash" një të sëmurë me lebrozë, sesa të bësh një lajm". Ndaj shfrytëzoj rastin të faleminderoj kolegët tanë, të gazetës Illyria dhe Bota Sot, e Albanian Culturë.

Xhevat Limani, ishte pak kritik ndaj atyre që munguan në këtë takim… Duke nderuar institucionin e duke nderuar veten, nderojmë edhe kombin tonë indetitetin tonë. Sa më të mëdhenj të jemi, aq më shumë madhështi tek altari i atdheut do të shpiem. Me poezinë "Bagëti e Bujqësi" tha Limani duke e recituar atë, dëshiroj t'ju sjell pakëz mall atdheu edhe këtu përtej oqeanit.

Kryetari i degës së Michiganit, Zef Uka, i ardhur posaqërisht nga ky shtet për këtë mbrëmje, pranoj të marrë "Çertifikatën e Mirënjohjes" drejtuar një poeti, i cili, sapo kishte hedhur hapat e para, por që vdekja e pamëshirëshme, ia ndërperu jetën. Ai, është Fotjon Thanasi, nga Michigani, i renditur në top listën e studentëve më të mirë të rreth 205 universiteteve në USA. Këto arritje e pranuan atë anëtar të “Thë National Society of Collegiate Scholars” (Shoqata Kombëtare e Universitarëve Pishtarë) me qendër në Washington, D.C. Dhe atij i ishte dhënë nderi e mundësia që të njihej për rezultatet e tija të larta në mësime, eksperiencën e shkëlqyer në përvetësimin e lëndëve mësimore, në degën e vështirë të Inxhinierisë teknologjike. Veç asaj që i ndjeri ishte një student i shkëlqyer, me një të ardhme të shkëlqyer përpara. Gjithashtu Fotjon Thanasi ishte edhe një artist, i cilësuar dhe vlerësuar nga shoqata e poetëve amerikanë, tha z. Aida Bode, e cila më pas lexoi për nder të tij një poezi të shkruar nga Fotjoni: "It's Okay", poezi e cila është e përfshirë në Antologjinë poetike me krijimet e sotme më të mira nga gjithë bota.

Poeti, Mëhill Velaj, n/kryetar i Shoqatës së Shkrimtarëve Shqiptaro - Amerikanë, mendon, se është shumë e vështirë dhe është shumë pak të flasësh për median shqiptare në Amerikë. Është, pikërishtë ajo që shumë pak e ka njohur pushimin. Ajo ka qënë e kudo ndodhur, në shi e të ftohtë, në çdo festë e promovim, në gazmende dhe hidhërime. Kudo ku janë shqiptarët, atje janë edhe gazetarët tanë."

Njëra prej pjesëmarreseve, aktiviste e shquar në lidhjet virtuale, me një krijimtari letrare dhe publicistikë të pasur-Merita Bajraktari McCormack, përcjell tek organizatori i kësaj mbrëmje faleminderimet më të sinqerta. Natyrisht, tha ajo që është paksa emocionale të marrësh një dhuratë të tillë dhe të gjesh fjalë. Dhe me të vërtetë kjo ka diçka brenda saj, që unë jamë ftuar e jamë nderuar sot. Më vjen mirë që ai kuntribut, i cili, unë kam dhënë dhe ka dalë thell nga shpirti, sot, nga ju është vlerësuar. Pra është ky është një motiv i cili më nxit të punoj edhe më shumë."