Revista “Jeta Katolike” në New York
tashmë me ngjyra pranë lexuesve bashkëatdhetarë

-- nga Klajd Kapinova, New York

Doli në qarkullim, për lexuesit bashkatdhetarë në Amerikë #2 i revistës “Jeta Katolike”, që botohet nën kujdesin e Kishës Katolike “Zoja e Shkodrës” në New York. Revista, ruan shembullin e traditës më të mirë në fushën e publicistikës shqiptare, duke pasur si fill orientues trinomin Atme-Fe-Përparim. Pranë saj, kanë bashkëpunuar qysh herët pendat e tilla, si: Prof. Ernet Koliqi, Prof. Martin Camaj, Prof. Rexhep Krasniqi, Prof. Zef Neka, Ing. Xhafer Deva, Prof. Luan Gashi, Prof. Karl Gurakuqi, Prof. At Vinçenc Malaj O.F.M, At Prof. Giuseppe Valentini O.F.M, Prof. Zef Neka, etj. etj.

Buletini, si i përmuajshwm, është themeluar në vitin 1966 nga i ndjeri Imzot Dr. Zef Oroshi (1913-1989) në bashkëpunim me françeskanin At Prof. Dr. Andrea Nargaj (1911-1999).
Në fillim të vitit 2006, revista, filloi të dalë me ngjyra, e nga numëri në numër po përfshihen rubrika të reja, për të qenë më pranë komunitetit shqiptar në Amerikë.
#2 (viti42), në përmbajtjen e saj ka shkrimin redaksional me titull: “Rrëshajët” (f.3) me autor të përndershmin Don Pjetër Popaj, famullitar i Kishës Katolike “Zoja e Shkodrës” në Hartsdale New York. Gazetari veteran i komunitetit dhe ish-Kryetar i Këshillit të Kishës Mr. Tonin Mirakaj, paraqitet me shkrimin: “Imzot Rrok Mirdita, Arqipeshëv Metropolitan Tiranë-Durrës, dekorohet me Urdhërin “Nënë Tereza” (f.6).

Gazetari i palodhur e me përvojë Beqir Sina, përmes një shkrimi reportazh, me fotove shumë të bukura, i bën jehonë Festivalit të Ditës së Trashigimisë Shqiptare, organizuar nga Qendra Kulturore “Nënë Tereza” pranë Kishës “Zoja e Shkodrës”. Java e madhe, mban titullin fotoreportazhi tjetër me ngjyra në faqet 10-11. “Vjedhja” (f.12-14), ky ves i shëmtuar brenda komunitetit njerëzor, është konsideruar nga Testamenti i Vjetër, një mëkat serioz. Janë këto fjalët e para të shkrimit filozofiko-teologjike të sjellë në revistë nga Don Nikolin Përgjini, ndihmësfamullitar në Kishën shqiptare në Hartsdale (N.Y.). Të rinjtë Pjetër Saljanin dhe Gjovalin Dedaj, respektivisht në gjuhën angleze paraqiten me shkrimet: “You’re Not Alone” (dhe një shkrim për Prek Calin në english) (f.15) dhe “Altar Servers: The Beginning of God’s Ministry” (f.16).

Redaktori i gjuhës angleze Simon Vukël (f.17), trajton temat e preferuara shqiptare, për t’ia bërë më të njohura lexuesve amerikanë traditat e kulturën shqiptare. Historiani Gjon Frani Ivezaj, paraqitet me shkrimin “Medalja e Artë e Shqiponjës për Zef Prela Ivezaj” (f.23), ndërsa Prof. Robert C. Austin, ka dërguar posaçërisht për revistën “Jeta Katolike” studimin e tij kushtuar Gjergj Gjon Kastriotit (1405-1468) me titull: “Skenderbeg and the Albanian Nacional Identity” (f.18-19).

Revista, i ka kushtuar një vend të dukshëm artit, kulturës, recensioneve të librave të rinj, krijimeve poetike të autorëve bashkatdhetarë në Amerikë, Europë e Canada.
Në rubrikën “Sofra Poetike”, nga tradita, paraqiten me poezitë me autor: Lasgush Poradeci, Prof. Arshi Pipa, Prof. Martin Camaj, Kasem Trebeshina etj., Anton Çefa, Prof. Dr. Simon Pepa, Gjekë Marinaj, Dhimitër Pojanaku, Lekë Gjoka, Kozeta Zylo, Elinda Marku, Mhill Velaj, Don Gjergj Simoni, Gjeto Turmalaj, Gazi Buxheli etj.

Poeti i talentuar Kolec Traboini nga Bostoni, kësaj radhe është i ftuar special në faqet e revistës “Jeta Katolike”, me një cikël poetik të ri, një rubrikë e re kjo që do të vijojë edhe në të ardhmen me poetët e komunitetit në Amerikë. Vëllëzërit Profesor Peter Prifti e shkrimtari Naum Prifti, paraqiten respektivisht me shkrime interesante kushtuar Kishës Katolike Shqiptare dhe përsonaliteteve të shquara të Klerit Katolik. Kështu Prof. Peter Ptrifti, në gjuhën angleze trajton temen: “The Catholic Clergy And Albanian Leterature” (f.31-36), ndërsa shkrimtari Naum Prifi përmes një vështrimi kritik mbi vëllimin “At Giuseppe Valentini” (f.24-25), trajton figurën poliedrike të shkecëtarit albanolog dhe veprën kshtuar atij.

Revista me faqet e saj, është e hapur me të gjithë lexuesit për sugjerime, veretje dhe mendime, për jetën në komunitetin shqiptaro-amerikan. Kësaj rradhe ajo ka botuar letrat e mbërritura në redaksi, që kanë për autor: Pierre-Pandeli Simsia, Kozeta Sylo, Raimonda Moisiu, Ndue Hila, Merita Bajraktari-McCormack (f.30) etj.
Si gjithnjë, në faqet e revistës, pasqyrohen të dhënat demokrafike, pagëzimet e fëmijëve të lindur, vdekjet, kurorat e martesës dhe përkujtimore.