PSHDK me pikëllim mori lajmin për kalimin në amshim të Ipeshkvit të Kosovës Mark Sopit

PARTIA SHQIPTARE DEMOKRISTIANE E KOSOVËS
THE ALBANIAN CHRISTIAN DEMOCRATIC PARTY OF KOSOVA
ALBANISCHE CHRISTLICH-DEMOKRATISCHE PARTEI VON KOSOVA
PARTITO ALBANESE DEMOKRISTIANO DI KOSOVA
LE PARTI ALBANAIS
DEMOKRATE-CHRETIEN DE LA KOSOVA

Telegram Ngushëllimi,

Ipeshkëvisë së Kosovës,
Selisë së Shenjtë, Papa Benediktut XVI
Presidentit të Kosovës,
Familjes Sopi,
Besimtarëve Katolik

PSHDK me pikëllim mori lajmin për kalimin në amshim të Ipeshkvit të Kosovës Mark Sopit

Partia Shqiptare Demokristiane e Kosovës (PSHDK) me keqardhje e dhembje të thellë mori lajmin për kalimin në Mashim nga kjo jetë të Ipeshkvit të Kosovës Mark Sopit. Vdekjen e papritur e Imzot Mark Sopit, Partia Shqiptare demokristiane e Kosovës e ka pritur me dhembje dhe shqetësim të thellë. Është kjo një humbje e rëndë për kishën shqiptare në rimëkëmbje, kishë kjo e cila që shekuj të tërë ishte e përndjekur dhe e torturuar. Vdekja e Sopit është një goditje e rëndë për proceset e tanishme në Kosovë, ngase zëri i tij ishte zë i ndërgjegjes së thellë të shqiptarëve për liri, të drejta dhe pavarësi.

Imzot Mark Sopi mbetet kolosi i shekullit, një model i mishërimit të dashurisë së Zotit për njeriun. Në këtë mënyrë, duke u bërë njeriu i cili me kurajo, besim e dashuri jashtëzakonshme përhapi Paqen, Mirëqenien, Lirinë, të drejtat e njeriut duke thyer barrierat, çfarë do qofshin ato, dhe duke ofruar njerëzit, përmes tolerancës, dashurisë dhe bamirësisë.
Ne i detyrohemi kujtimit të përhershëm të Veprës dhe Dashurisë së Tij. I detyrohemi respektit, për përkrahjen e përhershme, që i dha Kosovës dhe komunitetit katolik.

Imzot Imzot Mark Sopi, gjatë veprimtarisë së tij baritore ka dhënë një kontribut të jashtëzakonshëm për në ndërtimin e paqes, unitetit, si vlera sublime të krishterimit. Puna dhe angazhimi i tij për harmoni nderkonfeksionale dhe shembulli i tij në këtë aspekt, do të mbetet për shekuj një model i shkëlqyeshëm. Izot Mark Sopi gjatë dhe pas luftës në Kosovë ka dhënë një kontribut te rëndësishëm, në internacionalizimi e çështjes shqiptare të Kosovës në qendrat e vendosjes dhe pastaj në ngritjen e Kosovës pas luftës, si shoqëri e lirë, demokratike dhe tolerante. Ai ishte zëdhënës i vërtet i çështjes shqiptare, dhe luftës së drejt të tyre për pavarësi dhe shtet sovran. Imzot Mark Sopi, me veprën e vet nuk ishte vetëm prijës shpirtëror i Kishës Katolike të Kosovës dhe kryetar i Ipeshkvisë së Kosovës, por vepra dhe qenia e tij shpirtërore e intelektuale gjithmonë ishte në shërbim të çështjes kombëtar, duke frymuar shqip me popullin e vet te përvuajtur shqiptar.

Në momente të dhembjes dhe pikëllimit, për gjithë Kosovën dhe gjithë shqiptaret paqedashës e në veçanti për Hierarkinë e lartë Kishtare, Ipeshkvinë e Kosovës, për Familjen Sopi shprehim ngushtimet tona të sinqerta, Ju hirësi e lart e Ipeshkevisë së Kosovës, madhëria e tije Papa Benedikti XVII, Presidenti i Kosovës Dr. Ibrahim Rugova dhe ju familje e nderuar Sopi qe humbet me të dashurin tuaj.
Në këto momente dhimbje, ne ndajmë pikëllimin bashkë me Ju.

Ndërsa Imzot Sopin e porosisim në lutjet e të gjithëve. Me bindjen se shpirti i tij do të lutet si Ati për bijtë e tij.
Katolikët e Kosovës kanë mbetur pa bariun e tyre, ndërsa populli shqiptar pa një personalitet të madhërishëm.

Kryesia e PSHDK-së
Z. Zef Morina, Kryetar

Prishtinë
11. janar 2006