Limiti i kripës për gënjeshtra!...

-- nga Bekim REXHEPI

Ndofta, 'vdekja e Rugovës' dhe 'oreksi i Thaçit', për pushtet e kanë ndihmuar këtë unitet te duket kështu, fiktivisht kaq i arritshëm dhe mbase politikisht i dukshëm.

Mendoi dhe akoma besoi se këto zgjedhje nuk prodhojnë kualitetin e domosdoshëm të zhanrit politik, madje përforcimi i keq i pozitave dhe figurave te njëjta, janë produkti më negativ i Kosovës në këto zgjedhje. Sa te neveritshme janë bërë prononcimet e lidëve aktual (garuesit në këto zgjedhje te vonshme, të pas vjeshtës, me boshllëk kripa...), në këto zgjedhje qe nuk përtojnë ti quajnë, ti cilësojnë vazhdimisht si 'zgjedhje historike për Kosovën'. A gjithmonë Kosova ka zgjedhje historike? Dhe kurrë nga këta lider, nuk mund të dëgjojmë se edhe këto zgjedhje janë jo më shumë se zgjedhje normale që mund të prodhojë sistemi demokratik. Duket ashiqare, që këta lider të Kosovës politike (sepse gjithçka këtu duket politike), e kanë te vështirë të kuptojnë normalitetin e zhvillimeve në sistemin demokratik dhe qe zhvillimet normale pahezitueshëm i quajnë, i cilësojnë si gjithçka 'historike për Kosovën'.

Në opinionin e kuptueshëm politik, kjo rropatje e kot (nën stuhinë e vjeshtës së vonë, dhe të boshllëkut t’kripës), e liderëve kosovar duket si naiviteti më i madh i tyre historik, se sa një paraqitje dinjitoze në normaliteti politik brenda sistemit. Zgjedhjet nuk do të duhej të zhvilloheshin për shumë arsye, madje më kryesorja, zgjedhjet nuk do të duhej te mbaheshin e zhvilloheshin deri pas mbarimit te afatit skadues të negociatave mes Kosovës e Serbisë. Sepse këto zgjedhje e komplikojnë funksionimin politik, në kuptimin e unitetit të brendshëm politik, që me sa mund u arrit pa agresivitet dhe shqetësime të mundshme deri në përmasa te mëdha kombëtare (ndofta, 'vdekja e Rugovës' dhe 'oreksi i Thaqit', për pushtet e kanë ndihmuar këtë unitet, te duket kështu, fiktivisht, kaq i arritshëm dhe mbase i dukshëm politikisht).

Pavarësia mbetet kaq e dashur dhe kaq e frikshme?...

Më një anë, duke e ditur dashurin e madhe që kemi për pavarësinë e Kosovës dhe në anën tjetër, hezitimin qe kemi për ti dalë zot pavarësisë. Këto të dyja (dashuria dhe hezitimi për pavarësi) askund nuk do të shkonin bashkë, po qe puna me të tjerët, por me ne shqiptaret kjo duket se është e mundur, sepse po gjejmë kalkulime e të mundshmes diku ne mes te tunelit te errtë.

Nuk e di nëse bretkosa ia ka arritur me sukses dhe kaq e sigurt tatëpjetës, dhe gjithashtu nuk e di nëse pavarësia e Kosovës është kaq e sigurt në duart e liderëve tanë, të pas vjeshtës dhe te kripës së bollshme që është shitur gjatë këtyre tetë viteve të pas luftës. Megjithëkëtë do të jemi dëshmitar të këtyre zgjedhje, qe po afrojnë nisjen drejtë kutive të votimit.

Në ekranin e mendjes sime, akoma nuk ka mbaruar komedia e zgjedhjeve manipuluese, sepse edhe këto zgjedhje, ngjashëm si në zgjedhjet e me hershme 'historike', do te jenë ata manipuluesit qe do ta sfidojnë (ngadhnyshëm dhe falshëm pa u parë) besimi dhe llogaridhënien: para te besueshmit, para ligjit. Madje po kjo komedi po kaq aversiv do të vazhdoi, të josh opinionin më naiv shqiptar me gjithë ato avazet politike bajate qe jemi mësuar ti ndjekim e ti shohin qe nga kafeneja jonë mediale, e deri tek kuluaret politike të partive tona (të partive tona të ndara pakuptimisht, dhe esencialisht të po këtyre partive, që vazhdojnë të funksionojnë, sikur te ishte një parti e vetme pa dallime te mëdha programore e ideologjike).

Tani më duket se duhet të pranojmë, se ky është limiti i kripës për gënjeshtrat e këtyre zgjedhjeve, që nga kërshëndellat e deri të fund vitit i pa sukses, që ka gjasa të mbyllet si ngushëllime i vetëm për ne shqiptaret, për mos dhënien e sinjalit nga të Mëdhenjtë, për mundësin e shpalljes së njëanshme të pavarësisë. Kështu do të na duhej të na rezultojë veprimi ynë politik: - më mirë në një hap i frikshëm që do të na shtynte me qartë drejtë pavarësisë, se sa mbetja në thikën të ngulur në durimin tonë... - Nuk është thënë kot nga te mençurit: 'Po s’bëre vet për veten tënde, mos prit të ta bëjë tjetri për ty/në'.