Në kufirin mes SHBA dhe Meksikës gjejnë vdekjen 4 shqiptarë nga Dibra e Madhe, mes tyre një grua me fëmijën 10 muajsh

-- nga Beqir SINA, Nju Jork, SHBA

Të vdekurit janë Majlinda Karameti, 30 vjeçe me të birin e saj 10 muajsh, Engjëllin si dhe Ramazan Trebishta, 22 vjeç dhe Petrit Bomova, 49 vjeç. Viktimë e aksidentit është edhe një meksikan.

MEXICO-USA: Katër nga pesë Shqiptare nga Dibra e humbën jetën në një aksident rrugor gjatë tentativës së tyre për të kaluar ilegalisht nga Meksika në Shtetet e Bashkuara të Amerikës. Aksidenti, sipas Departamentit të Mbrojtjes Publike, ka ndodhur katër ditë më parë, kur pesë dibranë bashkë me ta edhe pesë meksikanë, kanë hyrë në Teksas dhe për shkak të shpejtësisë së madhe janë përplasur tragjikisht. Dibrani i pestë është lënduar rëndë, ndërsa në mesin e dibranëve të vdekur ka edhe një grua me fëmijë. Viktimë e aksidentit është edhe një meksikan, sipas burimeve informative të agjencive të huaja. Një numër i madh i të rinjve nga Dibra, për arsye ekonomike nisen ilegalisht drejt SHBA-ve. Për këtë shërbim ata paguajnë nga 15 deri 20 000 dollarë për person. I tillë ka qenë edhe udhëtimi i dibranëve të ndjerë, të cilët gjetën vdekjen tragjikisht.

Te pesë dibranët bashkë me ta edhe pesë meksikanë, kanë hyrë në territorin e shtetit federal Teksas, dhe pasi janë diktuar nga roja kufitare për shkak të shpejtësisë së madhe, janë përplasur tragjikisht. Është lënduar bashkë me ta rëndë edhe një shqiptar tjetër, i cili gjendej me ta, dhe mo merr ndihmat mjekësore. Ndërsa në mesin e dibranëve të vdekur ka edhe një grua me fëmijë. Të vdekurit janë Majlinda Karameti 30 vjeçe me të birin e saj 10 muajsh, Engjëllin si dhe Ramazan Trebishta 22 vjeç dhe Petrit Bomova, 49 vjeç. Viktimë e aksidentit është edhe një meksikan.

Të indetifikuarit ka policia:

Gazeta Metropol, arriti të kontaktojë me zëdhësin e Departamentit të Mbrotjes Publike, në qytetin Hebbroiville, dhe të marrë prej tij raportin zyrtar të ngjarjes tragjike që mori jetën e pëse personave midis tyre edhe katër shqiptar nga Maqedonia, përkatësisht nga qyteti i Dibrës së Madhe. Raporti i dërguar prej këtij depratamenti, thekson se të pestë të vdekurit janë emigrantë nga Meksiko dhe Europa Lindore - Maqedonia. Personat të cilët gjetën vdekjen të indtetifikuar nga hetimet e policisë amerikane, janë: Luis Humberto Navajar-Cortez, 28 vjeç, Petrit Dibran Bomova, 49 vjeç, Ramazan Trebishta, 22 vjeç, Majlinda Karameti, 30 vjeçare, me djalin e saj 10 muajshë Engjjell Karameti. Pra vetëm Luis Humberto Navajar-Cortez është nga Mexico të tjerët janë nga Maqedonia.

Policia:

Zëdhënsi pohon se zyrtarisht mund të themi që një makinë e vjetër e tipit Nissan Armada me 10 persona në postin e pasagjerve mbasi ka hyrë në territorin e Shteteve të Bashkuara të Amerikës, në rrugë - pa rrugë në një hapsirë të shkretë, u diktua nga autoritetet e rojas kufitare amerikane. Trupat e komanduara të rojas kuftitare"U.S. Customs and Border Protection ", rreth 4:30 pasdite u vunë në ndjekje të automjetit, të cilin siç e mësuam pas ngjarjes e drejtonte Francisco Lemus-Gonzalez, nga qyteti Livingston - Teksas. Ky drejtues automjeti ka përshkruar duke iu shmanguar patrullës së rojave së kufirit deri sa ka arritur në kryqëzimin mes dy magjistraleve "State Highway 16" dhe asaj "State Highway 359".

Aty duket se drejtuesi i automjetit ka humbur kontrollin dhe e ka përplasur fuqishëm automjetin pas një shtylle betoni e cila mbante një rreklamë komercile anës saj. Drejtuesi i automjetit Francisco Lemus-Gonzalez u gjend i gjallë në gjendje kritike, me fraktura të brëndshme dhe thyerje të kocakve të kokës. Ai u dërgua menjëherë në spitalin më të afërt në Christus Spohn Hospital Memorial, ku edhe po merr përkujdesjen intensive të mjekëve për t'i shpëtuar jetën. Të dëmtuar janë edhe Juan Miguel Ruiz, 22 vjeç, nga Meksiko; Gabriela Pineda, 28 vjeçe nga Meksiko, Sokol Pekmezi 18 vjeç, nga Shqipëria dhe Luis Angel Olvera-Galvan, 20 vjeç po nga Meksiko.

Rreth viktimave:

Për t'i bërë të gjitha shërbesat mortore, sipas ritit të cilit viktimat i përkasin është zgjedhur edhe "Albanian Islamic Cultural Center " në 307 Victory Blvd. Staten Island, New York, Tel: (718) 816-9865. Mbasi këtu në New York, ku jetojn edhe familjet e tyre ishte dhe qëllimi i viktimave të vendoseshin.
Majlinda Karameti, 30 vjeçare, me djalin e saj 10 muajsh, Engjell Karameti do të varroset në Staten Island, pasiqë edhe burri i saj dhe vjerri i saj janë banorë të këtij qyteti. Burri i saj priste të takohej me gruan e tij dhe djalin që nuk i kishte parë fare prej kur ishte larguar nga Dibra e Madhe para 10 muajve. Ramazan Trebishta, 22 vjeç, ishte nisur që të bashkohej me nënën dhe babanë të cilët kishin ardhur këtu si vizitorë, dhe u kthyen mbrëmë menjëherë në qytetin e tyre në Dibër të Madhe sapo mësuan vdekjen e djalit, dhe presin të bëjnë varrimin e tij atje. Petrit Dibran Bomova, 49 vjeç, ka këtu dy vëllezër dhe thuhet se edhe ai do të dërgohet në Dibër të Madhe ose do të varroset këtu. Arkivolat me kufomat pritet të nisen nga New Yorku për në Dibër të Madhe ditën e diel. Familjarë të shumtë dhe bashkëqytetarë dibranë kanë shprehur ngushëllime familjeve të viktimave dhe po shoqërojnë shërbesën mortore.

Burime jo zyrtare nga forumet elektronike në internet se së bashku me viktimat mendohet se kanë qënë edhe në grup me meksikan, guatemalas, afrikan, kinez e tjerë, duke tentuar për të hyrë këtu nëpërmjet rrugeve ilegale të trafiqeve të qenijeve të gjalla, të cilat, komandohen nga grupe gangsterësh meksikanë. Për shqiptarët ka edhe sekser shqiptarë, të cilët shoqërojnë dhe sjellin "gjahun" shqiptar nga Shqipëria, Kosova, Maqedonia, Mali i Zi, e Kosova Lindore, për Mafien meksikane. Ata thonë se ka raste kur të cilat kanë ndodhur në kufirin mes meksikës dhe SHBA-së, ku arsyeja e vdekjes ka qënë se emigratët para vdekjes edhe mund të jenë grabitur dhe më pas të jenë vrarë teksa, janë gjetur të vrarë në kufirin midis dy shteteve.