Presidenti i Kosovës Fatmir Sejdiu u takua me degën e LDK-së, për Nju Jork e rrethe, dhe me disa anëtarë të Këshillit Kombëtar Shqiptaro - Amerikan

-- nga Beqir SINA, Nju Jork, SHBA

Sejdiu: "Kosova ka një mbështetje të fuqishme ndërkombëtare, posacërisht të Shteteve të Bashkuara të Amerikës, dhe disa vendeve të Bashkimit Europian"

MANHATTAN - NEW YORK: Presidenti i Kosovës, Prof. Dr. Fatmir Sejdiu, me dy këshilltarët e lartë politik z. Skënder Hyseni, dhe zotin Muhamet Hamiti, në ditën e dytë të vizitës zyrtare, në Nju Jork, u takua në restorantin DaNico, me anëtarët e krysisë së degës së LDK-ës, për Nju Jork e rrethe, dhe me disa anëtarë të Këshillit Kombëtar Shqiptaro - Amerikan. Në këtë takim zoti Sejdiu, shoqërohej nga ambasadori i RSH, në Misionin e Përherëshëm të Kombeve të Bashkuara, shkelqësinë e Tij z. Ardian Neritani

Duke iu drejtuar pjesëmarrësve, në këtë takim Presidenti i Kosovës,zoti Fatmir Sejdiu, tha mes të tjerave se: "Në aspektin e realizimit praktik, nuk do të thotë; se çdo gjë do të shkojë mirë. Jemi të vetëdijëshëm se në këto momente kyçe, për Kosovën shtet e pavarur e sovran, do të kemi edhe sfida të shumta. Por, të bindur se në rrugën tonë, tha ai nuk jemi vetëm, kemi një mbështetje të fuqishme ndërkombëtare, posaqërisht të Shteteve të Bashkuara të Amerikës, dhe disa vendeve të Bashkimit Europian."

"Presidenti i Kosovës, zoti Fatmir Sejdiu, pati një ditë me një axhendë shumë të ngjeshur, thotë zëdhënësi i tij dhe njëri prej dy këshilltarve politik që shoqërojnë atë në këtë vizitë në Nju Jork, zoti Muhamet Hamiti. Sejdiu, qëndroj sot, në Nju Jork, në selinë e OKB-ës. Ku ai mori pjesë në takimin me dyer të mbyllyra në Këshillin e Sigurimit.Përfaqësuesi Special i Kombeve të Bashkuara për Kosovën, zoti Joakim Ryker, praqiti raportin periodik për gjëndjen në Kosovë. Mbas dite presidenti i Kosovës, zoti Fatmir Sejdiu, në një seancë të veçantë iu drejtua vetë Këshillit të Sigurimit. Ky sesion i quajtur"I përmotit aria" ku foli zoti Sejdiu, u përqëndrua tek statusi ei ardhëshëm i Kosovës, pikërisht tash kur edhe përfundojë i ashtuquajturi "Procesi i Vijenës për Kosovën", i cili, zgjati plot 14-muaj biseda, takime dhe negociata.

Presidenti i Kosovës, zoti Fatmir Sejdiu, në këto takime si në Këshillin e Sigurimit, dhe me anëtarët e këtij këshilli veç e veç, duke kulmuar në takimin kryesorë me Sekretarin e Përgjithëshëm të Kombeve të Bashkuara zotin Ban Kim Moon, tha se "Ka ardhur koha që çështja e Kosovës, të zgjidhet me pavarësinë e plotë të saj - shtet të pavarur e sovran. Shtet ky ku shumica e Kosovës gjegjësisht shqiptarët do të marrën përgjegjësit që i takojnë shumicës, një shtet ku do të njihen dhe do të respektohen të drejtat e pakicave". Presidenti Sejdiu, të gjitha këto takime i ka shfrytëzuar që të argumentojë në mënyrë të detajuar sepse Kosova paraqet tek komuniteti ndërkombëtar një rastë të veçant e unik, për shkat të indetittetit të saj etnik, gjeo-politik, juridik , për vet faktin që Kosova asnjëher nuk ka qënë me vullnetin e saj pjesë e Sërbisë. Ajo ishte njësi federale e "Ish Jugosllavisë", e cila, tashmë dihet se nuk egziston më,. Tash është koha që kjo lloj shpërbërje, të marrë fund edhe me zgjidhjen e çështjes së Kosovës - statusin e saj - Pavarësine Kosovës" ka deklaruar presidenti i Kosovës, zoti Fatmir Sejdiu. Nga ana e tij Sekretari i Përgjithëshëm të Kombeve të Bashkuara, zoti Ban Kim Moon, deklarojë se do të kërkojë përshpejtimin e këtij procesi si dhe mbështet plotësisht, të ashtuquajturin "Plani i Ahtisaarit".

Ndërsa, sot, në mbyllje të vizitës në Nju Jork, konsideruar si stacioni i fundit deri në vendosjen e statusit përfundimtar të Kosovës, presidenti i Kosovës zoti Fatmir Sejdiu, do të vijojë axhendën e takimve në kuadrin e një fushate takimesh të rëndësishme në OKB, në prag te diskutimit nga Këshilli i Sigurimit, të dokumentit për statusin e Kosovës. Ai pritet të takohet me ambasadorët e tjerë të vendeve anëtare të Këshillit të Sigurimit, si edhe me ambasadorin e Gjermanisë, Italisë, Japonisë dhe të disa vendve të tjera që nuk janë anëtare të Këshillit të Sigurimit , por janë vende me ndikim të madh dhe të rëndësishme. Nuk perjashtohet mundësia e një takimi me ambasadorin amerikan në Kombet e Bashkuara, si dhe me të dërguarin e Qeverisë amerikane për çështjen e Kosovës, ambasadorin Frank Visner.