Rreagojnë shqiptarët e Amerikës: "Janullatosi të lagohet nga Shqipëria"

-- nga Beqir SINA, Nju Jork, SHBA

Çikago: SHSHA-ja përkrah klerikun shqiptar At Nikollë Markun, Anastos Janullatos larg Shqipërisë!

CHICAGO - ILLINOIS: Shkas duket është bërë emërimi i një peshkopi të ri grek, në krye të kishës ortodokse të Gjirokastrës.Ç'ka sjellë një reagim të ashpër të këshillit të kishës ortodokse autoqefale Shën Maria në Elbasan, me në krye at Nikolla Markun. Famulltari i kishës së vjetër ka deklaruar zyrtarisht, gjatë një konference për shtyp se emërimi i priftit grek si peshkop i Gjirokastrës, është një veprim tejet i rrezikshëm, jo vetëm për pavarësinë e kishës, por edhe për sovranitetin e kombit shqiptar. Ai ka hedhur akuza të rënda ndaj, Anastas Janullatos duke deklaruar se ai po vazhdon të thellojë veprimet antishqiptare për tjetërsimin e Jugut të Shqipërisë, duke vendosur në përbërje të Sinodit të Shenjtë priftërinjtë grekë.

“Shteti grek, ka gjunjëzuar në këtë rast shtetin shqiptar, duke bërë presion me refugjatët, të cilët, i ka kthyer në skllevër. Statusi i Shenjtë dhe i përjetshëm i kishës Ortodokse shqiptare, është shkelur përfundimisht, duke i shërbyer qarqeve Vorio- Epiriote. Veprimet, që ndjekin njëri-tjetrin në dëm të kombit shqiptar, si kthimi i emrave të njerëzve, ndërtimi i varrezave greke, dhënia e pensioneve, shpërndarja e librave për Vorio- Epirin, dhënia e dyshtetësisë e të tjera, janë veprime që përkrahen direkt nga shteti grek me misionar Anastas Janullatosin. Të gjithë këto veprime që i kemi thënë disa herë, tregojnë qartë se misioni i i Janullatos nuk është më fetar, por ai i një agjenti të asfalisë greke dhe i shovinizmit grek të Vorio -Epirit”- thotë At Nikolla Marku. Ai ka bërë thirrje brenda e jashtë Shqipërisë "Që Hiresia e tij Anastasio Janullatos të largohet nga drejtimi i Kishes Autoqefale Shqiptare".

Në këtë kontekst ka qënë edhe rreagimi i parë nga SHBA, nga Shoqata Shqiptaro Amerikane, me qëndër në Çikago, nënshkruar nga kryetari i Shoqatës, Prof.dr. Astrit Mehmeti, Drejtori Ekzekutiv, Prof. Skënder Karaçica, Sekretari, Mahmut Skenderi. Në rreagimin e menjëherëshëm në njoftimin për medien shqiptare, thuhet se: "Ka kohë që në Shqipëri po sillet Kryepeshkopi i kreut Ortodoks të Kishës Autoqefale Anastos Janullatos. Ky njeri i veshur me të zeza dhe me kryqin në dorë,që pas shpinës së Zotit (sic!!) ka marrë rolin e një varrmihësi në tokën shqiptare. Me shkopin e tij Janullatos po i mat udhët e Shqipërisë dhe kur e kur në "emrin e Zotit" po ua zgjat dorën besimtarëve ortodoks shqiptarë. Atyre, këso kohe, i prositë që të jenë me afër shpirtit heleno-grek duke e harruar Atdheun, Kombin dhe Shqipërinë."

Kryepeshkopi Anastos Janullatos nuk mbetët vetëm me kaq. Ai, në vazhdimësi të skenarëve mesjetarë po e shfrytëzon gjendjen e vështirë të kombit shqiptar në Shqipëri, që janë të shtrënguar të marrin udhën e gyrbetit edhe në Greqi. Po me këta skenarë, nëpër qendrat ku jetojnë dhe punojnë shqiptarët, Kisha Ortodokse Autoqefale Greke po organizon aksionin për të ndihmuar me nga 300 euro secilin shqiptarë që e përqafon dhe mishërohet me identitetin Ortodoks në Greqi(!!). Ka të dhëna se në këtë regjistër "për mëshirën e Zotit" (sic!!) i kanë bërë uratën për kryepeshkopin Janullatos hiq më pak se 2oo mijë shqiptarë (pa marrë parasysh përkatësinë e tyre fetare...!). Të dhënat, ndërkaq, tregojnë se në etninë e tokës shqiptare vetëm 12 për qind i takojnë fesë ortodokse. Dhe, shtrohet pyetja imdeiate: Ku i gjete këta 2oo mijë shqiptarë "ortodoks" (sic!) Kryepeshkop i veshur me të zeza Anastos Janullatos?!?

Dhe, hiq më vonë se nesër, po ky Kryepeshkop me skenarët antishqiptar dhe në bashkëveprim me Peshkopin serb Artemije, do të bëjnë ndryshimin e strukturës fetare shqiptare në dëmë të Atdheut dhe të Kombit Shqiptar. Për këtë qëllim, Fan S.Noli (1906), duke u shkruar letra intelektualëve shqiptarë nga Egjipti, në punimet e tij publicistike të kohës thoshte: "Mua me pëlqen të sigurojë përkrahjen e një shoqërie të fuqishme fetare për të mirën e vendit..." Edhe këtë herë Noli ka menduar në idenë e krijimit të Kishës Ortodokse Autoqefale Shqiptare.

Përkitazi me sjelljet antishqiptare të Anastos Janullatos në tokën shqiptare (Shqipëri), Kleriku Ortodoks në Elbasan At Nikollë Marku, disaherë e ka ngritur zërin e arsyes dhe me Zotin, që organet kompetente të shtetit shqiptar të ndërmarrin hapin ligjor për largimin e Kryepeshkopit grekofil nga Shqipëria. Janë arsyet e shumta, vë në dukje Kleriku Ortodoks në Elbasan At Nikollë Marku, se Anastos Janullatos të largohet nga Shqipëria. Rasti më skandaloz është momenti i skenarëve të agjenturave greke, kur në Kosinë të Përmetit u bë zhvarrimi i eshtrave, pikërisht në varrezat shqiptare dhe me motive të kompromitimit para opinionit botërorë të Shqipërisë. Kjo që po ngjet me këtë njeri "të Zotit" dhe Anti Zot (sic!) është një marrëzi e kohës!