Presidenti o Kosovës, Fatmir Sejdiu niset për në Nju Jork

-- nga Beqir SINA, Nju Jork, SHBA

Ministri i jashtëm i Shqipërisë, Besnik Mustafaj pritet të takohet sot me sekretarin e përgjithshëm të OKB, Ban Ki Moon. UNITED NATIONS - NEW YORK: Sot në New York, me futjen për debat të ashtuquajturit "Plani i Ahtisaarit për Kosovën" hapet sipari në rrugën drejtë finalizimit të statusit të Kosovës Këshilli i Sigurimit të Kombeve të Bashkuara nën presidencën e Britanisë së Madhe do të mbajë nesër një takim me rend dite, shqyrtimin e dokumentin për Kosovën të kryenegociatorit Martti Ahtisaari, seancë kjo që do të shënojë fillimin e një faze të re të në rrugën drejtë finalizimit të statusit të Kosovës. Ish presidenti finlandez do t’i njoftojë anëtarët e KS të OKB-së me pakon e dokumentit dhe do ta arsyetojë propozimin e tij për pavarësinë e mbikëqyrur të Kosovës.

Sipas njoftimeve në Kombet e Bashkuara, në takimin që pritet të jetë i mbyllur për media, nuk pritet që debati të çojë në ndonjë vendim eventual. Në këtë takim pritet të sfidohet edhe njëherë dokumenti i Ahtisaarit nga Rusia, e cila tash disa herë është deklaruar se nuk ishte koha të bisedohej e as të shqyrtohej dokumenti, para se të jetë vlerësuar edhe njëherë rezoluta 1244, sipas së cilës udhëhiqet pushteti vendor dhe ndërkombëtar në Kosovë.

Në takim do të marrë pjesë edhe Presidenti Kosovës, Fatmir Sejdiu, mirëpo ende nuk është konfirmuar nëse ai edhe do të mbajë fjalë. Në seancë është paralajmëruar të marrë pjesë edhe Kryeministri i Serbisë, Vojisllav Kostunica, i cili shpreson se me mbështetjen e Rusisë do të hidhet poshtë plani i Ahtisaarit dhe të mundësohet fillimi i një procesi të ri të negociatave mbi Kosovën, ide të cilën nuk e kanë mbështetur asnjë nga vendet perëndimore. Rusia gjithashtu do të insistojë në këtë takim të merret një vendim edhe për miratimin e idesë së shfaqur nga ajo, një javë më parë, për dërgimin e një misioni fakt-mbledhës në Kosovë dhe në Serbi.

Presidenti i Kosovës Fatmir Sejdiu, mbërriti mbrëmë në New York për të marrë pjesë në seancën e Këshillit të Sigurimit të Kombeve të Bashkuara më 3 prill, ku do të paraqitet zyrtarisht propozimi i krye negociatorit për statusin e Kosovës Martti Ahtisaari, i cili ka propozuar pavarësi të mbikëqyrur për Kosovën. Presidenti Sejdiu, para nisjes nga aeroporti i Prishtinës, theksoi rëndësinë e madhe të mbështetjes ndërkombëtare për pavarësinë e Kosovës. “Për ne është shumë me rëndësi që kemi një rast jashtëzakonisht të mirë që të shtrojmë edhe një herë gjithë qasjen tonë, t’i përshëndesim dhe falënderojmë të gjithë anëtarët e KS-së që kanë kontribuar jashtëzakonisht shumë për mbarëvajtjen e këtij procesi, posaçërisht presidentin Ahtisaari dhe ekipin e tij”, tha ai.

Presidenti Sejdiu shprehu bindjen se prilli dhe maji do të jenë muaj shumë të ngjeshur me veprimtari politike për Kosovën. “Unë besoj se procesi rreth statusit do të zgjidhet shumë shpejtë, nuk mund të them datë apo muaj të saktë, për ne është me rëndësi ajo që kam thënë dhe nuk heq dorë se këta dy muaj, prilli dhe maji do të jenë shumë të ngjeshur dhe me punë të madhe. Ky proces është në rrugë të mbarë dhe ajo mbështetje që e kemi thënë dhe që është deklaruar nga vendet kryesore të politikës ndërkombëtare është shumë e rëndësishme për ne”, tha ai. Fillimi i debateve për propozimin e zotit Ahtisaari shihet si fillim i periudhës përfundimtare të zgjidhjes së statusit të Kosovës, një proces që nuk duket aspak i lehtë për shkak të qëndrimit te deritashëm të federatës ruse kundruall çështjes së Kosovës.

Ministri i jashtëm i Shqipërisë, Besnik Mustafaj pritet të takohet sot me sekretarin e përgjithshëm të OKB, Ban Ki Moon.

Pikërshit, tash në këto momente historike, për popullin shqiptarë, kur po vendoset për fatin e popullit shqiptar të Kosovës, është kisha më e madhe shqiptare në SHBA-ës, Famullitari i Kishës Katolike Shqiptare “Zoja e Shkodrës” në Hartsdale, New York, i përndershmi Dom Pjetër Popaj, e cila organizojë një Lutje Ndërfetare për Pavarësinë e Kosovës. Lutje, në të cilën ka marrë pjesë edhe Ministri i Punëve të Jashtme të RSH-s, ekselenca e tij zoti Besnik Mustafaj dhe delegacioni që e shoqëron atë, i ardhur në këtë fushat për pavarësinë e Kosovës, në Nju Jork.

Ai ndodhet në Nju-Jork në prag të çeljes së debatit në Këshillin e Sigurimit të OKB-së rreth raportit të Presidentit Ahtisaari, si dhe rekomandimeve të tij për statusin e ardhshëm të Kosovës. Gjatë këtij takimi zoti Mustafaj pritet të paraqesë pikëpamjen e qeverisë së Shqipërisë se e ardhmja e Kosovës mund të jetë vetëm një pavarësi e mbikqyrur si opsioni më realist dhe i qëndrueshëm. Gjatë qëndrimit të zotit Mustafaj në Nju Jork, janë parashikuar të zhvillohen takime me të gjithë ambasadorët e vendeve anëtare të Këshillit të Sigurimit.

Deri tani ai është takuar me përfaqësuesit e përhershëm të Francës dhe Katarit në Këshillin e Sigurimit. Sipas njoftimeve nga Ministria e Jashtme shqiptare, zoti Mustafaj i ka njohur bashkëbiseduesit me arsyet pse Kosova duhet trajtuar si një rast unik që ka si zgjidhje të vetme pavarësinë, zgjidhje kjo që u përgjigjet interesave thelbësore të të gjithë qytetarëve të Kosovës, qofshin ata shqiptarë apo pjestarë të komuniteteve të tjera etnike.

Pavarësia e Kosovës është e pashmangshme

UNITED NATIONS - NEW YORK: Në OKB, analistë, politikanë dhe gazetarë nga vende të ndryshme të botës thonë, shumica dërmuese pajtohet me rekomandimin e zotit Ahtisaari se pavarësia e Kosovës është e pashmangshme. Nga ana tjeter ata thonë se për Serbinë pavarësia e Kosovës është një tragjedi kombëtare, por e cila është rrjedhojë demografike si dhe gjeopolitike por që ka të bëjë edhe me mënyren se si serbet i kanë trajtuar kosovarët.

Kundërshtar tjetër i pavarësisë së Kosovës është Rusia e cila si argument përdor shqetësimet që ky precedent mund të ketë pasoja për rajone të Rusisë siç është Çeçenia. Ka analistë të këtillë që e argumentojnë këtë fakt përsëri i kthehen incidentit të pushtimit të aeroportit të Prishtinës para 8 viteve dhe thonë se ngjashëm sikur u zgjodh ajo situatë kur me diplomaci u bindën rusët që të tërhiqen nga aeroporti edhe këtë radhë ajo thotë se gjasat janë shumë të mira që Rusia nuk do të përdorë veton në Këshillin e Sigurimit kur të votohet rreth pavarësisë së Kosovës.

Ndërsa e përditshmja ekonomike Financial Times nën titullin Kosova e pavarur thotë se Bashkimi Evropian duhet të ndihmojë në zgjidhjen e betejës së fundit në Ballkan. Një ndër krizat më shpërthyese të Evropës mund të përfundojë shumë shpejt, thotë gazeta.

Tetë vjet pas një luftë dhe një rezolutë të paqartë, SHBA, Britania e Madhe dhe OKB kanë vendosur se do ti japin fund kësaj sorollatjeje diplomatike dhe thanë se Kosova duhet të jetë e pavarur. Një Kosovë e pavarur mund të mos i pëlqejë Serbisë e cila pohon sovranitet mbi të dhe Rusisë e cila mbështet Beogradin, por një gjë është e sigurt se kjo çështje duhet të zgjidhet urgjentisht.

BE me miratmin e një rezolute javën e kaluar tregoj sesa e bashkuar është BE, sa i përket mbështjes së pavarësisë së Kosovës, që kjo të mos shfrytëzohet nga Rusia, duke e rritur mundësinë e përdorimit të vetos. Gjithashtu të njëjat opinione thonë se edhe udhëqësia shqiptare e Kosovës duhet të përmiresohet në mënyrë që tju besohet kontrolli i plotë i këtij vendi. Por ky rajon i trazuar i Evropës ka vuajtur shumë dhe është neglizhuar vazhdimisht kështu që bota të deklarohet më në fund për të ardhmen e tyre duke ja dhënë pavarësinë Kosovës.

Mbrëmë vonë në lokalin "Lumi" në Manhattan, Presidenti i Kosovës zoti Fatmir Sejdiu dhe delegacioni që e shoqëronë atë u takuan së bashku Ministrin e Puneve te Jashtme Z. Besnik Mustafaj , në një darkë nderi që shtroi për dy delegacionet e larta nga Shqipëria e Kosova, Këshilli Kombëtar Shqiptaro Amerikan. Drejtori Egzekutiv i KKSHA-s, z Avni Mustafaj pasi ka falemnderuar dy mysafirët e lart nga vendlindja ka vlersuar jashtëzakonisht punën e tyre për pavarësinë e Kosovës. Ministri Mustafaj - tha se ka pasur një axhendë të ngjeshur me takime duke mos anashkaluar asnjerin prej tyre.

Ai tha se që të kaloi ky plan nga 15 vota që janë të mundëshme, duhet patjetër që 9 vota të jenë pro. Ne deri tash tha ai kemi siguruar po thuajse të gjitha votat e nevojëshme, por ësht me shumë rëndësi të bindimin vendet e vogla dhe të cilat nuk e njohin shumë Kosovën e çështjen e saj. Mirpo ai permendi një fakt të cilin e quajti unikal në votën e këtyre vendeve. Franca , që asnjëher deri tash nuk i ishte bashkëngjitur votës së SHBA-s, e Britanisë së Madhe, as me Irakun, Iranin, Afganastanin, Sudanin, Haitin,Somalin e Kongon, është fat i madh se ka shfaqur hapur dëshirën e saj për të votuar pro Kosovës.

Mustafaj tha se se numri i vendeve që kanë rezerva ndaj pavarësisë së Kosovës është shumë i vogël. Por duhet një fushatë diplomatike për të bindur shtete të cilat ende kanë mëdyshje se pavarësia e Kosovës, dhe mund të krijojnë precedent.

Ministri i Jashtëm i Shqipërisë, më pasë foli rreth një takim të veçantë në selinë e OKB nga Sekretari i Përgjithshëm i kësaj organizate, Zoti Ban Ki Mun. Kreu i Diplomacisë shqiptare, tha se ai i kishte shprehur në fillim të takimit, falenderimin dhe mbështetjen e tij për raportin e Presidentit Ahtisari, të shprehur edhe nëpërmjet letrës shoqëruese për Këshillin e Sigurimit. Ministri Mustafaj theksoi se me pasoja të paparashikuara mund të jetë çdo vonesë në arritjen nga ana e Këshillit të Sigurimit të një vendimi përfundimtar, në përputhje me rekomandimet e Ahtisaarit.Lidhur me idenë e dërgimit të një misioni të Këshillit të Sigurimit në Kosovë, Ministri i Jashtëm Mustafaj tha se, ky mision duhet të ketë karakter informues dhe nuk duhet të anashkalojë punën e bërë nga UNMIK. Të dy bashkëbiseduesit vlerësuan rëndësinë që ka qëndrimi unik i Bashkimit Europian për zgjidhjen e shpejtë dhe të qëndrueshme të statusit përfundimtar të Kosovës.

Sakaq tha ai, Sekretari i Përgjithshëm i OKB-së, i konsideroi si të dobishme takimet e Ministrit Mustafaj me disa nga vendet anëtare të përhershme dhe jo të përhershme të Këshillit të Sigurimit, duke vlerësuar në të njëjtën kohë se, çështja e Kosovës është një çështje shumë e rëndësishme jo vetëm për Kosovën, por edhe për të gjithë rajonin.