Konsullata e Përgjithshme e Republikës së Shqipërisë në Nju Jork

-- nga Beqir SINA, New York, SHBA

Konsullata pos që ofron shërbime të ndryshme, ka edhe një drejtim tjetër i rëndësishëm i punës së Konsullatës. I cili është evidentimi i shoqatave të diasporës shqiptare në hapësirën e Shteteve të Bashkuara të Amërikës, mbajtja e kontakteve të rregullta me diasporën si dhe me përfaqësues të shoqatave studentore shqiptare.

MANHATTAN - NEW YORK CITY (NY): Në një njoftim të saj, Misioni i Përhershëm pranë Kombeve të Bashkuara i RSH, ka njoftuar këto ditë se në Nju Jork ka filluar nga puna Konsullata e Përgjithme e Republikës së Shqipërisë. Njoftimi, bënë me dije se Konsullata e Përgjithme e Republikës së Shqipërisë në Nju Jork, është hapur me inisiativën e Qeverisë Shqiptare, me qëllim që t’u vijë në ndihmë shqiptarëve me banim në Shtetet e Bashkuara të Amerikës. Zyrat e Konsullatës ndodhen në adresën:
156 Fifth Avenue, Suite 1210, New York, NY 10010;
Tel. (212) 255 - 7381; Faks: (212) 255 – 7380.
Konsullata është e hapur nga e hëna deri të premten, nga ora 09.00 - 17.00. Konsullata ofron shërbime të tilla, si:
- Pajisja me pasaportë
Pajisja me pasaportë mund të kryhet ne dy mënyra: a) duke hartuar një prokurë të posaçme për persona të tretë, të cilët mund të veprojnë në emër të të interesuarit për nxjerrejn e pasaportës së tij në Shqipëri;
b) ose duke hartuar dokumentacionin e plotë nga ana e Konsullatës për pajisjen me pasaportë dhe dhënien e pasaportës të interesuarit;
- Pajisja me Leje - Kalimi (Laisser-Passer)
Për të marrë Lejen e Kalimit (travel document) shtetasi shqiptar duhet të paraqitet për intervistë në Konsullatën e Shqipërisë në Nju Jork. Për këtë qëllim duhet që paraprakisht të fiksoni takimin me Konsullin
- Lëshimi i prokurave të posaçme për rastet e dhënies së plotfuqishmërisë personave të tretë, të cilët kanë të drejtë të veprojnë për nxjerrjen e pasaportave, çertifikatave dhe veprimeve të tjera në gjendjen civile në Shqipëri. Konsullata nuk harton prokura për kontrata, shitje pasurish, çështje gjyqësore, etj.
- Lidhja e martesave;
- Regjistrimi i fëmijëve të sapolindur nga qytetarë me kombësi shqiptare;
- Dhënia e vizave hyrëse për në Shqipëri për qytetarët e huaj rezidentë në SHBA;

Shënim:
Në rastin kur kërkuesi i Lejes së Kalimit apo i pasaportës është minoren (nën 16 vjeç), kërkesa bëhet nga prindërit bashkërisht, ose njëri prind me pëlqimin e prindit tjetër. Pëlqimi nga prindi tjetër jepet në formën e një deklarate noteriale me shkrim. Për të miturin me një prind ose kujdestar, kërkesës i bashkëngjiten dokumente që konfirmojnë kujdestarinë mbi fëmijën. Pajisja e fëmijëve me Leje-kalimi bëhet vetëm duke u paraqitur në Konsullatë;
Për të marrë një informacion më të plotë për dokumentat e domosdoshme për kryerjen e shërbimeve të mësipërme mund të kontaktoni me Konsullin.