U hodh "Gurë Themeli" i "Qendrës Ndërkombëtare të Edukimit Gilman"

-- nga Beqir SINA, New York, SHBA

Gilman: "Eshtë një privilegj i veçantë që së shpejti të vizitonjë Kosovën, dhe këtë do t'a bëja në ditën më fatlume të pavarësisë së plotë të Kosovës, dhe njohjen e saj nga bashkësia ndërkombëtare".

Middletown New York: Në pjesën veriore të Nju Jorkut, lokalitetin e quajtur Orange County, do të ndërtohet një librari e re, dedikuar ish kongresmenit republikan nga kjo anë Benjamin Gilman.
Ceremonia e inagurimit u zhvillua në qytetin Middletown, në praninë e më se 500 vetatve, ngjitur me ndërtesën e kolegjit "Orange County Community College", në pjesën perëndimore të tij, Aty ka hedhur të ashtuquajturën "Lopatën e Parë" ose "Gurë Themelin", (2 gusht 2007), me fillimin e punimeve për ndërtimin e qëndrës, e cila, do të quhet: "Qendra Ndërkombëtare të Edukimit Gilman". Libraria e re, do të ketë disa pavione atribute të jetës së këtij politikani, prej kur ai ishte pilot në Luftën e Dytë Botërore dhe deri sa shërbeu për 34 vjet në 17 ligjistatura në Kongresin Amerikan. Ndërtesa e librarisë, duhet të përfundojë aty nga mesi i vitit të ardhshëm. Ajo llogaritet të kushtojë me shumë se një milion dollarë.

Duhet theksuar, se ish kongresmeni Gilman veç qendres, ka ngritur edhe një program me një "projekt unikal" për gjithë SHBA, i cili quhet;"The Gilman International Scholarship Program". Eshtë ky një program që do të bashkojë deri tash - studentët, që do të vijnë nga Europa, Azia, Afrika dhe Amerika e Jugut në një vend të vetëm . Për sigurimin e financave përgjegjës është fondacioni Gilman dhe Departamenti Amerikan i Shtetit, Departamenti i Arsimit dhe Kulturës, ku mund të llogarisë edhe në ndihmat nga qyteti, qeveria amerikane. Mirëpo, pjesën më të madhe duhet ta mbulojnë donatorët privatë dhe vetë studentët. Edhe kontratat me studentët pjesëmarrës, të cilat,do të jenë nga të gjithë ata studentë që dëshirojnë të vijojnë studimet në The Gilman International Scholarship Program, me perjashtim të Kubës dhe atyre vendeve që qytetarët e tyre nuk u lejohet të udhëtojnë me viza në SHBA-ës, nuk janë përfunduar akoma definitivisht. Ato janë të hapura qysh tash, dhe ju mund të kontaktoni nëpërmjet adresës elektronike:
http://www.iie.org/programs/gilman/resources.html.
Ose, me e mail: [email protected]
Tel: 713.621.6300, ext 25 Fax: 713.621.0876.

"Qëndra Ndërkombëtare të Edukimit Gilman"

Në hapësirën përpara kompleksit të ri ndërtimor, Libraria Gliman do të ketë pavionet vetjake me sallat e tyre të arkivave. Këto qendra do të plotësohen me një hapësire të përbashkët kontaktesh. Kjo librari ""Qëndra Ndërkombëtare të Edukimit Gilman"", sipas iniciuesve, vlerësohet të jetë një realizim i përkryer dhe do të rrezatojë shumë nga jeta e këtij personaliteti të njohur publik.

"Qëndra Ndërkombëtare të Edukimit Gilman" është pjesë e kolegjit të Studimeve Globale, dhe i atribohet krejtësisht vullnetit dhe interesimit të ish kongresmenit të kësaj zone elektorale Dsitrikit 19, Ben Gilman. Ky distrikt, është pikërishtë ai ku për 17 ligjistatura pra 34 vjetë, shërbeu kongresmeni i njohur, dhe mik i madh i shqiptarëve. Benjamin Gilman, duke u bërë kështu edhe figurë mjaft e njohur politike në këtë zonë, Capitol Hill, e arenën ndërkombëtare. Kongresiti Gilman, njeri shumë i afërt dhe me lidhje të ngushta me ish kongresmenin republikan të Nju Jorkut Joseph J.DioGuardi presidenti vullnetar i Ligës Qytetare Shqiptaro Amerikane, ishte për sa kohe u angazhua në çështjet shqiptare edhe një zë i fuqishëm në Kongresin Amerikan , ku ai për shumë vjet edhe kryesojë dhe një pikë kyçe të këtij institucioni, atë të Komitetit të Marrëdhënjve Ndërkombëtare, në Kongresin Amerikan.

84 vjeçari Benjamin Gilman, ish kongresmen republikan i Nju Jorkut, nga ish Presidenti i Kosovës, i ndjeri I. Rugova, në pesëvjetorin e hyrjes së trupave të NATO-s/KFOR-it në Kosovë, 12 qershorit 2004, Ditës së Lirisë së Kosovës, në bazë të fuqive kushtetuese të Presidentit të Kosovës, me Dekret të veçantë është dekoruar me "Medaljen e Artë të Lirisë" mes 14 personaliteteve të Amerikës, për meritat e tyre për mbrojtjen e lirisë së Kosovës, dhe për ndërtimin e vendit të lirë të Kosovës, si dhe për integrimin në bashkësinë e kombeve të lira të botës.

Ai së bashku me kolegët e tij edhe ata miq të dëshmuar të shqiptarëve në kongresin amerikan, Dana Rohabacher, Henry Hyde, e Toma Lantosh, Eliot Engel, Bob Dole, Peter King, Sue Kelly, etj.... sponsorizuan disa rezoluta, peticone dhe Seanca Degjimore në Kongresin Amerikan. Gilman, dhe kolegët e tij miq të shquar të çështjes shqiptare, udhëhoqën ose morën pjesë në protestat e demostratat e shqiptarve në Nju Jork, Detriot, Çikago, Dejton, e Ushington. Gilman dhe kolegët e tij u bënë si me thënë flamurtarët e çështjes shqiptare dhe mbrojtësit dhe përkrahsit e fuqishëm të pavarësisë së Kosovës, lirisë e të drejtatave të shqiptarve në Ballkan, dhe demokratizimin e Shqipërisë.

Ceremonia e hedhjes së "lopatës së parë" ne territorin e "Orange County Community College" Nju Jork, ishte e organizuar nga miku i vjetër shqiptarëve,- Ben Gilman, i cili pos një numëri të konsiderueshem të personalisteteve amerikane, kongresmen, senator,antarë qeverie, udhëheqës lokal, biznesmen, artistë, gazetarë, ftoi me këtë rastë edhe Ligën Qytetare Shqiptaro Amerikane, përkatësisht : Presidentin vullnetar i Lidhjes Qytetare Shqiptaro Amerikane Joseph J. DioGuardi, ish - kongresmeni republikan i Nju Jorkut, dhe Këshilltarja e Çështjeve Ballkanike në LQSHA, shkrimtarja amerikane Shirely Cloyes DioGuardi, dhe anëtari i bordit Aslan Çekaj. Prezenca e tyre ishte dëshmi i qartë, se nëpërmjet pjesmarrjes së tyre, edhe këta përfaqësues shqiptarësh në këtë ceremoni, sollën një mesazh tepër të rëndësishëm: "Mirënjohjen dhe respektin e pakufishëm për mikun tonë të madh Benjamin Gillman". Ata erdhën këtu që t'a shfrytëzojn mirë këtë miqësi dhe respekt të të gjithë shqiptarve, duke punuar vazhdimisht, që Kosova të bëhet e pavarur e sovrane. Kosova të behet garantuese për paqen dhe sigurin në Ballkan, rajon e më gjerë.

Vetë DioGuardi, në podiumin e ceremonisë ka vlersuar lartë lidhjet e tija me ish-kongresmenin Ben Gillman dhe ka treguar se si ata të dy u lidhën me njeri-tjetrin dhe çështjen shqiptare. DioGuardi, tha se kishte mësuar shumë nga përvoja dhe eksperienca e Gilmanit, në Capitol Hill, ku edhe ai vetë shërbeu në dy ligjistatura. Gillman, u ndie krenar dhe i emocionuar për pjesmarrjen e shqiptarëve, siç u shpreh ai edhe para medias amerikane dhe rreth 500 pjesmarrësve, miqve të tij. Gilman, i tha gazetës së përditëshme kombëtare Bota Sot, se: "Do të ishte një privilegj i veçantë që ai së shpejti të vizitonte Kosovën, dhe këtë do ta bënte në ditën më fatlume të Pavarësisë së plotë të Kosovës, dhe njohjen e saj nga bashkësia ndërkombëtare".