Alaska: "E ardhmja është në Veri"
"North to the Future"

-- nga Beqir SINA, Nju Jork

Shqiptarët e Alaskës i ngroh malli dhe dashuria për vendlindjen

JUNEAU - ALASKA: Në një forum shqiptarësh në internet, dikush thotë se është e tmerreshme që askush nuk di që a ka shqiptarë që jetojnë e punojnë në Alaskë. Sa është numëri i tyre? A janë të organizuar dhe ku janë të përqëndruar? Ende nuk ka ndonjë përgjegje. Pra, mendoj se është interesante të dihet diçka për atë komunitet, realtivisht fare të vogël. Sipas atyre që jetojnë atje, por edhe të afërmeve, miqve e shokëve të tyre, thuhet se atje ka një komunitet shqiptarësh, krahas atyre nga Koreja, Rusia, Kina, vendet afrikane, amerika e jugut e tjra. Dhe kryesishtë ata janë nga pjesa shqiptare e Maqedonisë ose me saktë nga Prespa, Struga, Ohri, Dibra, Kërçova, Shqipëria dhe Kosova.

Shumica e shqiptarëve janë të punësuar si shofera taxie dhe kanë restorantet e tyre ose ndonjë kompani të vogël për ndërtimin ose mirëmbajtjen e çative. Pasi këto punë veç peshkimit janë më të paguarat në Alaska. Alaska, ka oferta të çuditëshme të ndjelli amerikanët të popullarizojnë atë vend të tepër të ftohtë. Gazetat më të mëdha këtu në SHBA-s, në seksionin e tyre të vendeve të punës, thonë se në Alaska ka kompani peshkimi që kërkojnë puntorë me pagesa që arrijnë deri në një mijë ose 1.500 dollarë në javë. Kur ja permend dikujt emrin "Alaskë" i hyjnë të "drithurat" se mendon se Alaska është vend i ftohët dhe plot akull në katër stinët. E në të vërtetë, shqiptarët që jetojnë këtu, thonë se nuk është kështu. Alaska. është pothuajse si gjithë vendet e tjera - ka katër stine, por dimri zgjat pak më shumë se të tjerat. Vera është shumë e nxehtë, e bukur, plot gjelberim dhe ajër të pastërt.

Shqiptarët në Alaska jetojnë si gjithë mërgimtarët e tjerë shqiptarë. Një banorë shqiptarë nga Alasak, thotë se duke kerkuar ne inernet, ka mësuar se që nga viti 1992 e këtej në shtetin federal të Alaskës janë legalizuar rreth 100 shqiptarë nga I.N.S. Dhe se ai ka observuar një link ku tregon se Alaska po popullohet me shqiptarë, amerikano jugorët, koreanët, kinezët, rusët etjer... Një e përditëshme e qytetit Government Hill shkruan se Leonard Kestaro, është mësues i klasës së gjashtë të njërës prej shkollave elementare të këtij qyteti. Gjithmon duke iu referuar diskutimeve të tyre, në internet thuhet se ata nuk janë të mirë organizuar, megjithse veprojnë nën "ombrellën" e ndonjë organizate a shoqate atdhetare e patriotike.

Ata pohojnë se nuk kemi aq shumë shqipetarë, por do thonë se numëri i tyre varion aty dikund tek 300 a 500 banorë shqiptarë. Ata mendojnë se jetojnë në qetësi, sepse sipas tyre Alasak është vend i qetë dhe i rehatshëm për të jetuar. Para ka mjaft, kuptohet për ata që punojnë. Një banorë shqiptarë i Alasakës, thotë: "Vendlindja sigurisht se na mungon, por shkojmë ç'do verë dhe e shuajm sadopak mallin. Sa për vend i largët, nuk është edhe aq... Ndoshta ...është, por nëse e krahasojmë me udhëtimin që bëjnë shqipëtarët nga, Teksasi, Arizona, Kalifornia dhe Florida, është gati njëlloj. Udhëtimi me aeroplan prej Alaske deri në Evropë zgjat deri në 9 orë. Në ç'do festë bëhen organizime, për të gjithë shqipëtarët, sidomos për Ditën e Kombëtare të Flamurit - Shpalljen e Pavarësisë së Shqipërisë qe festohet shumë dhe mbledh pothuajse të gjithë shqiptarët e Alaskës, pa dallime, fetare bindje politike, apo krahina.

Alaska, është një ndër 50 shtetet federale të SHBA-s.Këtyre 50 shteteve ju bashkohet më 1845 edhe Teksasi (Texas), më 1867 Alaska e blerë nga Rusia. Më këtë përfundon edhe shtrirja e territorit të ShBA-ve deri në ditët e sotshme

Më egzaksisht Alaska, u ble për 7.200.000 dollarë. Kryeqyteti i saj është Juneau. Qyteti më i madh është Anchorage i shtetit Sarah Palin (R). Të ardhurat mesatare për një familje në Alasaka janë 34 mijë dollarë në vit. 85.7% e popullsisë janë puro të bardhë. Ka një ndryshim ore me Europën (Shqipërinë e Kosovën) prej 8 orësh diferencë. Thirret "Kufiri i Fundit""The Last Frontier ". Motoja e këtij shteti është: "E ardhëmja është në Veri", "North to the Future".

Alaska është më i madhi i 52 shteteve të Shteteve të Bashkuara të Amerikës: me një milion e gjysmë km katrore, sipërfaqja e tij është 5 herë sa Italia. Éshtë edhe shteti më i ftohtë: në Barlow, në veri, regjistrohen temperatura 60° C nën zero. Éshtë më i lagështi: në jug-lindje, shiu, që me shaka quhet “dielli i lëngshëm” duket pothuajse çdo ditë.Ka rezerva të pafund nafte, gasi, ari, argjendi; ujrat e tij dhurojne çdo vit një milard kg salmoni “mbreteror”. “king salmon” që arrijnë të pëshojnë deri në 30kg, dhe 4 miliard kg “halibut”, tip i veçantë soljole(lloj peshku) që arrin të peshojë deri 200kg.Prej gjitha shteteve në Amerikë më së shumti parqe nacionale ka Alaska. E cila ka gjithësejt-tetë parqe të famëshme.

Në pyjet e pafund, mes malesh dhe liqenesh, fauna është e pasur me eksemplarë: nga të rrezikshmit “grizzly”(arinj) deri tek “karibu”(drerët lokale), nga shqiponjat tek ujqit. Të rralla janë lontrat, të shfarosura nga gjuetarët e pelieeve. Sot 30% e territorit të Alaskës është zënë nga parqet. Më i frekuentuari është “Denali” i krijuar me 1917 rreze malit McKinley. Por në vitin 1980 kongresi amerikan aprovoi “Alaska national interest lands conservation act”: 46 milionë ha tokë të destinuar për krijimin e rezervave për kafshët e egra. Prepotente natyra e Alaskës me vizituesit, i lidh për gjithnjë, pak a shumë siç i ndodh me Afrikën. Sepse jetohet me hapësirat e pakufizuara që të krijojnë marrje mendësh. Drita është e jashtzakonshme, e veëantë...

Më 3 janar 1959, territori i Alaskës u bë shteti i 49 i Shteteve të Bashkuara. Presidenti Eisenhower nënshkroi proklamat në të cilën si shtet dhe nën urdhërin ekzekutiv i cili kërkonte që në flamurin e Shteteve të Bashkuara tani të përfshiheshin 49 yje. Alaska njihej si “Amerika ruse,” para se Shtetet e Bashkuara t'ja blinin këtë territor Rusis në vitin 1867. Alaska, e cila ka një sipërfaqe prej më se një milion e gjysmë kilometrash katror ,ose sa një e pesta e sipërfaqes kontinentale të Shteteve të Bashkuara. Nga nëntoka e Alaskë janë nxjerr sasi të shumta nafte dhe gazi natyror, dhe mendohet se nëntoka e këtij territori mban rezerva të tjera më të mëdha, ende të pa shfrytëzuara por që ruhen si rezervate. Alaska ka gjithashtu pasuri të shumta minerare. Por rregullat dhe ligjet federale për mbrojtjen e mjedisit kan vendosur kufizime ndaj punimeve minerare, në mënyrë qetë mos dëmtohet mjedisi natyror i Alaskës. Klima e ashpër e këtij territori ka qenë gjithashtu një faktor që ka ndikuar në mbrojtjen e burimeve natyrore të Alaskës.