11 vjetori i Këshilli Kombëtar Shqiptaro-Amerikan

-- nga Beqir SINA, Nju Jork

Clark: Pavarësia e Kosovës jo më larg se fundi i këtij viti.

MIDTOWN - MANHHATAN NY: Mbrëmje madhështore në një mjedis të mrekullueshem, u mbajt dje, në lokalin super-klas "Cipriani", në qendër të Nju Jorkut, para rreth 500-600 pjesmarrësve. Ishte Këshilli Kombëtar Shqiptaro-Amerikan, i cili organizioi darkën e 11 vjetorit të krijimit. Kjo darkë është një manifestim tradicional, që organizohet për të njëmbëdhjetën herë, dhe zakonisht në shtator, ku vitet e fundit, po mbahet në sallën e restorantit "Cipriani".

Kësaj rradhe kjo darkë u mbajt, vetëm 70 ditë nga shpallja e pavarësië së Kosovës, e cila, sipas të gjitha gjasave përfundon më 10 dhjetor, kohë e përcaktuar si afati i fundit i përfundimit të 120 ditëve të bisedimeve mes Beogradit e Prishtinës. Në darkën vjetore të Këshillit Kombëtar Shqiptaro-Amerikan, të cilën e udhëhoqi Drejtori Egzekutivë i KKSHA, zoti Avni Mustafaj, dhe Albana Osmani prezatuese nga Shqipëria, morën pjesë figura të spikatuara shqiptaro - amerikane të politikës, artit, kulturës, sportiti, biznesmen të fuqishëm, student, dhe veprimtarë e aktivistë të dalluar të çështjes shqiptare, në SHBA, Shqipëri, Kosovë e trojet shqiptare. Kanë qenë të pranishëm misitri i Jashtëm i Shqipërisë zoti Lulzim Basha, Ministrja e Ministrisë së Shërbimeve Publike znj. Melihate Tërmkolli, zyrtari i lartë i departamentit të shtetit Chris Hows, drejtor për Europën - Juglindore, Joshua Black, nga Kosova Desk Office, Lisa Gregory nga Albania Desk officer, Jaems Pettifer, shkrimtar e analistë i njohur britanikë, Murat Jashari, i nipi i heroit legjendar Adem Jasharit, nipi i ish-presidenti Ibrahim Rugova, Naser Rugova, anëtarë i kryesisë qëndrore të LDD, regjizori Stan Dragoti, Presidenti i KKSHA, Richard Lukaj, veprimtarët Harry Bajraktari, Lumi Hadri, Ramadan Gashi, Agim Rexhaj, Elmi Berisha, ambasadori i Shqipërisë në Washington Aleksadër Salabanda, ambasadori i Shqiperise ne OKB, Adrian Neritani, diplomatët Lublin Dilja dhe Kershnik Çollaku, deputeti i parlamentit të Mali të Zi, Luigj Shkreli, avokati Fatos Dervishi e tjerë.

Darka e 11 vjetore e Këshillit Kombëtar Shqiptaro-Amerikan Hymnet kombëtare të Shqipërisë dhe SHBA-s, u kënduan nga Silvia Tohsun dhe këngëtarja nga Tirana Soni Malaj. Bekimi i darkës, u krye sipas riteve ortodokse e katollike, prej Artur Liolinit, kancelar i Kryepeshkopates Shqiptare në Boston,dhe Famullitari i Kishes Katolike Shqiptare “Zoja e Shkodres” ne Hartsdale, New York, i perndershmi Dom Pjeter Popaj. Ministri i Punëve të Jashtme të RSH, Lulzim Basha, i dorzoi çmimin "Duart e shpresës", ish-Komandantit i Trupave të NATO-s në Kosovë, gjatë fushatës ushtarake të vitit 1999, gjeneralit në pension Wesley Clark, ish-kandidat për president dhe emër i lakuar për sekretar i mbrojtjes. Krahas këtij çmimi, sivjet u ndan edhe çmimet për vepër jetësore. Me këtë çmim post mortum u nderuan Presidenti historik i Kosovës, Dr Ibrahim Rugova, dhe komandanti legjendar i Ushtrisë Çlirmitare të Kosovës, Adem Jashari.

Darka e 11 vjetore e Këshillit Kombëtar Shqiptaro-Amerikan, e cila është një manifestim i madh ndër më të mëdhat në komunitet, u shoqëruar me një spektakël të bukur muzikor dhe iu dedikua gjatë gjithë kohës pavarësisë së Kosovës.

Shqiptarët, kurrë nuk do ta harrojnë rolin e veçanti të SHBA-së si bartësi kryesor i çlirimit të Kosovës dhe prijësi i pavarësisë. Shqiptarët kurr nuk e kanë vënë në dyshim se suksesi politik nuk do të ishte as i afërt më këtë të sotmin, po që se në kreun e komandës së NATO-s për Evropë në vitin 1998-1999, të mos ishte një njeri i aftë dhe i vendosur, si gjenerali Wesley Clark.
Shqiptarët, e vleresojnë gjeneralin Clark si mikun e madh të tyre për rolit që kishte ai gjatë luftës së Kosovës në cilësinë e komandantit të lartë të NATO-s. Ish Komandanti i Trupave të NATO-s në Kosovë gjatë fushatës ushtarake të vitit 1999, gjenerali në pension Wesley Clark, duke ju referuar luftës 78 ditore në Kosovë, kundra caqeve serbe dhe bombardimit të Sërbisë gjatë fjalimit të tij tha se largëpamësia, mençuria dhe urtësia e Rugovës si dhe akti heroik i familjes Jashri e Adem Jasharit e nxitën atë dhe NATO-n, të bombardonte Millosheviçin, një skizofren i çuditëshëm.

Pavarësia e Kosovës jo më larg se fundi i këtij viti.
Duke folur me disa fjalë përshëndetëse në gjuhën shqipe, në fillim të fjalës së tij Clark, më pas anglisht ai tha se "Ne punuam në mënyrë efikase me aleatët tanë, gjatë fushatës kundër Milosheviqit". Sipas tij, përdorimi i një serë mundësish diplomatike, ushtarake dhe ligjore, deri në takime ballë-përballëje në Beograd me Millosheviqin, ne siguruam më pas siç shtjellojë ai ngjarjet, jo vetëm triumfin e SHBA-ve ndaj Serbisë dhe i dhamë fund spastrimit etnik kundër shqiptarëve të Kosovës, por, gjithashtu ndikuam edhe në permbysjen e Millosheviçit, i cili përfundoi më pas në Hagë, ku edhe vdiq."

Wesly Clark, me nostaligji gjatë fjalës sjell ne mendje edhe episode nga ngjarjet e viteve 1998-1999. Nje njeri vendimtar ne fushaten ajrore kunder forcave ushtarake te Sllobodan Miloshevicit risjell fjalet e ish presidentit maqedonas Trajkovskit se “Shqiptaret, nuk jane si te tjeret, ata do te luftojne”, i kujton me saktesi fjalet qe ne marsin e vitit 1998 degjoi nga ish-presidenti maqedonas. Trajkovski i kishte shprehur atij deshiren te takohej, teksa gjenerali ndodhej ne Maqedoni per te inspektuar trupat amerikane. “Do te kete trazira ne Kosove”, - i kishte thene Trajkovski drejtuesit ushtarak te Aleances Atlantike te Veriut.

Gjenerali Clark, ka entusiazmuar dhe ngritur në këmbë duke përplasur duart nxehtësisht, të gjithë pjesmarrësit, të cilët, brohoritën më pasë fuqishëm disa herë "USA-USA-USA", kur ai tha se, "Kosova , deri në fund të vitit, do të jetë e Pavarur. Presidenti Bush në Tiranë në qershor, tha Clark, e ka bërë shumë të qartë qëndrimin e palëkundshëm amerikan mbi pavaresinë e Kosovës, tha ai. Kosova do të jetë e pavarur sepse ky është vullneti i shumicës së popullit atje. Ky është parimi i duhur dhe SHBA do të punojnë për të arritur këtë qëllim, jo më larg se fundi i këtij viti.

Gjenerali Clark i bëri thirrje me anë të zyrtarit të lartë të departamentit të shtetit Chris Hows, drejtor për Europën - Juglindore, që të përcjell mesazhin Qeverisë Amerikane, presidentit Bush, sekretares së Shteiti Kondelca Rice, Nikola Berns e tjerë, se "Shqipëtarët, kanë ndjenja të pakushtezuara pro-amerikane." "Shqipëtarët, janë të sigurtë se janë populli me pro-Amerikan në Europë dhe ndoshta edhe në Botë", tha Clark, në asnjë vend të Botës, nuk mund të gjesh respektin dhe dashamirësinë e shqiptarëve." - është shprehur ish Komandanti i Trupave të NATO-s në Kosovë, gjatë fushatës ushtarake të vitit 1999, gjenerali në pension Wesley Clark, ish kandidat për president dhe emër i lakuar së fundi për sekretar i mbrojtjes, nëse fitojnë demokratët.