Pavarësia e Kosovës vjen me ndihmën e Shteteve të Bashkuara të Amerikës dhe personalisht të presidentit amerikan George W. Bush

-- nga Beqir SINA, Nju Jork

Bexhet Pacolli dhe vizioni i tij për një Kosovë të Re, u shpalos në Nju Jork

Broadway - Times Square NY: I frymëzuar nga e kaluara e tij dhe eksperienca disa vjeçare në perendim, zoti Bexhet Pacolli, solli mbrëmë në një takim promovues të partisë të tij në Shtetet e Bashkuara të Amerikës, vizionin e tij për një Kosovë të re, dhe atë për të ndërtuar një të ardhme të re në Kosovë.

Bexhet Pacolli, ndërrmarrësi dhe bamirësi i mirënjohur dhe themeluesi i partisë më të re në Kosovë, e pagëzuar me emrin vizonar Aleanca Kosova e Re- po viziton SHBA,.Aleanca Kosova e Re (ARK) është një parti politike nga Kosova, që u formua në vitin 2006. Kryetari i ARK është Behgjet Pacolli. Ai mbrëmë ishte në një takim me komunitetin shqiptar në Nju Jork, takim ky ku morën pjesë edhe dhjetra personalitet të njohura të komunitetit, të dalluar në fusha të ndryshme. Në takimin e mbajtur në zemërën e Nju Jorkt, "Times Square" lokalin "Tony's DiNapoli", në Broadëay, prezantojë komunitetit Shqiptarë në Amerikë, programin e partisë së vet dhe vizionin e tij për Kosovën e Re. Pjesmarrësit patën rastin unik dhe i drejtuan zotit Pacolli një sërë pyetjesh të cilat kishin lidhje me fjlaën e tij.

Në këtë takim zotit Pacolli iu bashkëngjiten edhe Ambasadori William Walker, ish-Drejtor i Misionit të OSBE-së për Verifikim në Kosovë, ose i njohur nga shqiptarët si Heroi i Reçakut së bashku me zotin Janush Bugajski (Janusz Bugajski) një ndër njohësit më të mirë amerikan të situatës politike në Evropën Lindore. Në pozitën e drejtorit te Qendrës Strategjike për Studime Ndërkombëtare në Uashington.

Ishin të pranishëm biznesmen të fuqishëm shqiptaro amerikanë, politikanë, gazetarë, artistë, sudentë që studion në universitetet amerikane. Ndërsa luajti në piano pjesë klasike pianistja e talentuar Blina Sheholli, tubimin e moderojë veprimtarja e njohur e komunitetit Lumi Hadri.

Kryetari i Aleancës Kosova e Re, z. Bexhet Pacolli foli për rrjedhat e përgjithshme politike në Kosovë, platformën e tij dhe synimet që ka ai për një Kosovë të re. Ai foli edhe për procesin e definimit të statusit politik të Kosovës. Ndërsa gjendjes ekonomike në Kosovë, papunësisë, sistetmit të drejtësisë, shëndetësisë dhe sigurimeve shoqërore, korrupsionit dhe kriminalitetit, me anë të programit të politik të AKR-së, e cila siç tha ai në zgjedhjet e ardhëshme do të jetë parti kryesore pasi sipas sondazhve do të marë rreth 24% të parlamentit, do të jenë çështje kardinale.. Duke folur rreth procesit negociator dhe statusit final të Kosovës, z. Pacolli njoftoi të pranishmit se qëndrim i subjektit të cilin ai e drejton është se pavarësia, është opsioni i vetëm i pranueshëm për qytetarët e Kosovës i cili vjen në planë të parë me ndihmën madhore të Shteteve të Bashkuara të Amerikës dhe personalisht të përsidentit amerikan George W. Bush.

Kryetari i Aleancës Kosova e Re, z. Bexhet Pacolli i njoftoi bashkëbiseduesit me programin politik dhe vizionin e AKR-së, aktivitetin që AKR-ja është duke zhvilluar në Kosovë, mënyrën se si AKR-ja e sheh qeverisjen e ardhshme të Kosovës, statusin politik të Kosovës, e në veçanti u fol për programin ekonomik të AKR-së i cili sipas z. Pacolli është garanca më e mirë në suksesin e AKR-së gjatë mandatit të saj qeverisës.

Z. Pacolli falënderoi dhe vlersoi si të jashtëzakonshëm, rolin dhe kontributin e shqiptarëve të Amerikës , për çështjen kombëtare, përkatësisht për çlirimin e Kosovës. Ai po ashtu, njoftoi të pranishmit për rezultatet e arritura të AKR-së, për periudhën njëvjeçare dhe gjithashtu prezantoi të arriturat e fundit në parti që lidhen me konsolidimin e strukturës së AKR-së, prgramin politik dhe vizionin e AKR-së për zhvillimin ekonomik. Sipas kryetarit të AKR-së, Kosova duhet të jetë shtet i pavarur i njohur ndërkombëtarisht, i zhvilluar ekonomikisht dhe i gatshëm për integrimet euro-atlantike. Z. Pacolli, shprehu qëndrimin tashmë të qartë të subjektit politik që ai drejton, duke thënë se krijimi i partisë së tij dhe futja e tij në politikë nuk e dëmtonë aspak, çështjen e Kosovës, por, përkundrazi partia e tij dhe vet zoti Pacolli do t'a ndihmojnë edhe më shumë Kosovën.

Dhe, vetëm se do të përmbushin ato çka nuk është bërë deri tani në Kosovë, dhe atë që populli i mrekullueshem kosovar ka qe 9 vjet që e pret, dhe ka mbetur në një gjendje të mjerueme,tha Pacolli. Kosova në fazën e pas statusit do të ketë nevojë për politika zhvillimore me fokus në ekonomi. Aleanca Kosova e Re, vlerëson se këto politika zhvillimore mund të arrihen duke zgjedhur problemin me energjinë elektrike, ndryshimin e politikave në favor të biznesit dhe politikën e investimeve të huaja në vend, u shpreh në fund të takimit kryetari i AKR-së, z. Behgjet Pacolli.