Reagime të shqiptaro-amerikanëve për zgjedhjet në Kosovë

-- nga Beqir SINA, Nju Jork

Zgjedhjet - Populli i Kosovës dëshmoi se e mertion pavarësinë

NEW YORK NY: Më 17 nëntor në Kosovë, u zhvilluan zgjedhje parlamentare dhe vendore. Sipas analizave të politikanëve shqiptarë e të huaj ato janë kyçe për pavarësinë e Kosvës. Afro 1 milion, nga 1.5 milion votues të Kosovës votuan të shtunën për 120 deputetë parlamentarë, këshilltarë bashkiakë dhe kryetarë bashkie në 30 bashkitë e Kosovës. 20 vende në parlament janë lënë sipas ndërkombëtarve për minoritetet. 10 prej tyre janë për serbët, megjithëse ata pjesërisht i bojkotuan me urdhër të Beogradit zgjedhjet. Në fushatën paraelektorale të gjitha partitë e shqiptarëve të Kosovës premtuan pavarësinë e Kosovës.
Në reagimet e disa prej veprimtarëve dhe liderve shqiptar në Shtetet e Bashkuara të Amerikës për gazetën kombëtare të përditëshmen Bota Sot, vlersohet lart kultura demokratike e votimeve, se dhe pritet, që sa më parë të krijohet qeveria e re kosovare, dhe pas 10 dhjetorit të shpallet pavarësia e Kosovës.

Një veprimtare e dalluar e komunitetit, Lumi Hadri, thotë se: "Patëm rastin që nëpërmjet TV në sistemin satelitor të ndjekim nga afër zgjedhjet e përgjithëshme dhe lokale në Kosovë. Përgëzojmë këto zgjedhje për atë që kaluan pa ndonjë incident. Dhe që populli i Kosovës i tregoi botës, se është një popull i denjë dhe i cilvilizuar - një popull me të vërtet europian me tradita demokratike. Në këtë kontekst nuk mundem pa vlersuar edhe fushatën interesante parazgjedhore dhe zgjedhore që zhvilluan kandidatët. Duke stilizuar e emituar në disa forma fushtatat zgjedhore sipas stilit amerikan. Unë mendojë gjithashtu se obskurantizmi i Beogradit, dhe disa liderve serb në Kosovë, që bojkutuan me mos pjesmarrje në zgjedhje - dëmton në radhë të parë vetë serbët e Kosovës, të cilët pretendojnë të jetojnë në shoqëri multientike.

Ajo mendon se: "Për këtë shkak të brishtë, ende ata e konsiderojnë Beogradin kryeqytet të tyre. Unë shpresoj, thekson Hadri, që të gjitha premtimet që u bënë nga partitë në elektoratet e tyre do të realizohen në praktikë. Tani pas këtyre zgjedhjeve të suksesëshme, ka ardhur koha të "përvjelim mëngët" dhe ty hyjm punëve të mëdha duke filluar me shpalljen e pavarësisë. Rruga që do të kurorëzojë më në fund - dhe do të vërë në jetë vullnetin e popullit të Kosovës. Gjithashtu ky akt do të hap rrugën për arritje të tjera. Siç është përmisimi i gjendjes sociale të popullatës së Kosovës, duke përfshirë ekonominë, mjekësin, ndërtimin, mësimin e të gjitha kulitetet e jetës së banorëve, joshjen e investiemeve të huaja.

Dr. Skender Kodra, Ph.D, kryetar i Akademisë Shqiptaro - Amerikane të Shkencave thotë se "Kosova me këto zgjedhje, dha provën ndërkombëtare se është e gatëshme për formimin e shtetit të ri të Kosovës. Populli i Kosovës dëshmoi përpara gjithë botës, se jo vetëm që është i aftë të votojë në mënyrë demokratike, por se në bashkëpunim të ngushtë me Shtetet e Bashkuara dhe Bashkimin Evropian, ai është duke u ndërtuar bashkë me pavarësinë, edhe një shtet të denjë e të merituar në Evropë".

Ndërsa, Drejtori Egzekutivë i Këshillit Kombëtar Shqiptaro Amerikan (KKSHA), zoti Avni Mustafa, ka mendimin se zgjedhjet e 17 nëntorit në Kosovë, janë një hap i rëndësishëm per të ardhmen e Kosovës. Ne i përcjellim urimet më të mira me këtë rast Partisë Demokratike të Kosovës, dhe liderit të saj zotit Hashim Thaqi për këtë fitore. Gjithashtu , faleminderojmë, popullin e Kosovës, i cili edhe kësaj rradhe demostrojë e vlerat e verteta të demokracisë. Vlera të cilat këto po e prezantojnë Kosovën si një vend me të gjitha prnicipet europiane. Një vend që meriton më shumë, për të marrë pavarësinë, që populli i saj dhe shqiptarët e aspirojnë. Ne shpresojmë që pas këtyre zgjedhjeve, do të formohet edhe qeveria e re, e cila do të jetë e aftë të krijojë sa më shpejt institucionet e saj të gatëshme, për të përmbyllur bisedimet shtesë, të cilat, duhet të përfundojnë më 10 dhjetor. Kosova pas 10 dhjetorit, dihet do të shpallë pavarësinë dhe shumë shpejt rreth 25 vende europiane janë të gatëshme të njohin pavarësinë e saj së bashku me SHBA-ës, ka konkluduar zoti Mustafaj.

"Me shumë interes dhe vëmendje, e kemi përcjellur fushatën zgjedhore, dhe zgjedhjet parlamentare e vendore në Kosovë. Fushat dhe zgjedhje këto të cilat i kaluan të gjitha parashikimet për një akvititet mjaft të realtë dhe të balancuar, dhe një votim model për Ballkanin e rajonin. Por, mjaft domethënse, thotë veprimtari Sejdi Hysenaj, ishin këto votime të cilat, treguan se "shkolla" e demokracisë në Kosovë, funksionon ende. Ajo është "shkolla" e ngritur nga udhëheqësi i saj historik, ish presidenti i ndjer I. Rugova, i cili ka lënë gjurmët e veta tek populli i Kosovës."

Në këtë frymë ka qënë në reagimin e tij dhe n/kryetari i Vatrës dhe krytari i LDD-s, dega e Nju Jorkut me rrethe zoti Agim Rexhaj. Vota e së shtunës e popullit të Kosovës, tha ai na ka bërë të mburremi me qytetërinë, kulturën demokratike dhe vetëdijen shtetëformuese që u manifestuan në këtë çaste vendimtare. Ajo që, klasa politike e Kosovës e promovoi gjatë fushatës, më në fund mori edhe votën e popullit. Prej çlirimit të Kosovës, udhëheqësi legjendar i ynë, ish presidenti Rugova e trasoi këtë rrugë, e cila po ndiqet edhe sot nga populli i Kosovës, ka thënë Rexhaj, duke votuar për të ardhmen e Kosovës.

"Redaktori përgjegjës i gazetës sonë z. Dervish Jahjaga, i shikon këto zgjedhje si një mundësi për të gjitha partitë politike për të punuar së bashku, sipas vendeve që do të marrin në parlament e qeverinë e re, njësojë si një mundësi për të i a arritur aspiratave e dëshirave të gjithë popullit të Kosovës për të fituar pavarësinë, e cila shpreh edhe njëher veçse atë vullnetin e deshirën e të gjithë kombit shqiptarë".