DITËLINDJA E VATRËS DHE 95 - VJETORI I SHPALLJES SË PAVARËSISË SË SHQIPËRISË - DITA E FLAMURIT FESTOHEN NË NEW YORK

-- nga Beqir SINA, Nju Jork

DITA E FLAMURIT - 95 VJETORI I SHPALLJES SE PAVAREISE SE SHQIPERISE NDEZI ZEMRAT E SHQIPTAREVE TE AMERIKES

BRONX - NEW YORK: Për herë të parë në historinë e shqiptarëve të Amerikës, nën ombrellën e Vatrës, u mblodhën për rreth saj në një dark të përbashkët festive, kushtuar Ditës së Flamurit - dhe 95- Vjetorit të themellimit të Vatrës, 21 organizata, shoqata, dhe komunitetet fetare të tre besimeve. Mbrëmja festive u mbajtë në lokalin "The Esatwood Manor" - Bronx, New York. Pjesëmarrës ishin: "Qëndra Islame Shqiptaro - Amerikane për New York dhe New Jersey, Kisha Katolike Shqiptare në Amerikë, "Zoja e Shkodrës", Kisha Ortodokse Shqiptare "Shën Kolli", Shoqata "Drita Hyjnore e Tarikateve" në Nju Jork, Blloku Kombëtar Indipendent, Liga Qytetare Shqiptaro- Amerikane, Fondi Don Simon Filipi, Fondi Humanitar Malësia, Këshilli Kombëtar Shqiptaro Amerikan, Lidhja Demokratike e Dardanisë, Lidhja Demokratike e Kosovës, Organizata e Grave "Motrat Qiriazi", Partia Bashkimi Demokrat Shqiptar, Partia Lëvizja e Legalitetit, Shoqata Ana e Malit, Shoqata Atdhetare Kraja, Shoqata Atlantiku, Shoqëria Çamëria për të Drejtat e Njeriut në Amerikë, Shoqata Dedë Gjon Luli, SHKA Bashkimi Kombëtar, Grupimi Shqiptaro Amerikanët për Demokraci."

Mirëseardhjen të pranishmëve, u a urojë kryetari i "Vatrës", z. Agim Karagjozi."Është me të vërtet një kënaqësi e madhe, tha ai kur në një festë të tillë të shohim kaq shumë shqiptarë të festojmë së bashku në këtë sallë. Shpresojë që në të ardhmen të bëhemi edhe më shumë në këtë gëzim gjithëshqiptarë. Ju urojmë të gëzoni festën dhe të kaloni një mbrëmje të gëzueshme dhe mbresalënëse. Dita e Flamurit, është festa jonë më e madhe kombëtare. Është rasti i mirë për të gjithë shqiptarët brenda dhe jashtë atdheut, të festojmë dhe meditojmë për të ardhmen tonë. Pasi jemi në vigjilje të një gëzimi shumë më të madh - vitin e ardhëshëm të festojmë së bashku edhe pavarësinë e Kosovës, ka thënë kryetari i Federatës PanShqiptare Vatra, inxh. Agim Karagjozi,

Ndërsa, përshëndetjen në emër të "Vatrës" u bë nga drejtuesi i mbrëmjes festive z. Kreshnik Zhabjaku.

Lutja fetare, ose bekimi i darkës, sipas "rotacionit", kësaj rradhe i takoj I Përnd. Imam Edin Gjoni nga Qëndra Islame Shqiptaro Amerikane, Queens. Hymnet kombëtare të Amerikës dhe Shqipërisë, u kënduan nga këngëtarët e njohura të komunitetit Dila Geci dhe Merita Halili. Rreth 500 pjesëmarrës mbajtën edhe një minutë heshtje, për për të kujtuar, e nderuar dëshmorët e kombit shqiptar dhe amerikan në vite - Në mesin e pjesëmarrësve pati edhe personalitete të rëndësishme, artistë, biznesmen, lider fetar, kryetarët të degëve të partive, student e të tjer. Mori pjesë edhe ambasadori i RSH, pranë misonit të përherëshëm të Shqipërisën në OKB - z. Adrian Neritani, z/vendës ambasadori i Shqipërisë në Washington, z. Kreshnik Çollaku, diplomati Lublin Dilja, konsulli i përgjithëshëm dr. Albert Jerasi, kongresmeni Joseph Crowlye, ish kongresmeni J. DioGuardi dhe Shirli Cloyes - DioGuardi, etj.

Folësi kryesorë, Juristi i njohur Agron Alibali, tha se "Themelimi në Vlrorë më 28 nëndor 1912 i shtetit të pavarur shqiptar, është ngjarja më e rëndësishme në historinë moderne të kombit tonë të lashtë. Një ndihmes thellbësore në këtë përpjekje gjigande mbarëkombëtare, luajti mërgata shqiptare në Evropë dhe Amerikë, ku kryet e vendit e zë Federata PanShqiptare Vatra. Vatra, tha ai u themelua në Boston në Prill të vitit 1912, ose 6 muaj përpara shpalljes së Pavarësisë. E udhëhequr nga burra ndriçimtarë si Peshkop Fan Noli e Faik Konica - Vatra u kthye në organizatën që punonte për shpëtimin e kombit shqiptar nga copëtimi, asimilimi dhe zhdukkja si për afirmimin e vlerave të përbashkëta të miqësisë midis popullit amerikan dhe atij shqiptar.

Një përshëndetje të veçantë bëri me rastin e ditës së Flamurit, miku i çmuar i shqiptarëve, Kongresmeni i New Yorkut, Distrikti i VII-të, Bronks e Quins. Joseph Crowley. Gjithashtu, përshëndetje të rastit u bë nga ish Kongresmeni i Nju Jorkut, Joseph J. DioGuardi presidenti vullnetar i Ligës Qytetare Shqiptaro - Amerikane dhe prej kryetarit të Fondit Humanitar "Malësia " Kol Cacaj.

Poezi enkas për këtë festë, recitojë Dhimitra Dajçi Xenopulo. Ndërsa, valle, këngë e melodi nga të gjitha trevat, lujati grupi muzikor nga Nju Jersi nën drejtimin e mjeshtrit të muzikës Raif Hysenit, me këngëtarët e njohur Merita Halili, Dile Geci, Mit'hat Salihu - Kino, dhe DJ Radio Melosi. më pasë edhe pjestarët e Grupit "Bashkimi Kombëtar" luajtën disa pjesë muzikore me instrumentat e tyre.

Bashkatdhetarët tanë nga Dibra e Madhe në Nju Jork e festuan 28 Nëntorin - 95 vjetorin e Shpalljes së Pavarësisë së Shqipërisë

BENSONHURST - BROOKLYN, NY: Sot, kur e përkujtojmë këtë datë historike, kemi arsye të gëzohemi, por edhe të mendojmë për të ardhmen tonë, theksuan udhëheqësit e Shoqatës Atdhetare Dibrane, gjatë fjalimeve të tyre në mbrëmjen festive kushtuar 95 - Vjetorit 28 Nëntorit 1912 - Ditës së Flamurit, - Ditës së Shpalljes së Pavarësisë së Shqipërisë.
Ata thanë se: "Kemi arsye të gëzohemi, sepse, pikërisht me 28 Nëntor 1912, u shpall pavarësia e Shqipërisë, lirimi i shqiptarëve nga robëria otomane. Kurse, edhe kemi arsye të mendojmë e punojmë, edhe më shumë, sepse më këtë pavarësi gjysma e trojeve shqiptare, mbeten fatkeqësisht, jashtë "trungut" të Shqipërisë mëmë. Kosova pa pavarësi, Kosova Lindore, Shqiptarët e Maqedonisë, ata të Malit të Zi, e Çamëria, ende nuk kanë ato të drejta që i meritojnë dhe u takojnë atyre.
Në një ambient të vogël por modest, të dekoruar me të gjitha ngjyrat e simboleve kombëtare, mbremë në një lagje nga më të banuarat nga shqiptarët, në Bruklin, në lokalin e njohur "Micali Terrace", ishin tubuar shumë bashkatdhetarë tanë, që ta përkujtojnë dhe festojnë 28 Nëntorin, festën tonë më të madhe kombëtare. Ishin tubuar t'a përkujtojnë këtë ditë të shënuar, 28 Nëntorin e vitit 1912, kur plaku i urtë e i mençur Ismail Qemail, i e ngriti flamurin në Vlorën heroike, duke shpallur pavarësinë e Shqipërisë dhe realizmin e ëndrrës shekullore të shqiptarëve.

Mbremja u udhëhoqë nga n/kryetari I Shoqatës Atdhetare Dibrane z. Muharrem Borova. Si zakonisht, ajo u hap me këndimin e dy himnve kombëtare, të Amerikës kënduar nga Valentina Papraniku dhe himni i Shqipërisë, kënduar nga këngëtarja Irma Libohova. Mëpastaj me një minut në heshtje, është bërë nderimi i të gjithë, heronjëve e dëshmorëve, që ranë për çështjen shqiptare. Pastaj, të pranishmëve, u foli kryetari i Shoqatës Atdhetare Dibrane, zoti Ibrahim Kolari, i cili mes tjerash tha; "Së pari më lejoni që në emrin të këshillit të SHAD-s,në emrin e grupit organizativ, dhe në emrin tim personal, t'ju përshëndes dhe t'ju uroj festën e madhe - "Gëzuar Dita e Flamurit Tonë Kombëtarë, Dita e Shpalljes së Pavarësisë".

Në këtë ditë të lavdishme historike, ne sonte jemi mbledhur këtu, vazhdoj kryetari i SHAD-it, z. Ibrahim Kolari,- të përkujtojmë të gjithë ata që luftuan për shpalljen e pavarësisë së Shqipërisë dhe çlirmin nga Perandoria Otomane. Në këtë nëntor ne kujtojmë po ashtu të gjithë ata që ranë në luftë për çlirimin e Kosovës dhe të gjithë ata që luftuan për të drejtat e shqiptarëve në Maqedoni, Mal të Zi, Preshevë me rrethinë dhe Çamëri.
Mirëpo, sot ne kemi edhe një arsye tjetër të tregojmë, se përse shqiptarët, janë me fat që kanë një diasporë të fuqishme, të përkushtuar për mbrojtjen e çështjes kombëtare. Pasiqë, u shpreh Kolari, pa ndihmën e diasporës, as Shqipëria e as Kosova nuk do të ishin në këtë gjendje, ku janë sot. Ne jemi me fat që kemi aleat Amerikën tonë, që ka bërë aq shumë për kombin shqiptar, ceku në fjalën e tij Kolari.
Mirpo, gjatë fjalës së tij, ai nuk la pa permendur edhe faktin se kjo mbrëmje përputhet edhe me ditën e njohur këtu në Amerikë si "Thanksgiving" që do të thotë dita e "Faleminderimeve". Prandaj, ai ka shfrytëzuar rastin që t'ju a urojë këtë fest të madhe të Amerikës, të gjithë të tubuarve, dhe të lutemi për pavarësinë e Kosovës.
Duke u ndalur tek çështja shqiptare sot, ai tha se ne nuk duhet të jemi të kënaqur me të drejtat e shqiptarëve në Maqedoni, sepse, ata nuk i gëzojnë të drejtata që i meritojnë. Fatkeqësisht, "Marrëveshja e Ohrit", sipas tij ende nuk është realizuar në praktikë. Fajtore për këtë, ka thënë z. Kolari, është qeveria e Maqedonisë, por edhe shqiptarët kan fajin e vet. Ata nuk po arrijnë të bashkohen rreth qëllimit të shejntë kombëtar. Kështu që, ne u bëjmë apel partive politike që shqiptarët të punojnë së bashku për të mirën e kombit tonë, pohojë ai.

Zonja e Zotërinjë, ne me këtë rast përshëndesim zgjedhjet e fundit në Kosovë, të cilat, kaluan në një mënyrë paqësore e demokratike dhe ju bëjmë apel gjithë klasës politike që në momentin e duhur të shpallin pavarësinë e Kosovës, për të realizuar ëndërrën shekullore të shqiptarëve, e për të plotësuar amanetin e gjithë dëshmorëve që ranë në luftë për lirinë e Kosovës.
Motra e vëllezër ! iu drejtua të tubuarve në fund të fjalës së tij, kryetari i SHAD-it, z. Ibrahim Kolari,- 28 Nëntori i viti 1912 i dha fund robërisë shekullore. Patriotët tanë në krye me Ismail Qemalin shpallën pavarësinë e shtetit shqiptar, por fatkeqësisht mese gjysma e tokave shqiptare mbeten jashtë kufirit. Përpjekjet për bashkimin e tokave nuk kanë pushuar anjëherë e nuk do të pushojnë kurrë. Shqipëria Etnike është ideali ynë kombëtar.
Pjesëmarrësit, i përgëzojë ,në këtë ditë të shënuar edhe n/kryetari i Shoqatës Atdhetare Dibrane z Muharrem Borova. "Jemi mbledhur sonte, këtu për t'i zgjatur dorën njëri tjetrit, dhe për të kujtuar atë ditë, tha ai kur u ngritë në Vlorë flamuri ynë kombëtar. Për këtë qëllim, viojë Borova, faleminderojë, edhe një zonjë të madhe, e cila me vullnetin e saj të palodhëshëm ndihmon Shoqatën Atdhetare "Dibrane".dhe komunitetin tonë, pikërishtë ajo zonjë e cila me luftë e skarifica, pa asnjë lloj pretendimi e interesi, është nga hera pranë nesh, ajo është Shyrhete Haskaj.

Në këtë mbrëmje të shejntë - shoqata Atdhetare "Dibrane", foli Borova, e cila në gjirin e saj tubon dibranët e Amerikës, ka krijuar traditën e saj me organizmin e festave të tilla, kombëtare, ku bie në sy festa e flamurit - shpallja e pavarësisë së Shqipërisë. Festë, e cila, këtë ditë të madhe të gëzimit tonë, të ditës së shënuar, ka mbledhur shumë dibranë të moshave e gjinive të ndyshme. Por, kësaj rradhe, theksoi ai me pjesëmarrjen e vet, ne na kan nderuar edhe shumë vëllezër e motra, nga Prishtina, Vlora, Tirana, Fieri, Korça, Pogradeci, Përmeti, Durrësi, dhe Çamëria., për të gëzuar së bashku këtë ditë të shenjët të 28 Nëntorit.

Më pastaj mbremja festive kaloi në programin artistik. Për argëtimin e kësaj mbrëmje festive disponoi argëtimi me shumë profesionalizëm e mjeshtëri, nga orkestra muzikore e grupit Alba, në drejtimin e Edmond Xhanit, me këngëtarët, Irma Libohova, Luljeta Pëllumbi, dhe Muharrem Borova. Mysafire speciale kësaj mbrëmje festive ishte këngëtarja nga Tirana, Irma Libohova. Nëpërmjet këngëve, melodive e valleve interpretuar prej tyre, ata sollën me plot embëlsi, kënaqësin e dëshiruar duke e bërë festën edhe më të bukur. Përveçse valleve, melodive e kenget popullore nga te gjitha viset, dhe interpretimin e shkëlqyer të këngëtares nga Tirana, e bënë edhe më entuziaste e më të gëzueshme këtë mbrëmje, edhe fëmijët e talentuar Sara Gjurkaj (Xhelali) e bija e këngëtares Lujeta Pëllumbi, dhe Justice Zoto.

Kremtimi i Ditës së Flamurit në Greensboro të Karolinës së Veriut

Greensboro - Karolina: Kremtimi i Pavarësisë së Shqipërisë dhe i rivalëvitjes së Flamurit mbarëkombëtar mbas afro 500 vjet pushtimi otoman, së bashku me Pavarësimin shumë të afërm të Kosovës, në Greensboro të Karolinës së Veriut më 25 nëntor 2007 tuboi 300 shqiptarë dhe miq të ftuar amerikanë. Midis pjesëmarrësve ishin shumë shqiptarë nga Virgjinia, Karolina e Jugut dhe Tenësi.

Mjedis i hareshëm ky, zbukuruar nga njerëzit e shumtë dhe fëmijtë me veshje kombëtare, nderuar me flamurin e madh shqiptar dhe portretet e heronjve të Kombit: Gjergj Kastrioti, Ismail Qemali, Adem Jashari.

Tubimi u hap me hzmnin kombëtar dhe një minutë heshtje në nderim të të rënëve për çështjen kombëtare. Fjalën e rastit e mbajti z. Bahri Ramadani, kryetar i Këshillit Drejtues të Shoqatës Shqiptare Amerikane në Karolinën e Veriut i cili nënvizoi periudhën historike që mbarë bota shqiptare po përjeton dhe vepron për më shumë ardhmëri të qëndrueshme; ai parashtroi domosdoshmërinë që brezat e rinj të përkushtohen më shumë në çështjen kombëtare dhe në veprimtaritë - drejtimin e institucioneve-shoqatave që veprojnë jashtë trojeve shqiptare.

Në vazhdën e programit të kremtimit, recitimet dhe këngët e fëmijve të drejtuara nga mësuesi i përkushtuar z. Rifat Konushevci, krijuan një mjedis edhe më të ngrohtë midis pjesëmarrësve. Këngët dhe vallet shqiptare shoqëruan pothuaj gjithë kremtimin, së bashku me ushqimin traditor të gatuar në familjet shqiptare. Gjithashtu, llotaria e kremtimit me fitues dy pjesëmarrës në te, dhuratat për Shoqatën, pagesat e anëtarësimeve në Shoqatë, përplotësuan kuadrin e kremtimit dhe te njerëzit u fuqizua bindja se Shoqata e tyre vazhdon në mbarësi. Megjithatë, kërkohen veprimtari më të shumanshme - të organizuara - të frytshme, për hir të çështjes kombëtare dhe të mirëqenies së familjeve shqiptare që jetojnë larg trojeve.

Programi i kremtimit të Ditës së Flamurit u drejtua nga z. Atalvin Zhiva, intelektual i ri Pogradecar. Urimi dhe premtimi i pjesëmarrësve ishte për Kosovën e Pavarur dhe për më shumë institucione e veprimtari mbarëshqiptare.