NJË MBRËMJE SHUMË E KËNDSHME DHE E FRYTSHME ME SHKRIMTARËT DHE PËROFESORËT E BELO HORIZONTE-s

-- nga Vera Lucia Alves Neves

Njëri nga drejtuesit e Akademisë Letrare të Minas Gerais-it, shkrimtari me famë botërore – Olavo Romano i ka premtuar shkrimtarit kosovar organizimin e një ligjërate në sallën e Akademisë, me temën "Kosova në aspektin kulturo-historik dhe traditat kombëtare të saj", kurse drejtori akademik i Fakultetit të Edukimit (Pedagogjisë) – Prof. Dr Nelson Ferriera Filho i ka kërkuar përgatitjen e një ligjërate mbi zhvillimet edukativo-arsimore dhe kulturo-artistike në Kosovë, për t'i njoftuar në këtë drejtim profesorët dhe studentët e fakultetit të edukimit, në Belo Horizonte. Në fundin e javës së ardhshme, në "Alexandrina" hapet ekspozita e parë e poezive të Engjëll Koliqit - "DHURATË DASHURIE".

Engjëll Koliqi në Belo Horizonte me shkrimtarin Olavo Romano

Belo Horizonte, 29 maj 2007 – Në qëndrimin e dytë të tij të radhës, veprimtari dhe shkrimtari kosovar – tashmë i mirënjohur në vendin tonë – Engjëll Koliqi, gjithnjë e më shumë po shton dhe po vulos suksese për karrierën e tij si shkrimtar dhe patriot, gjithnjë në shërbim të vendit dhe të popullit të tij. Kosova që në zemrat tona braziliane kishte hyrë, gjatë luftës së fundit atje, përmes birit të saj të devotshëm – Engjëll Koliqi, në brendinë tonë shpirtërore po konstrukton banesën e saj të përhershme, deri në amshim. E themi këtë, sepse biri i Saj, qoftë gojarisht, qoftë me penë, në memorien tonë intelektuale veç ka mbjellë vlerat e mirëfillta që dalin nga traditat e shenjta të atij populli të martirizuar, por gjithmonë krenar – siç thotë shpesh Koliqi, popull që botës ia dhuroi emrat e pashuar në histori – atë që bëri aktin e parë të demokracisë, të dekretuar në histori – lirinë e besimit fetar – perandori i Romës Konstantini, shenjtin që Kishës Univerzale Katolike i dhuroi Hymnin "TE DEUM" Shën Niketë Dardani, Shenjtëreshën e Dashurisë që mbarë bota e njohu si nënë, Gonxhe Bojaxhiu – Nëna Tereze.

Në Belo Horizonte

Mbrëmë, poeti kosovar, i shoqëruar nga drejtueset e Organizatës Ndërkombëtare CAN – organizatë për planifikim dhe implementim projektesh ndërkombëtare, ushtrime e planifikime ligjëratash, organizime konferencash dhe shoqërim misionesh nga jashtë – Vera Neves e Esmeralda De Carvalho Castro, ka pasur një takim shumë të frytshëm me njërin nga drejtuesit e Akadamisë Letrare të shtetit Minas Gerais, shkrimtari më i famshëm vendor e ndër më të mirët në Brazil, që ka edhe famë botërore – Olavo Romano, me drejtoreshën e pikëtakimit të shkrimtarëve "Letrat dhe Pikë" – Dagmar Braga, me drejtorin e Fakultetit të Edukimit (të Pedagogjisë) në Belo Horizonte – Prof. Dr. Nelson Ferriera Filho, etj. Këtë takim, në shtëpinë e intelektualëve të Belo Horizonte-s, siç quhet këtu lokali i pronarit Julius Cesar Pereira "Alexandrina Café Cultura e Moda" , ku edhe do të hapet ekspozita e parë e poezive të tij "DHURATË DASHURIE", në fund të javës së ardhshme, shkrimtari kosovar e ka cilësuar si një mbrëmje shumë të këndshme dhe të frytshme me profesorët dhe shkrimtarët vendorë, që po i ndihmojnë shumë në realizimin e synimeve të tij, që këtu ta afirmojë sa më shumë kulturën e popullit të tij, me të gjitha traditat e shenjta kombëtare.

Shkrimtari i madh Olavo Romano, i cili kishte marrë, qysh në mars, nga autori kosovar librin poetik "Shekulli im quhet dashuri" penën e poetit Engjëll Koliqi, e ka vlerësuar si një penë shumë e fortë dhe e ndjeshme, që di të prekë thellë në shpirtin e secilës qenie njerëzore dhe si një penë e cila gjithmonë mes njerëzve mbjell vetëm dashuri. Ai ka theksuar adhurimin e tij edhe për patriotizmin tipik të shkrimtarit kosovar, si cili, siç ka thënë Romano, do të ngritet në piedestalin e shkrimtarëve më të mëdhenj botëror. Ai ka ofruar një ndihmë speciale nga Akademia Latrare e Belo Horizonte-s, ku edhe ka ftuar Koliqin për një ligjëratë speciale me temën "Kosova në aspektin kulturo-historik dhe traditat kombëtare të saj", sikur që i ka garantuar edhe përkrahjen e kësaj akademie për botimin e veprave të tij, në gjuhën portugeze. Në radhën prioritare janë përmendur veprat në dorëshkrim të shkrimtarit kosovar "Ndjenjë Drite" (poezi) dhe "Një dashuri pa kufinj" (libër publicistik kushtuar Nënës Tereze). Në fund, siç u shpreh ai vetë – me kënaqësi të veçantë – i ka dhuruar shkrimtarit kosovar librin e tij famoz e të ilustruar mbi Shën Françeskun. Gjithashtu, i ka dhuruar edhe dy libra të tjerë të tij, për miqtë kosovarë që i njohu në mars këtu – Musa Misini (kryetar i Komunës së Vitisë) dhe Sarë Gjergji (poet e administrator i Stubllës).

Engjëll Koliqi në Belo Horizonte

Edhe drejtori akademik i Fakultetit të Edukimit – Prof Filho e ka ftuar shkrimtarin kosovar, i cili është edhe profesor i pedagogjisë, përe një ligjëratë speciale në fakultetin e tij, me temën "Zhvillimet edukativo-arsimore dhe kulturo-artistike në Kosovë", ftesë e pranuar me kënaqësi nga Engjëll Koliqi.

Në Belo Horizonte

Në Belo Horizonte