LOBING DERI NË KREUN E FEDERATËS SË BRAZILIT

Një zë anonim nga sekretaria e përgjithshme e partisë së Tij, na tha se Presidenti Lula, së shpejti, mund të rezervojë një takim privat me veprimtarin nga Kosova, Engjëll Koliqi. Engjëlli, as shoqërueset e tij - Prof. Dr. Vera Lucia Alves Neves e Prof. Esmeralda Carvalho Castro, në kuadër të Organizatës Ndërkombëtare CAN (organizatë për planifikim dhe implementim projektesh ndërkombëtare, ushtrime e planifikime ligjëratash, organizime konferencash dhe shoqërim misionesh nga jashtë), nuk na e konfirmuan këtë, por thanë se po punojnë në këtë drejtim dhe se nëse kjo ndodh, do të bëhet publike. Presidenti ynë është deklaruar ditë më parë, se Brazili do të njohë çdo zgjidhje që përkon me vullnetin e popullit të Kosovës.

Engjëll Koliqi e Prof. Dr. Vera Lucia Alves Neves, gjatë solemnitetit, ku ishte Presidenti i Brazilit

Belo Horizonte, 28 qershor 2007 - Veprimtari apolitik nga Stublla e Kosovës - Engjëll Koliqi, i cili tashmë po bën një karrierë të mirë shkrimtari edhe në vendin tonë, dje mund të themi se u muar me politikë. E themi këtë, sepse Ai iu drejtua Presidentit të Republikës Federative të Brazilit - Z. Luiz Inácio Lula da Silva, me një kërkesë publike, për njohjen e pavarësisë së Kosovës. Kërkesa publike, që u dha përmes SBT (Sistema Brasileiro de Televisão - Sistemi Televiziv Brazilian), kishte këtë përmbajtje: "Eksilenca Juaj, Z. President, jam një qytetar i Kosovës dhe quhem Engjëll Koliqi. Duke falënderuar këtë vend të madh dhe me vlera të larta njerëzore e me plot humanitet dhe solidaritet, për gjithçka që keni bërë dhe po bëni për popullin tim, ju lutem që ta thuani për këtë popull të vogël dhe për vendin tim të vogël, një fjalë të madhe - PO pavarësisë së Kosovës".

U tha se me pamundësinë që ta takonte Presidentin Lula, z. Koliqi vendosi që t'ia përcjell këtë kërkesë publike, përmes mediave. Mirëpo një zë anonim nga sekretaria e përgjithshme e partisë së Presidentit - PT (Partido dos Trabalhadores - Partia e Punëtorëve), na tha se Prof. Dr. Vera Lucia Alves Neves e Prof. Esmeralda Carvalho Castro, në kuadër të Organizatës Ndërkombëtare CAN (organizatë për planifikim dhe implementim projektesh ndërkombëtare, ushtrime e planifikime ligjëratash, organizime konferencash dhe shoqërim misionesh nga jashtë), "kishin arritur që përmes një bashkëpunëtori të ngushtë, kërkesën e shkruar të Koliqit ta përcjellin deri në dorë të Presidentit Lula, i cili e ka lexuar dhe ka premtuar se do t'i rezervojë intelektualit nga Kosova një takim privat në Brasilia".

Mbasi që ka mbaruar ceremonia madhështore e nënshkrimit të kontratave për programit qeveritar për investime nëpër shtete e regjione anembanë Brazilit, ku u nënshkruan mbi 20 kontrata për kryeqytetin tonë - Belo Horizonte dhe komunat përrreth, kontrata që kapin një shumë prej 2 bilionë (miliardë) realë (R$), e kemi takuar professor Koliqin, i cili, si zakonisht ishte i shoqëruar nga profesoreshat e nderuara - të lartëpërmendura. Që të treve ua muarëm nga një deklaratë, lidhur me këtë dhe na deklaruan më sa vijon:

Prof. Esmeralda Carvalho Castro: "Duke falënderuar ceremonialin e Qeverisë së MG (Minas Gerais-it), ne zumë vend në sallë, ku mbahej solemniteti madhështor, në sektorin e personale VIP. Z. Koliqit i erdhi një ide spontane, që t'i drejtohet Presidentit, me një kërkesë publike për njohjen e pavarësisë së Kosovës, nga ana e Brazilit, kërkesë që të shkruar aty për aty, në letra të thjeshta, ua dhamë gazetarëve të redaksive të disa massmediave. Vera Lucia një kohë të gjatë bisedoi me bashkëpunëtorë të Presidentit, të cilëve u ka kërkuar që t'ia përcjellin një kopje të kërkesës edhe vetë Presidentit".

Prof. Dr. Vera Lucia Alves Neves: "Po është e vërtetë e gjithë ajo që tha Esmeralda. Një kopje të kërkesës së Engjëllit, të shkruar me dorë, ua kam dorëzuar përcjellësve të Presidentit Lula. U kam kërkuar një takim eventual me Presidentin, për ta njoftuar me realitetin kosovar, nga vetë kosovarët. Por nuk di se a i ka mbërritur në dorë Presidentit kërkesa jonë dhe nuk mund të themi se do të takohemi me te".