QINDËRA BESIMTARË SOLIDARIZOHEN ME POPULLIN E KOSOVËS DHE KËRKOJNË NJOHJEN E MENJËHERSHME TË PAVARËSISË SË KËTIJ VENDI

-- nga Vera Lucia ALVES NEVES

Para se të mbarojë Mesha Solemne e Festës së Shën Pjetrit të Shën Palit, prifti - Atë José Trópia e ftoi mysafirin nga Kosova në altar. Engjëlli i përshëndeti qindëra besimtarë të pranishëm, duke shprehur vlerësimet e tij për vendin dhe popullin tonë dhe u kërkoi që të luten për njohjen e menjëhershme të pavarësisë së Kosovës. Të gjithë besimtarët (ishte përplot kisha) u ngritën në këmbë, u lutën bashkë për Kosovën dhe mbarë popullin shqiptar dhe e përshëndetën mysafirin me një duartrokitje të gjatë, duke brohoritur: Pavarësi e menjëhershme për Kosovën!

Engjëll Koliqi, me Atë José Trópia, duke i përshëndetur
dhe falënderuar besimtarët, në Kishën e Shën Pjetrit

Belo Horizonte, 30 qershor 2007 - Mbrëmë, veprimtari nga Stublla e Kosovës - i shquar dhe tashmë shumë i nderuar e respektuar në vendin tonë - Engjëll Koliqi, mori pjesë në Meshën e Shenjtë Solemne, me rastin e festës së madhe të krishterimit - Ditës së Shën Pjetrit dhe të Shën Palit - apostuj, në Kishën e Shën Pjetrit, në Belo Horizonte, bashkëcelebruar nga priftërinjt: Atë Sérgio Jonqueira e Atë José Trópia, i veshur si Shën Pjetri Apostull. Mysafiri nga Kosova, gjatë kësaj meshe shpesh emocionohej, me devocionin e madh të besimtarëve. Emocionet e Engjëllit vëreheshin gjithnjë e më të theksuara, sidomos kur besimtarët këndonin hareshëm dhe me duartrokitje ritmike, gjatë meshës dhe në fund, kur priftërinjtë bekuan çelësat e shtëpive, që besimtarët i kishin sjellur në kishë, enkas për bekim, simbolikë kjo e Çelësit të Parajsës, që Jezu Krishti ia la në pronësi Shën Pjetrit.

Besimtarë duke u lutur, si dhe autorja e këtij shkrimi

Para se të mbarojë Mesha Solemne e Festës së Shën Pjetrit dhe Shën Palit, prifti - Atë José Trópia e ftoi mysafirin nga Kosova në altar, duke u thënë besimtarëse se sonte kemi fatin dhe nderin që në kishën tonë kemi një mysafir nga një vend i largët, nga një vend i vogël, por krenar, ambasadorin e Kosovës në Brazil - Engjëll Koliqin. Engjëlli, duke e falënderuar Atë Joséin e korrigjoi, duke i thënë se nuk është ambasador, por vetëm një qytetar i thjeshtë i Kosovës. Ai pastaj i përshëndeti qindëra besimtarë të pranishëm, duke shprehur vlerësimet e tij për vendin dhe popullin tonë dhe u kërkoi që të luten për njohjen e menjëhershme të pavarësisë së Kosovës. Të gjithë besimtarët (ishte përplot kisha) u ngritën në këmbë, u lutën bashkë për Kosovën dhe mbarë popullin shqiptar dhe e përshëndetën mysafirin me një duartrokitje të gjatë, duke brohoritur: Pavarësi e menjëhershme për Kosovën! Mysafiri, i emocionuar ua kthei: "Zoti u bekoftë të gjithëve! Zoti e bekoftë popullin e madh dhe të hareshëm të Brazilit, duke shtrirë mbi te rrezet e dashurisë së shenjtë të Nënës Sonë Tereze"!

Pamje e pllakës në hyrje të kishës

Në fund, mbasi ka mbaruar Mesha, të rinjt e Famullisë së Shën Pjetrit e kanë shfaqur një dramë kushtuar Shën Pjetrit Apostull e Papë i Parë, duke i dhuruar kështu kremtes vlera të larta artistike.

Pamje brenda kishës