NË BELO HORIZONTE PO LIND SHOQËRIA AFARISTE "DIPROJINT" - NDËRMJETËSIME DHE PROJEKTE INTERNACIONALE shpk

-- nga Caio WERNECK

Veprimtarit nga Stublla e Kosovës - Engjëll Koliqit, i është ofruar pozita e drejtorit të projekteve ndërkombëtare në këtë ndërmarrje, që do merret me diplomaci dhe me projekte ndërkombëtare.

Engjëll Koliqi dhe Profesoresha Vera Lucia

Belo Horizonte, 5 korrik 2007 - Lexues të dashur, ju që keni përcjellur praninë shqiptare dhe të Kosovës në vendin tonë, përmes veprimtarit dhe shkrimtarit nga Stublla e Kosovës, tashmë të mirënjohurit dhe të nderuarit nga të gjithë - Engjëll Koliqi-t, e dini se e gjithë agjenda e këtyre veprimtarive është planifikuar dhe realizuar nga Organizata Ndërkombëtare CAN (organizatë për planifikim dhe implementim projektesh ndërkombëtare, ushtrime e planifikime ligjëratash, organizime konferencash dhe shoqërim misionesh nga jashtë), themeluar tre muaj më parë nga profesoreshat e nderuara (tashmë të pensionuara) - Prof Dr Vera Lucia Alves Neves dhe Prof Esmeralda Carvalho Castro, si dhe nga Amelia Agostini.

Presidentja - Profesoresha Alves Neves, na ka konfirmuar se këto ditë po vazhdon procedura ligjore për ndërrimet në këtë organizatë, që tash e tutje do të quhet: DIPROJINT - Intermediação e Projetos Internacionais (DIPROJINT - Ndërmjetësime dhe Projekte Ndërkombëtare), që tash funksionon si sh.p.k. (shoqëri me përgjegjësi të kufizuar). Ajo na tha se në këtë ndërmarrje affariste ndërkombëtare, është anëtarësuar edhe veprimtari nga Kosova - Engjëll Koliqi, të cilit i është ofruar pozita e drejtorit. Udhëheqja e kësaj shoqërie affariste ndërkombëtare do të jetë, më sa vijon: Presidente - Prof Dr Vera Lucia Alves Neves, Drejtoreshë e Përgjithshme - Esmeralda Carvalho Castro, Drejtoreshë Financiare - Amelia Agostani, Drejtor i Projekteve Ndërkombëtare - Engjëll Koliqi dhe Drejtor i Protokollit - Márcio José Velloso.