6 vjet me revistën “Kuvendi” në Detroit

Numri i parë i revistës “ Kuvendi” u botua në Lezhë, në qytetin me shumë tradita në fushën e shkrimeve, në verën e vitit 1993. Por, në këtë shkrim jam nisur vetëm me botimin në Detroit, pasi botimi në Lezhë qe ndërprerë, për angazhime të tjera të botuesit. Lezha e kuvendeve u bë nisma e këtij botimi edhe këtu në Amerikën e largët. Lezha e Fishtës, Zarishtës dhe Bardhit, Lezha e prehjës së heroit Kombëtar, Gjergj Kastrioti-Skëndërbeu dhe e shumë patriotëve të tjerë, i dha nderin dhe emrin “Kuvendi”, revistës e cila rregullisht botohet në Detroit.

Me 27 maj 2007 bëhën 6 vjetë nga dalja e numrit të parë të revistës “Kuvendi” në Detroit. “Kuvendi”, një botim i përmuajshëm kombëtar, infromativ dhe kulturor. Ne 71 numrat e botuar deri ne Maj 2007, janë afërsisht 14 mijë faqe, që ia dhanë lexuesit, në këto 6 vjet. Edhe pse nuk ka pasë tirazhin e gazetave te përditëshmë, “Kuvendi”, ka mbetur në bibliotekat e shumë e shumë lexuesve, këtu ne Amerikë, veçanërisht ne Detroit, si dhe në Shqipëri, përkatësisht në Tiranë dhe Lezhë, në Kosovë dhe në Malësi, pjesën nën Mal të Zi. Deviza e ketij botimi ka qënë e vërteta, aq sa mund të arrihet, profesionalizmi dhe liria e shprehjes.

“Kuvendi, është përpjekur të vihet në shërbim të të gjithëve, pa asnjë dallim, krahinor dhe fetar. Në të gjitha rastet, “Kuvendi“ e ka kërkuar informacionin, aktivitetin dhe talentin, duke u vënë në shërbim të këtyre ngjarjeve të komunitetit dhe cilësive krijuese, të përsonave me dhunti në degë të ndryshme të artit. Kjo iu bë e mundur nëpërmjet shumë bisedave, me persona që kanë bërë sadopak emër në komunitet, si dhe me personalitete të politikës e kulturës shqiptare. Sipas botuesit, Pjetër Jaku, në 71 numrat e botuar deri në Maj 2007, janë 81 “Të ftuar në Kuvend”, rubrikë kjo e njohur nga lexuesit, që mbanë plot 1203 faqe.

A janë të gjithë të zgjedhur drejtë dhe, që kanë vërtetë kapacitete intelektuale? Sipas Jakut, nuk përjashtohen subjektivizmat në vlerësimet e të ftuarve. Disa prej sish, edhe pse kanë një diplomë universitare, nuk përcjellin ndonjë mesazh interesant tek lexuesit, ndaj prej afro një vit, rubrika u vlerësua si e përfunduar. Bisedat, në ndonjë rast, kanë qënë, të varfëra dhe vetëmburrëse, duke mos iu referuar, mendimeve të të tjerëve, për përsonat që përpiqen te duken përsonalitete, pa pasë asnjëlloj backgraundi në këtë klasifikim.

Ky botim, me ato forca krijuese që ka komuniteti, si dhe me njohuritë përsonale të botuesit, pse jo edhe me rekomandime të bashkëpunëtorëve, ka mbajtur rubrikat stabël, siç janë: “I ftuar në Kuvend”, “Jetë Komuniteti”, “Histori”, “Letersi shqipe dhe botërore”, “Retrospektivë”, “Rubrika e shendetit”, “Demokracia është liri”, “ Traditë”, “Vizion” etj… ka sjellë tek lexuesi vlera arshivuese, të cilat e kanë bërë këtë botim, të ruhet në biblioteka. Nevoja për ta koleksionaur “Kuvendin” është bërë si e tillë, jo vetëm nga temat dhe krijimtaria e botuar, por edhe nga penat që i kanë trajtuar ato. Në faqet e kësaj reviste kemi parë jo rrallë, Gjergj Fishten, Ernest Koliqin, Arshi Pipën, Martin Camajn, Nolin dhe Konicën Bilal Xhaferi, Agim Spahiu. Kadarenë dhe Agollin, Ali Podrimja Eqerem Basha, Visar Zhitin e Ndoc Gjetjen, studiuesin dhe shkrimtarin Tonin Cobani, politikanin dhe shkrimtarin, mandelen shqiptare Pjetër Arbnori, Besnik Mustafajn e Preç Zogajn, Ndue Dedaj, të riun e talentuar Aurel Vukpalaj etj. etj.

Në “Kuvend” jane gjetë penat e gazetarëve Gjeke Gjonlekaj, Zef Përgega, Agim Vuniçi, Astrit Lulushi, Zef Palokaj, Flora Durmishi, Mergim Korça, Klajd Kapinova, Rush Dragu, Vahid Hyzoti, Zef Lleshi, të krijuesve që banojne e krijojnë në Amerikë dhe në diasporë, që nga Kapllan Resuli, Fritz Radovani, At. Zef Pëllumbi, Miokom Zeqo, Dashnor Kaloçi, Kolec Traboini, Gjekë Marinaj, Elinda Marku, Gim Milani, Nitroshi, Mensur Spahiu Ferdinad Laholli, Merita Bajraktari, Rajmonda Moisiu, Nexhip Ejupi, Ndrek Guri, Lulash Palushaj, Pjetër Jaku deri tek me të rinjtë, Alsina Dedaj, Vera Vuçaj, Manjola Degaj etj. etj…

Për “Kuvendin” janë prononcuar aktivistët e njohur Ekrem Bardha, Julian Çefa, Kujtim Qafa, Ajaz Emini, Gjokë Martini, Leke Lulguri, Arjan Gruda, Toni Junçaj, Gjon Kelmendin, Genc Korça, Jozeph DioGuardi, Tomë Mriaj, Ermira Babaliu, Agustin Shqalsi, Alfons Grishaj, Adriatik Sheko, klerikët Imam Vehbi Ismaili, Don Anton Kçira, Dom Ndue Gjergji, Baba Flamur Shkalla, Imam Shuaip Gerguri, është shkruar per Baba Rexhepin, për Dom Prek Ndrevashaj, për celebrimin e meshtarit të ri, Dom Frederik Kalaj etj. Në “Kuvend” ka funksionuar, pothuaj vazhdimisht rubrika e studentëve. Kete rubrike shohim ta ketë mbajtur, me shumë pasion, juristi i njohur Zef Brozi. Rubrikën e përkthimeve, për afro dy vjetë e mbajti, poeti, studiuesi dhe përkthyesi i njohur Betim Muço.

Në rubriken e letërsisë, - vazhdon Jaku, - në këto 7 vjetë u përzgjodhën 248 autorë shqiptarë dhe të huaj, që zunë 1368 faqe. Po sipas botuesit, në rubrikën “Jetë komuniteti” u botuan 273 tema në 1326 faqe, ndërsa në atë historike, u botuan 116 shkrime në 1239 faqe. Asnjë ngjarje historike, që është përkujtuar në Atdhe dhe në komunitet nuk ka mbetur pa u pasqyruar në këtë botim. Vetëm për ngjarjet dhe aktivitetet e zhvilluara në Kishën Katolike të Shën Palit, janë botuar 89 tema në 621 faqe. Të gjitha këto, sipas botuesit, kanë pasë mbështetjen dhe përkrahjen e pjesës në vitale të këtij komuniteti.