Lek Pervizi dhe aktiviteti i tij në Bruksel

Në tetor 1993, duke pa mungesën absolute të një shtypi shqiptar në Belgjikë, ai themelon e boton revistën kulturore shqiptare « Kuq e Zi », që u quejt si pasardhëse e revistës së njohun « Albania » të Faik Konicës, që ishte botue po në Bruksel më 1897-1909, para 96 vjetësh. Hyrja e revistës në 14 vjetorin e botimit, thekson randësinë e saj që vazhdimisht ka ardhë duke u rritë si në përmbajtje ashtu në formë. Asht një revistë që kërkohet në rrethet intelektuale, për larminë e seriozitetin e subjekteve që trajtohen në të, që fare qartas pasqyrohen në moton që ajo mban: « Shqiptarve s’kanë ç’iu duhen ideologjitë e hueja, duke pasë një të vetmen të tynën, Shqiptarizmin, Idealin Kombëtar. »

Revista del sa e thjeshtë në paraqitje aq e pasun në përmbajtje, që asht kryesorja. Pa qellime perfitimi, si drejtuesit ashtu bashkepuntorët letrarë punojnë vullnetarisht. çdo abonim ose ndihmë që vjen shkon vetëm në dobi të përmirësimit të botimit e të shpërndarjes së revistës. Urojmë të dali ndonjë sponsor i vetëdijshëm për randësinë e vlerën kulturore shqiptare të kësaj reviste, që mban emnin e bukur të flamurit kombëtar. Janë të mirëpritur bashkëpuntorë që i përgjigjen përmbajtjes dhe parimeve të revitës siç janë përcaktue në moton e saj.

Lek Pervizi, piktor, poet, shkrimtar, historian e përkthyes në disa gjuhë asht themeluesi e drejtuesi i revistës, ish i perndjekur politik me 40 vjet burgje e kampe internimi nën diktaturen komuniste në Shqipni. Arriti të largohet me 1990 ne Belgjike, ku kishte jetue e vdekë prindi i tij, General Prenk Pervizi, prej ku kuptohet edhe persekutimi i egër që iu ba familjes, ku ishte perfshi edhe ai vetë. Pavarësisht nga terrori dhe trajtimi i mizor që e kishte përfshi, arriti të ruej të pacenueme ato njohuri kulturore që kishte fitue në studimet e kryeme në Itali para 1944, ku kishin studiue edhe vllaznit e prindi. U duhet shtue atyne studimeve edhe njohunitë e fitueme në konditat e burgjeve e kampeve, prej intelektualëve të lartë me të cilët ndante denimet, që i shëndrruen ato burgje e kampe në universitete të katakombave. Kur fitoi te drejtat themelore qe jep liria e një vendi demokratik si Belgjika e po ashtu vendet e tjera perendimore, iu vu punës për një rivlerësim e riperteritje të kulturës dhe historisë shqiptare, që kishte pësue nje tronditje të madhe çoroditëse, me dezinformime, shtrembnime e fallsifikime të neveritshme.

Qysh pre 14 vjetësh siç u tha ma sipër, revista kulturore « Kuq e Zi » botohet në Belgjike», prej këtij patrioti e intelektuali shqiptar. Duke përmendun Belgjikën na shkon mendja përsëri te Faik Konica, i cili pikërisht këtu kishte botue për 12 vjet rresht revistën e njohun « Albania » para110 vjetësh, kur doli numëri i parë më 25 mars1897. Prej asaj kohë, nuk kishte dalë ma asnjë lloj fletushke shqiptare sado e thjeshtë. Ishte pra revista « Kuq e Zi » që nisi botimin më tetor 1993, që ripertrinte nismën e Konicës, me një revistë me të njejtën përmbajtje serioze kushtue kulturës dhe historisë shqiptare, larg polemikave e debatëve të karakterit politik ose ideologjik të çdo forme qofshin.

Duke pasë parasyshë se nga koha e Konicës ku vetë botimi i shtypit ishte pothuejse primitiv dhe te tjera mjete nuk ekzistonin fare, me daljen e radios, asht për t’u theksue puna e mirë e zhvillueme prej afro njëzet vjet nga radio « Jehona Shqipe » e drejtueme nga z. Sakip Skepi, që ka dhanë një kontribut të madh për të informue shqiptarët e Brukselit me lajme dhe njohuni kulturore e historike. Një meritë që i duhet njohun botnisht këtij patrioti shqiptar.

Lek Pervizi asht kryetari i Shoqatës Kulturore Euro-Belgo-Shqiptare « Nanë Tereza » që njihet botnisht me emnin ACEBA nga frëngjishtja (Association Culturelle Euro Belge Albanaise) me adresën e-mail : [email protected] , krijue me 7 mars 2004, dhe kryetar i Shoqatës së ish Burgosurve Politikë Shqiptarë në Belgjikë qysh nga 1992. Kohët e fundit, me 17 janar 2007, u vlerësue nga Unioni Artisik i Kombit Shqiptar me Titull Nderi « Mirënjohja e Unionit » me motivacion: « për përkthimn shqip për herë të parë të veprës - Historia e Skënderbeut - të humanistit të shquar At Dhimitër Frangu, këshilltar e bashkëluftëtar i Skënderbeut », që pati jehonë të madhe në shtypin e mediat shqiptare.

Ne kuadrin e aktivitetit të saj, revista boton dhe libra me kopje të kufizueme, që shpërndahen me porosi. "Veprat e Lavdishme të Skanderbeut" nga Dhimiter Frangu, shqiptari i pare qe ka shkrue historine e Skanderbeut para 526 vjetësh, perkthye shqip nga italishtja e vjetër, nga Lek Pervizi, shoqnue me illustrime, 260 faqe, 20 Euro, përfshi posta.
"Pellazgët e pasardhësit e tyre" nga Eduard Schneider (1894), perkthye nga frengjishtja shqip nga Lek Pervizi, ku autori mbron tezen e prejardhjes se shqiptarve nga Pellasget, duke u mbeshtete mbi kontekstin gjuhesor, shoqnue me illustrime, 240 faqe, 20 Euro, përfshi posta.
"Dhjetë Sulltanët e Parë" me një pjesë të dytë mbi Skanderbeun, nga Paolo Jovio, (1541), historian i shquem i rilindjes italiane, përkthim nga italishtja e vjeter nga Lek Pervizi, me illustrime. I pari italian që shkruen për Skanderbeun, 220 faqe, 20 euro, përfshi posta.
"Ankimi i Zanave" poezi nga burgjet e kampet, në tre botime shqip, frengjisht e italisht, 200 faqe, 15 euro, përfshi posta.
"Albanie pays à connaître" (Shqiperia, vend per tu njohun) frëngjisht, nje pasqyre e historise sone (teori e re) nga origjina ne ditet tona, që po përkthehet dhe shqip. Pritet të botohet.
« Lufta e Abisinisë e manovrat e mëdha » 1935-1936, me autor Gjeneral Prenk Pervizin, përfaqësues i Shqipnisë, në komisionin ndërkombëtar të vezhguesve ushtarakë të asaj lufte, që botohet për herë të parë pas 70 vjetësh sipas relacionëve origjinale të tij. 220 faqe, 20 Euro, përfshi posta.
« Gjeneral Prenk Pervizi », monografi nga Pjetër Hidri, me illustrime, 192 faqe, 15 euro, përfshi posta.

Duke fillue nga 2007, revista « Kuq e Zi » do të botohet në dy gjuhë, frëngjisht-shqip, ku parashihen të dalin edhe artikuj anglisht, gjermanisht e italisht.

Porosia per revistën si ma poshtë:

- për një numër të derguem me postë, 10 euro copa.

- pajtimi vjetor:
Shqipëri e troje të tjera 20 euro
Europë 40 euro
Amerikë, Australi, 50 euro.

Nje paraqitje për sa thashe, mund ta gjeni ne – [email protected] - dhe në – në – www.reviste-kulturore.oldiblog.com dhe në – www.revista-kuq-e-zi.skyblog.com, ku ka fillue paraqitja në formë siti të revistës.

Për gjithë ata që janë të interesuem, e për çdo informatë e sqarim në lidhje me porositë që u interesojnë : abonime, blerje, anëtarësime, etj., mund të kontaktoni në adresën e-mail : [email protected] ose [email protected]