Pavarësia që humb sovranitetin

-- nga Bekim Rexhepi

Pavarësia e Kosovës po humb sovranitetin duke heshtur para zgjedhjeve te reja serbe dhe bisedimeve te mundshme me Serbin!

Ardhjet serbe nëpër Kosovë!...

Nëpër Kosovë bredhjet e politikanëve serb janë bërë lejues apo më mirë të themi pak edhe me realisht, ato kurrë nuk kanë qenë ndaluese. Sa herë që kanë ndodhur ardhje të politikanëve serb nëpër Kosovë, ato kanë qenë sa të befasishme, aq edhe të pritshme, sepse me vete sillnin fushata antishqiptare. Ardhjet apo bredhjet serbe në(për) Kosovë ishin të qëllimta, e që gjithsesi lidheshin me nacionalizmin dhe me forcimin e mitit serb (për Kosovën). Ato ardhje dhe bredhje nëpër Kosovë shpeshtoheshin, sidomos kur regjimi serb në dukje po humbte trenin manovrues të politikës shtypëse, qëllimet e kësaj politike për ti mbajtur gjithnjë dhe gjithmonë të shtypur shqiptaret sipas dëshirës dhe ëndrrës serbe.

Dimensioni i politike serbe synonte të shkatërronte gjithçka shqiptare. Në raste të tjera, kjo politikë funksionale tentonte të mbulonte edhe krizat e saja, të brendshme apo edhe për të ngritur karizma politike në favorin serb e mbi fatkeqësinë e shqiptarëve gjithsesi. Ardhjet apo bredhjet serbe, çoftë si zyrtare apo edhe si private, kanë ngjallur gjithnjë emocionet më të forta nacionaliste tek secili serb, i cili ka hasur mënyrën dhe ashpërsinë vulgare të politikës serbe ndaj shqiptarve.

Nëse dikur N. Qoviçi, na bezdite me planet e tij për Kosovën, më marrëveshjen e tij me Hakerup-in, na mbetet në kujtesë si akti më tinëzar i politikës konstante antishqiptare, qe militarizohej jo vetëm nga Serbia. Sot sikur po tentohet prapë të ripërsëritet skenari i njëjtë, i marrëveshjeve tinëzare, më po atë alibia të marrëveshje Qoviq-Hakerup. Sido çoftë një marrëveshje e re, e këti lloji, me akter të tjerë si: S. Samarxhiqi dhe shefi i UNMIKU-të, Joachim Ruecker.

Akti i zgjedhjeve serbe (në Kosovë) minon dhe vret sovranitetin e Kosovës

Nëse Serbia arrin prapë ti organizoj arbitrarisht zgjedhjet e saja në territorin e Kosovës, çoftë edhe me një marrëveshje të papërshtatshme, dhe sado intriguese te jetë marrëveshja brenda, ajo në esencë e minon dhe e vret sovranitetin e Kosovës të krijuar pak muaj më parë. Nëse me njohjen e shtetësisë dhe sovranitetit të Kosovës u bë botërisht humbja serbe për Kosovën, atëherë ka diçka qe nuk shkon si duhet. Shqiptaret e Kosovës duhet të dalin më hapur dhe me fuqishëm kundër zgjedhjeve serbe ne Kosovë. Duhet parë në këtë raste se si funksionon institucioni i shtetit, kundrejt përpjekjeve te jashtme për ta minuar politikën dhe për ta vrarë sovranitetin e Kosovës.

Duam ta kuptojmë se Serbia përfundimisht luan kartën e fundit me Kosovën, e kjo kartë është organizimi i zgjedhjeve serbe. E rëndësishmja (për Serbin) e këtyre zgjedhjeve nuk është rezultati i tyre, por është legalizimi i tyre, me tendencë që edhe për kohë të tjera, të mund të përsëriten ato, si zgjedhje serbe në Kosovë. Ardhja e politikanëve serb siç jemi mësuar ti shohim, me strajcën politik kundër pavarësisë dhe sovranitetit të Kosovës, përbën kulmin e politikës aversive serbe. Ditë më parë si “me leje te Bajram Currit”, hyri në Kosovë radikali T. Nikoliq, shpalosi strajcën dhe nuk ngurroi të pëllet pa pra kundër Kosovës.

Zgjedhjet e Serbisë në Kosovë mund ta ndezin emocionin e shqiptarëve të cilët dita ditës, sikur po e kapërcejnë manin e pavarësisë. Zgjedhjet serbe në Kosovë dhe zhurma për bisedime te reja mes Kosovës dhe Serbisë, sa i përket Statusit të Kosovës, vërtet përbën rrezikun e tensionimit të gjendjes drejtë një konflikti, i cili nuk duket aq i lehtë dhe aq i pa interes qe i tejkalon te konfliktuarit e drejtpërdrejt. Pavarësia e Kosovës po humb sovranitetin duke heshtur para zgjedhjeve te reja serbe dhe bisedimeve te mundshme me Serbin. Këtu duhet edhe Shqipëria të reagoj ndaj tendencave destabilizuese te Serbisë në Kosovë.