Të Ndërtojmë Katedralen e re në Prishtinë

-- nga Beqir SINA, Nju Jork, SHBA

U formua në New York fondi për "Our Lady of Shkodra Church - Cathedral Fund", për ndërtimin e Katedrales "Nënë Tereza" në Prishtinë

HARTSDALE - WIHTE PLAINS NY: Ky fond do t'i dedikohet ndërtimit të katedrales së re në Prishtinë, me kontributin e bashkësisë shqiptare të zonës tri-shteteteve New York- New Jersey - Connecticut, duke filluar nga ditët e para të formimit, në Kishën Katolike Shqiptare, "Zoja e Shkodrës" në Harstdale - New York. Ky fond ka një rëndësi të madhe, për bashkësinë shqiptare në Shtetet e Bashkuara të Amerikës, pasi ai do t'i bashkohet edhe kontributeve të tjera nga të gjitha trojet shqiptare, nga Kosova e diaspora, për ndërtimin e një Tempulli të ri, që i përkushtohet emrit të Nobelistes shqiptare, Nënë Terezes, gruas më të njohur e planetit, me profesion dashurinë, që investonte buzëqeshjet, industrialistja e mirësisë, me të vetmën pasuri, të shëronte plagët e botës.

Në këto ditë të mëdha për popullin shqiptarë, kur Kosova, tashmë është e pavarur, e lirë e zot i vetvetes, gëzimi i këtye besimtarëve, është i zmadhuar nga fakti, se në Prishtinë shumë shpejt, ka për të lulëzuar Katedralja e re. Për të cilën nuk do të mungoi mundi, as nuk nuk do të mungojnë paratë, pra s'do të mungojë asgjë, për të realizuar këtë projekt kaq kolosal, që përkrahjen me të madhe, këtu në New York, e ka nga famullitari Dom Pjetër Popaj, dhe Këshilli i Kishës, e gjithë bashkësia shqiptare, e tri -shtetshit New York - New Jersey-Connecticut. Kjo ndoshta bëhet edhe më tepër, për të treguar sa sa i madh është roli dhe kontributi i shqiptarëve të Amerikës, për këtë vepër të madhe fetare, në mes të kryeqytetit të Kosovës, në Prishtinë.

Në këtë kontekst, me kërkesën e ipeshkvit të Kosovës, Imz. Dode Gjergjit, Kisha Katolike "Zoja e Shkodrës" në Hartsdale, New York, ka formuar sot, një komision të komunitetit shqiptarë të New Yorkut me tri shtet përqark, për ngritje fondesh për ndertimin e katedrales së Prishtinës, dedikuar të lumtures Nënës Tereze. Pikërishtë, sot, ditë e dielë, me 24 shkurt 2008, pas u mbajtë një meshë madhështore, ku morën pjesë rreth 1,500 besimtarë në Kishën Katolike Shqiptare në Amerikë "Zoja e Shkodrës",filloi nga puna komisioni, i cili do të qëndrojë deri në finalizmin e këtij projekti.

Ky komision mbajti një mbledhje në kishë, qendrën kulturore"Nëna Tereze" ku kryetar i këtij komisioni u zgjodh z. Marjan Cubi. Në komision bënë pjesë edhe presidenti vullnetar i Ligës Qytetare Shqiptaro Amerikane, Joseph J. DioGuardi, ish kongresist republikan e Neë York-ut, Njëkohësisht, komisioni caktoi datën 25 maj, për një darkë festive, me qëllim ngritje fondesh. Darka do të jetë në Westchester County Center, në White Plains. Kontributet, për këtë fond u tha se paguhen në xhirollogarinë "Our Lady of Shkodra Church - Cathedral Fund" dhe janë të zbritshme, në atë lloj sistemi që këtu në SHBA-së, quhet Income tax, dhe bazohet sipas të gjithë rregullave të ligjistacionit amerikan.

Me ndërtimin e kësaj katedrale, në Prishtinë, tha famullitari Dom Pjestër Popaj, shqiptarët duket se janë edhe më të gëzueshëm, sepse kanë edhe gëzimin e pavarësisë së Kosovës. Ndërtimi i katedrales së re do të jetë një shenjë e madhe krmetimi, i kësaj fitore të madhe, tha ai. Agazhimi i ynë, është një kontribut i madh, i cili tregon edhe përparim dhe realizmin e një obligimi që ka diaspora shqiptare në Amerikë. Kjo ndihmë e jona do të jetë gjithmon e freskët e dashur dhe celebruese, ka pohuar famullitari Doma Pjetër Popaj, i Kishës Katolike Shqiptare në Amerikë, "Zoja e Shkodrës".

Kryetari i këtij komisioni z. Marjan Cubi, shprehet optimist se bashkësia shqiptare do të jap kontributin e saj që i takon, ashtu siç ka vepruar edhe në të kaluarën, kur ka qënë nevoja. Presidenti vullnetar i Ligës Qytetare Shqiptaro Amerikane, Joseph J. DioGuardi, ish kongresist republikan e New York-ut,dhe bashkëshortja e tij Këshilltarja e Çështjeve Ballkanike, Shirli Cloyes, të cilët bëjnë pjesë në komision, ofruan ndihmën dhe kontributin e Ligës Qytetare, e cila sipas tyre, nuk do të kurset së bashku me anëtarët e saj në vënjen në jetë të këtij projekti me përmasa të mëdha kombëtare. Mes kontribuesve të këtij fondi, është edhe njëri prej vëllezërve bujarë, finacuesit të shtatores e Nënë Terezës, në, New York, Mal të Zi, Kosovë e Maqedoni, z. Lekë Gojçaj dhe shumë bisnesmenë të tjerë të suksesëshëm, që financojnë vazhdimisht për çështjen kombëtare, në komunitet. Mes tyre dallohet edhe vaprimtari e biznesmeni i sauksesëshëm i komunitetit z Zef Balaj, kryeredaktori i revistes kulturore fetare "Jeta Katolike" z.Mark K.Shkreli, dhe drejtor i festivalit folklorik të komunitetit, organizaur nga kisha. Veprimtari John Zadrima, Gjergj Paloka, Gjergj Dedvukaj, Kolë Zagreda, Pashk Maksutaj dhe aktivistë e vrprimtarë të tjerë të dalluar në komunitet. Në përvjetorin e 10-të të vdekjes së humanistes shqiptare, Nëna Terezë, në Prishtinë kanë filluar punimet në ndërtimin e katedrales që mban emrin e saj.

Në këtë solemnitet presidenti i Kosovës, Fatmir Sejdiu, ftoi që ky objekt i rëndësishëm qër prezanton vlerën, identitetin, përkushtimin tonë ndaj të gjitha besimeve, ndaj të gjithë atyre njerëzve që flijuan vetveten për liri, pavarësi dhe po kështu për ndjenjën e lirë të besimit, të përfundojë sa më shpejt.