SHTATORJA E NËNË TEREZËS DO TË NGRIHET EDHE NË OHIO

-- nga Beqir SINA, Nju Jork, SHBA

Shqiptaro amerikanët, do të kenë pjesën e tyre në parkun Rockfeller Park, parkun më të njohur të qytetit Cleveland - Ohaio, për të ngritur në qendër të tij statujën e Nënë Terezes

CLEVELAND - OHIO: Komiteti Kultural i Zbukurimit të Qytetit, e ka aprovuar më heret këtë kërkesë të komunitetit shqiptarë, në qytetin Cleveland, të shtetit federal Ohaio. Janë disa komunitete, thuhet në një njoftim të bashkisë së qytetit Cleveland, me 478.000 banorë, në veri të SHBA-së, të cilat i kanë simbolet e tyre kombëtare, në parkun më të madh të qytetit - Rockefeller Park.

Për të promovuar krenarinë e tyre kombëtare, çdo komunitet, ka arritur të sjellë nga origjina e tyre diçka, ka ngritur diçka, ka viziatuar diçka, ose ka ofruar diçka nga vendi i tyre, për të treguar sesi ruhet dinjiteti dhe indetiteti i tyre kombëtarë, edhe këtu përtej oqeanit, prej nga ata kanë ardhur. Dy zyrtare të larta të këtij qyteti, përfaqësuesja e këshillit të bashkisë të qytetit Cleveland, Dona Brady dhe Anila Nicklos, anëtare e bordit të marrëdhënieve komunitare, ishin të parat, që e pranuan kërkesën e komunitetit shqiptarë.

Anila Nicklos, ish editorja e gazetës komunitare "Shqipja", gazetë periodike, kjo, që pasqyron jetën, aktivitetin dhe veprimtarinë e komunitetit shqiptarë, ka thënë se në pjesën perendimore të qytetit, Cleveland's West Side, dhe në Lakewood, e rreth tij jeton një numër i madh shqiptarësh, emigrantë të periudhave të ndyshme. Duhet theksuar se shumica e shqiptarëve të ardhur, Amerikë, janë nga ata të mbas viteve 1990. At'here kur ndryshimet e mëdha demokratike, në kampin komunistë të Europës juglindore, përfshinë edhe Shqipërinë, e cila më e fundit u çlirua nga sundimi diktatorial i Enver Hoxhës, që e sundoi me dorë të hekurt Shqipërinë,për më shumë se 50 vjetë. Rreth 5.000 emigrantë shqiptarë, veçse dekadën e fundit, mendohet se janë të vendosur në qytetin Cleveland të Ohaios. Pjesa më e madhe tyre, janë nga Fieri, qytet ky që është binjakizuar me qytetin e Ohaios - Cleveland.

Ndërsa, Dona Brady, anëtare e këshillit bashkiak, të qytetit Cleveland, ka theksuar se në jemi të lumtur që edhe komuniteti shqiptarë, erdhi me një kërkesë të tillë. Kërkesë,të cilën ne e kemi pritur prej vitesh, pasi e dimë sesa krenarë janë shqiptarët, ashtu si edhe komunitetet e tjera, të kenë një simbol të tyre në parkun multi - kultural. Brady, tha se është edhe në nderin e qytetit, që edhe komuniteti shqiptarë të ketë në mes të qytetit, statujën e Nënë Terezes, icionës shqiptare, nobelistes dhe bamirëses, humanistes me famë botërore.

Ajo ka caktur edhe vendin se ku do të vendoset statuja e Nënë Terezes, aprovuar nga këshilli bashkiak i qytetit. Statuja e Nënë Terezes, tha ajo do të vendoset në sheshin Rockefeller Park Greenhouse, afër me statujën e Martin Luther King, në bulevardin në mes të rrugës St. Clair Avenue dhe I-90. Autoritet e qytetit ofruan një shumë parashë, për përgatitjen e vendit ku do të vendoset statuja, si bazamentin e sheshit dhe pastrimin e vendit. Por, këto para nuk janë të mjaftueshme për ngritjen e shtatores. Kështu që. theksoi ajo duhen më shumë të holla, pasi duhet të paguhet artitekti, dhe skulptori i veprës. Nadj kush dëshorin të jap kontributin e tij dhe të përfshihet në këtë fushat, le të thërras në këtë numër telefoni (216) 961-4999 ose të kontaktojë me zyrtarët e Rockefeller Park Greenhouse.

Anila Nicklos, ish editorja e gazetës komunitare "Shqipja", gazetë periodike, e cila me temat e saja pasqyron jetën, aktivitetin dhe veprimtarinë e komunitetit shqiptarë, thotë së ketu kemi një komunitet të integruar plotësishtë ne jetën amerikane. Shqiptaro amerikanët, janë në zyrat e qytetit, inxhinier, biznesmen, doktorë, studentë, dhe punonjës të mirë. Kudo i gjenë shqiptarët, në këtë qytet. Ndaj dhe vendosja e statusjës së Nënë Terezes, në mes të qytetit, bulevardin multi kultural Rockefeller Park, do ta rrisë edhe më shumë krenarinë e tyre shqiptare, shprehet ajo.

Lekë dhe Pashkë Gojçaj "bartësit" e shtatores së Nënë Terezes në Amerikë