Ambasadorë të dijes dhe gjenerator i fuqishëm i sukseseve

-- nga Beqir SINA, Nju Jork, SHBA

DioGuardi dhe Bota Sot, u nderuan me "Mirënjohje" nga studentët e kolegjit "John Jay College Of Criminal Justice"

John Jay College - Manhattan NY: Albana Ballabani, Presidente e grupit të studentëve shqiptarë, në kolegjin "John Jay College Of Criminal Justice", ku ndoshta edhe ndodhet, edhe grupi më i madh i studentëve shqiptar, në Amerikë, udhëhoqi këtë mbrëmje të bukur festive. "Jemi duke festuar, tha ajo, 17 shkurtin, ditën kur lindi shteti më i ri botës - Kosova, e pavarur e sovrane, dhe 3 prillin marrjen ë një ftesë të Shqipërisë për në Nato" Ballabani, theksoi se për të marrë pjesë në festën e studentëve, klubi i studentëve shqiptarë nga ky kolegjë, janë shumë të gëzuar, dhe përjetojnë çaste të veçanta, pasi mysafirë nderi të kësaj mbrëmje festive, erdhi dhe ish-ligjëvënsi republikan amerikan, me origjinë arbëreshe, Joseph DioGuardi, Presidenti i Ligës Qytetare Shqiptaro Amerikane, si dhe gruaja e tij - këshilltarja e çështjeve Ballkanike, Shirli Kloyes.

Dy lederit kryesorë të Ligës Qytetare, bënë një vështrim të gjërë të gjitha çështjeve shqiptare, në të gjithë hapsirën ballkanike. Fillimisht, DioGuardi, foli për orgjinën e tij, e lidhjet e herëshme me shqiptarët, duke treguar para studentëve sesi ai i ka gjetur edhe rrënjët e trungut arbëreshë, sipas historisë nëpër vendbanimet shqiptare në jug të Italisë. Më pasë, ai tregojë për edukimin e tij dhe aktivitetin e tij politik në kongresin Amerikan. Duke u përqëndruar tek dy legjistaturat ku ai shërbeu, si pikat më suksesëshme të jetës së tij. Lëvizja shqiptare në SHBA- në këto 20 vitet e fundit, u trajtua me shumë hapsirë nga DioGuardi. Ai duke folur për Shqipërinë, ceku faktin 50 vjeçarë, vuajtjen e populli shqiptar nën sundim komunistë të Enver Hoxhës. I cili, e privojë tha DioGuardi, popullin e tij nga çdo e drejtë edhe më elementare. Çështja e Kosovës, lufta e derjtë për liri dhe pavarësi, ishte një pikë tjetër, të cilës ju referua, më së shumti DioGuardi.

"Ne tha ai, e kemi parë çështjen shqiptarë, gjithmonë të pandarë nga çdo pjesë e saj,. Kështu që unë dhe Shirli, i jemi përkushtuar njësojë dhe pa prefernca problemeve të shqiptarve në trojet e tyre; si në Preshevë, Bujanovc, Medvegje, Mal të Zi e Maqedoni, si dhe çështjen çame. Ata folën edhe mbi progresin e Shqipërisë në lidhje me përpjekjet e saj për t'u anëtarësuar në NATO dhe Bashkimin Europian (BE), vitet e fundit, si dhe çfarë lypset për fuqizimin e shtetit të ri të Kosovës, institucioneve në Kosovë dhe të ardhmes së saj - tashmë si një vend sovran e i pavarur, shtet i njohur ndërkombatarisht. Më pas ata iu kushtuan edhe problemeve të fundit të shqiptarve në Maqedoni. Dhe, rrahën në të gjitha aspektet, si e shohin ata zgjidhjen çështjes Çame, në Greqi.

Klubi i studentëve shqiptaro amerikanë nga kolegji "John Jay College Of Criminal Justice", zgjodhi këtë mbrëmje, që me këtë rastë edhe të festojë solemnishtë, dy festat më të mëdha të kombit tonë, në këtë vitë, 17 shkurtin shpalljen e pavarësisë së Kosovës, dhe 3 prillin marrjen e ftesës nga Shqipëria për në Nato. Një festë, kjo shumë e bukur e këtyre studentëve shqiptarë, që u shoqërua edhe me fjalime dhe diskutime, mbi historinë e shqiptarëve, luftën e tyre në mbrojtje të trojeve shqiptare në Ballkan, gjatë sundimit otoman, luftën për pavarësinë e Shqipërisë, si dhe pavarësinë e Kosovës.

Ndërsa, të motivuar dhe e nxitur nga roli dhe puna e madhe siç u shprehen ata të ish-ligjevensit republikan amerikan, me origjinë arbëreshe, Joseph DioGuardi, Presidenti i Ligës Qytetare Shqiptaro Amerikane, këtë vit ata gjatë kësaj feste, klubi i studentëve shqiptaro amerikanë nga kolegji "John Jay College Of Criminal Justice", menduan të nderojnë me mirënjohjen e thellë, "Një pllakë xhami krisatal i zi, vendosur mbi një sfond dru arre, dhe shkruar me gërma metali ngjyrë floriri (bronxi)" ku shkruhet" Mirënjohje! për pjesmarrjen tuaj në festën e Pavarësisë së Kosovës", Joseph DioGuardin dhe bashkëshorten e tij Shirli Klojes.

Një mirënjohje të njëjtë grupi studentëve shqiptaro-amerikanë të kolegjit "John Jay College Of Criminal Justice", ndau edhe për gazetën kombëtare të përditëshmen Bota Sot.

Me rastin e hapjes së programit festiv, drejtuesit e kësaj mbrëmje, duke prezantur edhe këngëtarin e mirënjohur të komunitetit Gëzim Nika, dhe këngëtaren Aida Caci - Ndoci, bënë edhe hapjen e mbrëmjes festive. Mbrëmjen e shoqërojë për disa orë një larmi me këngë, valle e melodi popullore nga të gjitha viset shqiptare. Mbrëmja vallëzuase në sallën Main Caffe të kolegjit "John Jay College Of Criminal Justice", vijojë me ushqimin e përgatitur nga amviset shqiptare(prindërit e studentëve), të cilët, e sollën sipas krahinave të tyre, shumëllojshmërin e ushqimeve tradicionale.

Albana Ballbani, studente nga Tirana, thotë se do të ishte ëndërra ime që të gjithë studentët shqiptarë, në Amerikë, kur kan aktivitete dhe veprimtari kombëtare, të mblidhemi të gjithë së bashku, për të treguar se sa të bashkuar jemi ne shqiptarët. Njëheret me arritjet, sukseset, dhe punën tonë, të krenohemi se jemi shqiptarë, të mosa e harrojmë asnjëherë Shqipërinë, Kosovën, dhe të gjitha viset shqiptare prej edhe nga kemi ardhur këtu në SHBA. Gëzim Nika, këngëtar i njohur tropojan, në ShBA, shprehet i emocionuar përpara këtij koncerti - të vogël festivë. Ai tha se me vjen mirë që ndodhem në një mjedis të bukur shqiptar.

Atmosfera e krijuar nga ky grup studentësh, të cilët, janë të shkëlqyer në mësime dhe të shoqërueshëm me njëri tjetrit. Pra, është kënaqësi të këndosh, përpra këtij brezi, kudo në Amerikë, brezë i cili do të jetë edhe e ardhmja jonë. Kur je në mjedise të tilla duke kënduar, ose kaluar momente të tilla kaq të bukura, emocionohesh dhe e harron edhe atë mungesën që të krijon vendlindja. Ndaj edhe unë zgjodha të këndojë edhe këngën "Oh sa mirë me qënë shqiptarë" dhe këngën "Shqipëri o nana ime", për ta bërë edhe mëshqiptare këtë festë.

Vasil Gjika, studentë nga Vlora, mendon se me këto takime me taban kombëtar, pikësëpari ne po i ndihmojnë shumë shqiptarëve të Amerikës, dhe vetvetes njëkosishtë. Ne së bashku edhe arrijmë të lidhemi më shumë me njëri tjetrin, njohim më shumë njëri tjetërin. Kjo bënë dhe forcimin e komunitetit dhe rritë numërin e shqiptarëve, në Amerikë. Në kët mënyrë zëri ynë dëgjohet edhe më fuqishëm në të ardhmen. Ne duhet në rradhë të parë të shkollohemi, të kapim suksese dhe të mos harrojmë asnjëherë vendin tonë prej nga kemi ardhur. Të, arrijmë deri aty sa bëhemi "avokatët" e çështjes shqiptare në SHBA-së, "ambasadorët" e kulturës, traditës dhe historisë së shqiptarëve. Nëpërmjet, nesh, po njihet edhe më shumë Shqipëria dhe Kosova në Amerikë.