Kryeministri i Kosovës Hashim Thaçi mban fjalim në OKB

-- nga Beqir SINA, Nju Jork, SHBA

Raporti i fundit, raporti i suksesshëm që i hap perspektivë edhe vendimit ndërkombëtar për statusin e Kosovës - Pavarësinë e Kosovës

United Nations (UN) New York: Këshilli i Sigurimit i OKB-së të mërkurën më 16 janar 2008, diskutojë për Kosovën. Ambasadorët e Këshillit të Sigurimit, pasi më parë kishin rënë dakord për formatin e kësaj mbledhjeje, për të qenë pjesërisht e hapur, në dy pjesë një e hapur, e një e mbyllur. Gjithashtu takimi i sotëm trajtojë edhe raportin tre mujor të Sekretarit të Përgjithshëm të OKB-së, Ban Ki Moon, i cili ndodhej në një vizitë zyrtare në Madrid. Në raportin mbi gjendjen në Kosovë gjatë tre muajve të fundit, Sekretari i përgjithshëm, Ban Ki-Moon, ka vlerësuar se është “pak e mundshme të mbahet status-quoja” dhe për këtë shkak, prioritet kryesor për Këshillin e Sigurimit dhe bashkësinë ndërkombëtare, duhet të jetë vazhdimi i procesit për përcaktimin e statusit të ardhshëm të Kosovës.

Këshilli i Sigurimit i Kombeve të Bashkuara, shqyrtojë edhe raportin e UNMIK-ut, për situatën në Kosovë, të mbajtur nga i dërguari i posaçëm të OKB-s në Kosovë, kryeadministratorit civil zoti Joachim Ruecker. Debatin e drejtojë Presidenti i rradhës i Këshillit të Sigurimit për muajin janar, ambasadori libian, Giadalla Ettalhi. Në fillim ai u kërkojë ambasadorve të KS të miratojnë axhendën për formën e këtij takimi.

Mirpo, ashtu edhe si pritej që edhe në këtë debat rreth raporteve u shfaqën mospajtime ndërmjet vendeve perëndimore që kryesoheshin nga Shtetet Bashkuara të Amerikës, Britania e Madhe dhe Franca, si dhe ato antitudë të Rusisë, e raportit që lexojë Serbia, për shpalljen e njëanëshme të pavarësisë së Kosovës, ashtu edhe për të ardhmen e misionit të OKB-së ne Kosovë dhe për vendosjen e misionit të BE-së atje. Nga ana tjetër fjalimi i ambasdorit të Rusisë Valdimir Churkin, synojë që Rusia edhe një herë para Këshillit të Sigurimit, të kërkojë, që të riaktualizojë propozimin e Moskës për vazhdimin e bisedimeve midis Prishtinës dhe Beogradit. Siç dihet, vendet përendimore, nuk kanë arritur ende që të miratojnë një rezolutë në Këshillin e Sigurimit, sipas së cilës do të zëvëndësohej Rezoluta 1244 dhe do të vendosej misioni i ri i BE-së. Ato tani po provojnë që këtë proces ta zgjidhin jashtë Këshillit të Sigurimit.

Ambasadori libian në fillim të debatit me dyer të hapura ka kërkuar ashtu si ishte caktuar që më parë, t'i ipej fjala presidentit të Serbisë, Boris Tadiq, që të flasë në mbledhjen e Këshillit të Sigurimit.

"Në emër të popullit të Serbisë, tha presidenti serb Tadiç, u deklarojë se ne nuk do t'a njohëm kurrë pavarësinë e Kosovës. Presidenti serb, në raportin e tij para Këshillit të Sigurimit, ka bërë edhe një herë thirrje që të hidhet poshtë çfarëdolloj deklarate e njëanshme për pavarësinë e Kosovës, duke u kujtuar atyre se rezoluta 1244 e OKB-së, i garanton Serbisë sovranitetin e saj territorial."

"Për dy vjet Serbia, tha ai u bë pjesë e bisedimeve për Kosovën, bisedime ku Serbia solli një numër propozimesh, të cilat, i referoheshin zgjedhjes së problemit të Kosovës. Ne jemi për një zgjedhje substanciale për Kosovën, e ngjashme me atë që Kina po përdorë për Hong Kongun dhe ishujt Macao, ose si ai i Finlandës me Aaland Island.Serbia, nuk do të njohë pavarësinë e njëanëshme të Kosovës, dhe e sheh atë si shumë të rrezikëshme. Ne do të mbrojmë me të gjitha mënyrat ligjore, diplomatike sovranitetin dhe integritetin tonë territorial, por, nuk do të përdorim dhunën apo luftën për të mbajtur Kosovën”, theksoi Tadiç, duke nënvizuar se për këto arsye, ne ju kërkojm të ndaloni inkurajimin e kryerjes se një akti të njëanëshëm për pavarësinë e Kosovës." ka insistuar në fjalën e tij Tadiq.

Mbas fjalës së presidentit të Serbisë, Tadiç, seanca u nderpre dhe u zhvillua me dyer të mbyllura.

Në seancën e dytë, një diplomat i tha agjensinë së lajmeve në gjuhën shqipe në Maqedoni INA, se me shumë interes u pritë nga të pesëmbëdhjetë anëtarët e Këshillit të Sigurimit, raporti i të dërguarit të posaçëm të OKB-s në Kosovë, kryeadministratorit civil Joachim Ruecker, mbi aktivitetet e UNMIK-ut dhe situatën në terren në Kosovë. "Raporti, i Kryeadministratorit civil Joachim Ruecker, kishte të bëjë me procesin e standardeve për Kosovën, standardet për funksionimin e institucioneve demokratike, sundimin e rendit dhe ligjit, ekonominë e tregut dhe për situatën aktuale". Shefi i Misionit të OKB-së në Kosovë, Joackim Ruecker, paraqiti një raport të zgjeruar për situatën dhe proceset në Kosovë. Besohet se ky të ketë qenë raporti i fundit i një përfaqësuesi të Misionit të OKB-së në Kosovë, pasi ai do të zëvëndësohet shumë shpejt nga misioni i Bashkimit Evropian.

Kryeministri i Kosovës z. Hashim Thaçi: Mendoj se ky raport do të jetë raporti i fundit, raporti i suksesshëm që i hap perspektivë edhe vendimit ndërkombëtar për statusin e Kosovës

Ndërkaq, pas kësaj Këshilli i Sigurimit, ambasadorët e saj që debatuan, pak më vonë, dëgjuan edhe kryeministrin kosovar, zotin Hashim Thaçi. Ai foli në një seancë me dyer të mbyllura. Kryeministri i Kosovës, Hashim Thaçi, ka thënë se procesi negociator është konsumuar dhe tani është koha për vendime. Për agjensinë së lajmeve në gjuhën shqipe në Maqedoni INA, kryeministri i ri i Kosovës, zoti Hashim Thaqi, tha se ai prezantojë edhe një herë atë realitetin pozitivë të Kosovës. Ai tha se në raportë foli rreth arritjeve që ka bërë Kosova, gjatë këtyre tetë viteve. Sidomos, atyre që kanë të bëjnë me implementimin e palnit të Ahtissarit, për të bërë Kosovën e pavarur, shtet sovran e demokratik. Mënyrën sesi Kosova, do të marrë përgjegjësit e saj dhe sesi si ajo do të funksionojë si shtet i pavarur.

Ne, tha ai treguam me anë të këtij raporti se i kemi realizuar premtimet tona, ashtu si edhe kemi marrë edhe premtime nga komuniteti ndërkombëtar. Ne kemi vizionin tonë për një shtet demokratik, sovran e i pavarur, shtet ky që synon të integrohet në të gjitha sturkturat Euro-Atlantike -Naton e të tjerat. Në Nju Jork, me këtë raport tha Thaqi, kemi ardhur këtu të prezantojmë vullnetin dhe dëshirën e qytetarëve të Kosovës. Të flasim qartë se Kosova është e gatëshme të bëjë shtetin e saj, është unike për të shpallur së shpejti pavarësinë e saj. Çka e presim edhe nga shumë vende, të cilat janë për njohjen e pavarësisë së Kosovës.

Mirpo, tha kryeministri i Kosovës, Thaqi, defenitivisht, puna e pavaërsisë së Kosovës është punë e kryer për ne. Shpallja e pavarësisë së Kosovës është një akt që do të ndodhë shumë shpejt. Dhe do të them se do të ndodh me një njohje rekord të atyre vendeve, të cilat, do të njohin pavarësisë e Kosovës. Pavarësisa e Kosovës, sipas tij është në rrugë të sigurt, është pavarësi e të gjithë qytetarëve të Kosovës, garanci për liritë e të drejtat e të gjithë qytetarëve të Kosovës, pavarësisht se janë minoritetet këto apo shumica. Kosova do të jetë një vend i mudësive të barabarta për të gjithë popullin e Kosovës. Do t'i kushtojmë shumë rëndësi të drejtave të minoriteteve, për t'i siguruar ata se do të kenë të gjitha të drejtat si çdo qytetar i Kosovës.

Ndër të tjera ceku ai se "Gjithmonë, i kam besuar të drejtës sonë për liri e pavarësi. Për këtë edhe kemi luftuar si popull duke sakrifikuar për këtë ditë, ndaj edhe e meritojmë këtë ditë. Lufta e UÇK-së, dhe e gjithë popullit të Kosovës, bëri që një ditë të dëgjohet dhe të respektohet zëri i popullit të Kosovës, për liri e pavarësi." pohoi Thaçi, për axhensinë së lajmeve në gjuhën shqipe në Maqedoni INA...