Bostoni, qyteti amerikan ku shqiptarët sfidojnë me restorante

-- nga Beqir SINA, Nju Jork, SHBA

Aty ndodhet dhe "Restoranti Anthony's Pier 4," ose i njohur ndryshe edhe si mikpritësi i Bostonit, për arsye të biznesit të suksesshëm në industrinë e restoranteve në Amerike

Boston - Massachusetts: Për, shqiptarët e Amerikës, është shkruar dhe folur vazhdimishtë, pasi dhe vet roli e aktiviteti i tyre në Diasporë, ka bërë vend, ka lënë gjurmë të pa-shlyeshme, në jetën e veprën e këtyre njërëzve. Jo vetëm, në Diasporë, por, edhe në vendlindje e në të gjitha trojet shqiptare. Ndaj, për ata, që, kan kohë në SHBA-s, por, edhe, për ne shqiptarët në përgjethësi, do t? thoja, është më rëndësi, të njohim e vlersojmë në çdo pikëpamje, atë që lypet, ose i nevoitet bashkësisë shqiptare, e çështjes kombëtare, portretizmimin e çdonjëri që ka arrritur një lloj suksesi. Pra, e thënë më konkretishtë, të dim? diçka më shumë, dhe të tregojmë realisht, e pa eksagjerime çdo përpjekje të tyre, për të mirën e tyre dhe familjes, shoqërisë e kombit tonë.

Nja 210 mile barabart, këto me 380 kilometra larg qytetit të New York-ut, "kryeqytetit" të shqiptarëve të Amerikës, gjendet edhe qyteti ku mbrritën edhe shqiptarët e parë - Boston i Massachusetts, ose Bostoni i Nolit. Ky vendbanim zhytet në mes të pjesës së bregut veri lindor të oqeantit Atlantik, vend shumë piktoreske dhe mjaft tërheqës. Në të ashtu si dhe shumë qytet amerikanë mbizotëron aty këtu edhe bukuria e madhështia e ndërtesave tipike amerikane. Por Bostoni ka edhe shumë shtëpitë e tija karakteristike, të cilat ngrihen të shpërndara aty këtu mbi lagjet e jashtme të qytetit. Këtu kohë pas kohe nëpër lagjet e rrugicat e ngushta, dhe sheshet e mëdha kanë filluar të dallohen shqiptarët.

Aty ndodhet dhe "Restoranti Anthony's Pier 4," ose i njohur ndryshe edhe si mikpritësi i Bostonit, për arsye të biznesit të suksesshëm në industrinë e restoranteve në Amerike, të ish pronarit të herëshëm të këtij restoranti të famëshëm i filanthropistit të njohur Anthony Athanas. I cili u bë gati tre vjet që vdiq dhe biznesin e tij ua la trashëgim fëmijëve të tij.

"Restoranti i tij Anthony's Pier 4, me zotin Athanas tek dera që priste dhe percillte klientët, ishte si një shtëpi plot gjallëri e gjithmone e hapur". "Anthoni Athanas përfaqëson ëndrën amerikane", ka thënë ish ligjvënësi Joe Kenendi, mik i familjes Athanas, kur vdiq Antoni. "Ai erdhi këtu, ka pohuar Kenedi si emigrant dhe me punën e tij krijoi një rrjet restorantesh me bazë Pier 4 pa të cilin sot Bostonit do t'i mungonte një monument historik. Ai merrej jashtëzakonisht edhe me çështjet shqiptareAi ka thënë se kur ai ishte në Kongres, ai vazhdimisht e me këmbëngulje shtronte përpara nevojën që kishte Shqipëria për investime e për ndihma te tjera në rrugën e demokratizimit. Anthoni Athanas ishte një njeri i jashtëzakonshëm, me zemër flori", thotë Joe Kenedi.

Boston, Sfida e shqiptarit, modele për emrin e restorantit

Mirpo, krahas shumë shqiptarëve të suksesëshëm në Boston, po flitet edhe për një emër të ri që po ndjek rrugën e biznesit të restorantëve, në Boston, dhe ai është Aldo Velaj, nga Vlora. Ai është një nga shqiptar që ka sfiduar në një mënyrë mjaft origjinale, edhe pronarin e ndërtesës ku ndodhet restoranti i tij në Boston të SHBA-ve, i cili nuk e lejonte të vendoste një reklamë të madhe para restorantit të pagëzuar "Vlora", shkruan një prestigjoze boatoniane "Boston Herald".

Aldo Velaj, sipas gazetës punëson 5 modele, që i paguan 270 dollarë në ditë, për të mbajtur në bluza emrin Vlora. Ky pra, është një shqiptar, që ka sfiduar në një mënyrë mjaft origjinale pronarin e ndërtesës ku ndodhet restoranti i tij në Boston të SHBA-ve, i cili nuk e lejonte të vendoste një reklamë të madhe para restorantit të pagëzuar "Vlora". Shqiptari Aldo Velaj, pronar i restorantit i ka dhënë, sipas "Boston Herald", një kuptim të ri togfjalëshit "modele për biznes", duke vendosur në vend të reklamës së madhe prej neoni dhe dritash, 5 modele vajza, që kanë të shkruar nga një shkronjë të emrit të restorantit V-L-O-R-A.

"Boston Herald", në një shkrim kushtuar kësaj mënyre të re të reklamimit, njofton se shqiptari edhe pse pronar i restorantit, nuk do ta përballojë për më shumë se dy javë emrin e shkruar në bluzat e vajzave të bukura, të cilat, i paguan me 18 dollarë për orë për të mbajtur shkronjat dhe reklamuar restorantin, të cilin ai e ka hapur pasi ka punuar për tre vjet në një restorant tjetër në Boston.